Planet Parade 2022 : ఆకాశంలో ప్లానెట్‌ పరేడ్‌- ఇవాళ మిస్‌ అయితే మళ్లీ 2040 వరకు చూడలేరు

Planet Parade 2022 : ఇవాళ(జూన్ 24) అంతరిక్షంలోఅద్భుతం జరగబోతోంది. సౌర కుటుంబంలోని గ్రహాలన్నీ ఒకే కక్ష్యలోకి వచ్చి పోలీసుల తరహాలో పేరేడ్ చేయబోతున్నాయి. ఈ దృశ్యం ఈ వేకువజామున 3 గంటల నుంచి 6 గంటల వరకు ఆవిష్కృతం కాబోతోంది. మెర్య్కూరీ, మార్స్, వీనస్, జూపీటర్, సాటరన్, మూన్ ఒకే సరళ రేఖలోకి వచ్చి కనువిందు చేయబోతున్నాయి. ఈ దృశ్యం చివరిగా 2004లో కనువిందు చేసింది. 18 ఏళ్ల తర్వాత ఇప్పుడు మళ్లీ ఈ ఖగోళ అద్భుతం ఆవిష్కృతం కానుంది. గ్రహాల పేరేడ్ మళ్లీ 2040 తర్వాతే వస్తుందని అంతరిక్ష శాస్త్రవేత్తలు అభిప్రాయపడుతున్నారు. ఇవాళ్టి నుంచి పది రోజుల పాటు ఈ గ్రహాల పేరేడ్ కనిపించనుంది. దీనిని శాస్త్రవేత్తలు పేరేడ్ ఆఫ్ ప్లానెట్ పేరుతో పిలుస్తారు. భారత కాలమానం ప్రకారం ఉదయం 3 నుంచి 6 గంటల వరకు ఈ గ్రహాల పేరేడ్ కనువిందు చేయనుంది. ఎలాంటి బైనకులర్స్ లేకుండానే ఈ ఖగోళ అద్భుతాన్ని వీక్షించవచ్చని శాస్త్రవేత్తలు తెలియజేశారు. 

మళ్లీ 2040లో 

'ప్లానెటరీ పేరేడ్' అనే అధికారిక పేరు లేనప్పటికీ, సౌర వ్యవస్థలోని గ్రహాలు ఆకాశంలోని ఒకే ప్రాంతంలో వరుసలో ఉన్నప్పుడు జరిగే ఖగోళ సంఘటనను సూచించడానికి ఖగోళ శాస్త్రంలో ఈ పదాన్ని విస్తృతంగా ఉపయోగిస్తారు. దీనికి ఒకే నిర్వచనం లేదు. ఇవి సాధారణంగా ఉపయోగించే మూడు రకాలుగా చెబుతారు. మన సౌర వ్యవస్థ సూర్యునికి ఒక వైపు వరుసలో గ్రహాలు ఉన్నప్పుడు సంభవించే ఖగోళ సంఘటన ఇది. సౌర వ్యవస్థ గ్రహాలు భూమి నుంచి పరిశీలిస్తే ఆకాశంలోని ఒక చిన్న విభాగంలో సంభవించే సంఘటన. ఈ రకమైన గ్రహాల పేరేడ్ గతంలో ఏప్రిల్ 18, 2002న జరిగింది. ఆపై జులై 4, 2020న, కంటికి కనిపించే విధంగా సౌర వ్యవస్థలోని అన్ని గ్రహాలు ఆకాశంలో వరుసగా ఉంటాయి. ప్రాథమిక అంచనాల ప్రకారం ఇటువంటి గ్రహాల కవాతులు 2022, 2040, 2854 సంవత్సరాల్లో జరుగుతాయి.  అరుదైన సందర్భాలలో సౌర వ్యవస్థలోని అన్ని గ్రహాలను ఒకే రాత్రిలో చూడగలిగే అద్భుతమైన సంఘటన ఇది. ఈ సంఘటనలను గ్రహాల పేరేడ్ అని కూడా అంటారు.

ప్లానెట్ పేరేడ్ లో రకాలు 

ప్లానెట్ పేరేడ్‌ను 'అప్పల్స్' అని కూడా పిలుస్తారు. పేరేడ్ లో పాల్గొనే గ్రహాల సంఖ్యను బట్టి వీటిని విభజిస్తారు.  

• మినీ ప్లానెట్ పేరేడ్ - 3 గ్రహాలు 
• స్మాల్ ప్లానెట్ పేరేడ్ - 4 గ్రహాలు
• లార్జ్ ప్లానెట్ పేరేడ్ - 5 లేదా 6 గ్రహాలు
• గొప్ప (పూర్తి) గ్రహాల కవాతు - సౌర వ్యవస్థలోని అన్ని గ్రహాలు (+ ప్లూటో కొన్నిసార్లు)

మినీ ప్లానెట్ పేరేడ్ అరుదైన సంఘటనలు కాదు. మూడు గ్రహాలను ఏకకాలంలో ఒక ఏడాదిలో అనేక సార్లు గమనించవచ్చు.