ఓ మై గాడ్.. మేడపై నుంచి దూకిన వ్యక్తిని గాల్లో ఉండగానే క్యాచ్ పట్టుకున్నారు, ఎలాగంటే..

అగ్నిమాపక సిబ్బంది ఓ వ్యక్తిని గాల్లో ఉండగానే క్యాచ్ పట్టుకున్నారు. అదెలాగో ఈ వీడియోలో చూడండి.

Image Credit: Amazing Posts/Twitter

పైనా కాదు.. నేల మీద కాదు.. గాల్లో ఉండగానే అగ్నిమాపక సిబ్బంది ఓ వ్యక్తిని క్యాచ్ పట్టుకున్నారు. వామ్మో.. అదెలా సాధ్యం అనుకుంటున్నారా? అలా కేవలం సూపర్ మ్యాన్, స్పైడర్ మ్యాన్ లేదా ఐరన్ మాత్రమే మాత్రమే చేయగలడు అని అనుకుంటున్నారా? అయితే, ఈ వీడియోలోని రియల్ సూపర్ మ్యాన్‌ను చూస్తే తప్పకుండా ఆశ్చర్యపోతారు. ఓ వ్యక్తి భవనం మీద నుంచి దూకి ఆత్మహత్యకు ప్రయత్నిస్తున్నాడనే సమాచారం అందుకున్న అగ్నిమాపక సిబ్బంది, పోలీసులు హుటాహుటిన అక్కడికి చేరుకున్నారు. అతడిని ఆపేందుకు ప్రయత్నించారు. కానీ, అతడు మాట వినలేదు. ఈ నేపథ్యంలో ఓ ఫైర్ ఫైటర్‌కు మరో ఐడియా వచ్చింది. అతడు మేడ మీద నుంచి దూకగానే గాల్లోనే అతడిని పట్టేసుకోవాలని నిర్ణయించుకున్నారు. దీంతో అతడు ఎక్కిన అపార్ట్‌మెంట్‌లోని కిటికీ కిందకు వెళ్లి వేచి చూశారు. 

ఆ వ్యక్తి మేడ మీద నుంచి దూకగానే ఫైర్ ఫైటర్ కిటికీ నుంచి చేతులు బయటకు చాచి.. గాల్లో ఉండగానే క్యాచ్ పట్టేశాడు. వెంటనే ఆ వ్యక్తిని కిటికీ నుంచి లోపలికి లాగి ప్రాణాలు రక్షించారు. ఇందులో ఏ చిన్న పొరపాటు చేసినా ఆ ఫైర్ ఫైటర్ కూడా కిందపడిపోయేవాడు. కానీ, ఎంతో తెలివిగా అతడు.. ఆ వ్యక్తి కాళ్లను పట్టుకోగలిగాడు. తన ప్రాణాలను అడ్డుపెట్టి మరీ అతడిని కాపాడాడు. రెడిట్, ట్విట్టర్‌లలో ఈ వీడియో వైరల్ కావడంతో రాత్రికి రాత్రే అతడు హీరో అయిపోయాడు. 

ఈ వీడియో చూసిన నెటిజనులు అతడిని ప్రశంసలతో ముంచెత్తుతున్నారు. ఇలాంటి క్యాచ్‌ను ఎప్పుడూ చూడలేదని అంటున్నారు. మనిషిని క్యాచ్ పట్టడమంటే సాధారణ విషయం కాదని, ఆ సమయంలో చేతులపై చాలా భారం పడుతుందని అంటున్నారు. తప్పకుండా ఆ ఫైర్‌ఫైటర్ చేతి కండరాలు పట్టేసి ఉంటాయని, అంతర్గత గాయాలయ్యే అవకాశాలు ఉన్నాయని కామెంట్లలో తెలుపుతున్నారు. అయితే, ఈ ఘటన ఎప్పుడు.. ఎక్కడ చోటుచేసుకుందనేది తెలియరాలేదు. ఆ వీడియోను చూస్తే తప్పకుండా మీ రోమాలు నిక్కబొడుచుకుంటాయి. 

వీడియో: