Monsoon 2026: గుడ్ న్యూస్ - అండమాన్ ని తాకిన నైరుతి మేఘాలు.. జూన్ మొదటి వారంలోనే తెలుగు రాష్ట్రాల్లోకి!
South west Monsoon: నైరుతి రుతుపవనాలు అండమాన్ సముద్రాన్ని పలకరించాయి. ఎల్నినో ప్రభావం ఉన్నా ముందుగానే రుతుపవనాలు వచ్చేశాయి.
Andaman Monsoon: భారతదేశ వ్యాప్తంగా ఎండవేడిమితో అల్లాడుతున్న ప్రజలకు వాతావరణ శాఖ చల్లని కబురు అందించింది. 2026 ఏడాదికి సంబంధించి నైరుతి రుతుపవనాలు దక్షిణ అండమాన్ సముద్రం, నికోబార్ దీవులు, ఆగ్నేయ బంగాళాఖాతంలోని కొన్ని ప్రాంతాల్లోకి అధికారికంగా ప్రవేశించాయి. సాధారణంగా మే 20 నాటికి రావాల్సిన రుతుపవనాలు, ఈ సారి కొంచెం ముందుగానే అంటే మే 15 నాటికే అండమాన్ తీరాన్ని తాకాయి. వాతావరణ పరిస్థితులు అనుకూలంగా ఉండటంతో ఇవి వేగంగా ముందుకు కదులుతున్నట్లు ఐఎండీ ధృవీకరించింది.
ప్రస్తుతం అండమాన్ సముద్రం మీదుగా వీస్తున్న గాలుల వేగం పెరగడం, మేఘాల సాంద్రత ఎక్కువగా ఉండటంతో రుతుపవనాల విస్తరణకు మార్గం సుగమమైంది. రాబోయే 48 గంటల్లో ఇవి మిగిలిన అండమాన్ దీవులతో పాటు బంగాళాఖాతంలోని మరిన్ని ప్రాంతాలకు విస్తరించే అవకాశం ఉంది. ఆగ్నేయ దిశ నుంచి వీస్తున్న బలమైన గాలులు రుతుపవనాల కదలికను వేగవంతం చేస్తున్నాయని, ఫలితంగా దేశంలోని ఇతర ప్రాంతాలకు వర్షాలు సకాలంలో అందే అవకాశం ఉందని వాతావరణ నిపుణులు అంచనా వేస్తున్నారు.
BIG CHANGE IN MONSOON ONSET DATE FOR TELANGANA ?
— Telangana Weatherman (@balaji25_t) May 15, 2026
It's a tentative timeline since atmospheric conditions tend to change, however it's a good news for everyone
This time, MONSOON ONSET likely in Telangana in June 1st week end/early June 2nd week
An early initiation of northward…
అండమాన్ నుండి మలుపు తిరిగే ఈ రుతుపవనాలు జూన్ 1 నాటికి కేరళ తీరాన్ని తాకనున్నాయి. కేరళలోకి ప్రవేశించిన తర్వాత ఇవి కర్ణాటక మీదుగా ప్రయాణించి, జూన్ 5 నుండి 8వ తేదీ మధ్యలో రాయలసీమ, దక్షిణ తెలంగాణ ప్రాంతాల్లోకి ప్రవేశించే అవకాశం ఉంది. జూన్ రెండో వారం నాటికి రెండు తెలుగు రాష్ట్రాల వ్యాప్తంగా రుతుపవనాలు పూర్తిగా విస్తరిస్తాయని ఐఎండీ అంచనా వేస్తోంది.
🚨 A possible Super El Niño is reportedly building over the Pacific, and climate experts are closely watching its intensity. If it strengthens further, Bharat could witness one of the most unusual weather patterns in decades.
— Bharat Ki Beti 🇮🇳👧🏻 (@PratibhaPriyad3) May 15, 2026
What does this mean for us?
• Unpredictable monsoon… pic.twitter.com/ntlurdGeqE
ఎల్నినో ప్రభావం ప్రస్తుతం ఉందని కొద్ది రోజులుగా ప్రచారం జరుగుతోంది. రుతుపవనాలు వచ్చే వరకు కొన్ని ప్రాంతాల్లో వడగాల్పుల తీవ్రత కొనసాగవచ్చని, అరేబియా సముద్రంలో ఏర్పడే అల్పపీడనాల ఆధారంగా రుతుపవనాల వేగంలో మార్పులు ఉండొచ్చని ఐఎండీ హెచ్చరించింది. ప్రస్తుతం అండమాన్ దీవుల్లో మొదలైన ఈ చినుకుల ప్రయాణం, మరో రెండు వారాల్లో భారత ప్రధాన భూభాగాన్ని చల్లబరచనుంది. నైరుతి రుతుపవనాల రాకతో దేశంలో వ్యవసాయ పనులకు అంకురార్పణ జరగనుంది.
టాప్ హెడ్ లైన్స్
ట్రెండింగ్ వార్తలు
