Radhan Pandit: 101 ఏళ్ల వరకు విజయ్ సీఎం.. రష్యా-అమెరికా గొడవలు కూడా తీరుస్తారట - దళపతి తీసేసిన జ్యోతిష్యుడి అతి వైరల్!
Vijay OSD Controversy: రిక్కీ రాధన్ పండిట్ వెట్రివేల్.. విజయ్ జ్యోతిష్యుడు ఇప్పుడు ట్రోలింగ్ మెటీరియల్ అయిపోయారు. ఇంటర్యూల్లో ఆయన చేస్తున్న కామెంట్లే కారణం.
Vijay OSD Radhan Pandit: తమిళనాడు నూతన ముఖ్యమంత్రి విజయ్ తన వ్యక్తిగత జ్యోతిష్యుడు రాధన్ పండిట్ను ఓఎస్డీగా నియమించడంపై రాష్ట్రవ్యాప్తంగా విమర్శలు వెల్లువెత్తాయి. ద్రవిడ రాజకీయాలకు పురిటిగడ్డ అయిన తమిళనాట, హేతువాద భావజాలం బలంగా ఉన్న చోట ఒక జ్యోతిష్యుడికి ప్రభుత్వ పదవి ఇవ్వడం ఏంటని ప్రతిపక్షాలతో పాటు మిత్రపక్షాలు కూడా మండిపడ్డాయి. దీంతో ఒత్తిడికి తలొగ్గిన విజయ్, నియమించిన 18 గంటల్లోనే ఆయనను పదవి నుంచి తొలగిస్తూ ఉత్తర్వులు జారీ చేశారు. అయితే, పదవి పోయినా రాధన్ పండిట్ ఇంటర్యూల్లో చేస్తున్న వ్యాఖ్యలు మాత్రం ఇప్పుడు చర్చనీయాంశంగా మారాయి.
Joseph Vijay’s astrologer, and the same Ricky Radhan Pandit whom Vijay had appointed as OSD for 18 hours, is saying:
— Amit Kumar Sindhi (@AMIT_GUJJU) May 15, 2026
“Vijay can remain CM for 50 years, and can even solve matters between the Russian President and the US President.”
That means Vijay is currently 51 years old, so… pic.twitter.com/GZS56Hugvr
రాధన్ పండిట్ తాజాగా ఒక ఇంటర్వ్యూలో విజయ్ జాతకం ప్రకారం ఆయన మరో 50 ఏళ్ల పాటు తమిళనాడు ముఖ్యమంత్రిగా కొనసాగుతారని జోస్యం చెప్పారు. ప్రస్తుతం విజయ్ వయస్సు 51 ఏళ్లు. అంటే పండిట్ లెక్క ప్రకారం విజయ్ 101 ఏళ్ల వయస్సు వచ్చే వరకు సీఎంగానే ఉంటారన్నమాట. ఈ వ్యాఖ్యలపై సోషల్ మీడియాలో నెటిజన్లు సెటైర్లు వేస్తున్నారు. పదవిలో ఉన్నది 18 గంటలే.. కానీ జోస్యం మాత్రం 50 ఏళ్లా అంటూ ఎద్దేవా చేస్తున్నారు.
TN Chief Minister’s astrologer and special advisor Radhan Pandit has now predicted TVK’s roadmap to make Vijay the Prime Minister of India in 2029.
— Selva Kumar Army (@SelvasArmy1) May 15, 2026
His statements: https://t.co/Ni1Hquf1tC pic.twitter.com/KuyorFIWo9
పండిట్ ఇక్కడితో ఆగకుండా, విజయ్ శక్తులు కేవలం తమిళనాడుకే పరిమితం కావని.. ఆయన అంతర్జాతీయ సమస్యలను కూడా పరిష్కరిస్తారని పేర్కొన్నారు. రష్యా అధ్యక్షుడు , అమెరికా అధ్యక్షుడి మధ్య ఉన్న విభేదాలను కూడా విజయ్ పరిష్కరించగలరు అని ఆయన వ్యాఖ్యానించడం ఇప్పుడు పెద్ద కామెడీగా మారింది. ముందు రాష్ట్ర ఆర్థిక సమస్యలు చూడమనండి, ఆ తర్వాత రష్యా-అమెరికా పంచాయితీలు చూద్దాం అంటూ తమిళ నెటిజన్లు రాధన్ పండిట్ను దారుణంగా ట్రోల్ చేస్తున్నారు.
ఒకవైపు ముఖ్యమంత్రిగా విజయ్ తన పరిపాలనతో ప్రజలను ఆకట్టుకోవాలని ప్రయత్నిస్తుంటే, ఆయన సన్నిహితులు ఇలాంటి అతి వ్యాఖ్యలు చేయడం పార్టీకి ఇబ్బందిగా మారింది. జ్యోతిష్యులను నమ్మడం వ్యక్తిగత విషయం అయినప్పటికీ, దానిని ప్రభుత్వంతో ముడిపెట్టడం వల్ల విజయ్ యొక్క హేతుబద్ధత పై ప్రశ్నలు తలెత్తుతున్నాయి. ముఖ్యంగా యువతలో ఉన్న క్రేజ్ను ఇలాంటి వ్యాఖ్యలు దెబ్బతీస్తాయని భావిస్తున్నారు.
தந்தை பெரியார் கொள்கை தலைவரா இருந்தா இவனுங்க ஏன் இந்த ஃப்ராடு பின்னாடி போக போறானுங்க.
— Dr. Swamy. PhD (@DrSwamyOff) May 15, 2026
ஆக்சுவலி @TVKVijayHQ வின் கொள்கை தலைவர் இப்போ நம்ம Radhan Pandit தான். @pandit_radhan.
முதல்வர் நம்ம மன நல மருத்துவர் ஷாலினி கிட்ட ஒரு few sitting போனா எல்லாம் சரியாகிடும். பாவம் அவங்களும்… pic.twitter.com/yZAKnrpFZj
రాధన్ పండిట్ గతంలో విజయ్ విజయాలను కచ్చితంగా ఊహించారని ఆయన మద్దతుదారులు చెబుతున్నా, ప్రస్తుతం ఆయన చేసిన అంతర్జాతీయ వ్యాఖ్యలు మాత్రం టీవీకే పార్టీకి పెద్ద తలనొప్పిగా మారాయి.
టాప్ హెడ్ లైన్స్
ట్రెండింగ్ వార్తలు
