Kandahar Mosque Blast: మసీదులో బాంబు పేలుడు.. 32 మంది మృతి!

అఫ్గాన్‌లో భారీ పేలుడు సంభవించింది. ఈ ఘటనలో 32 మంది మృతి చెందినట్లు సమాచారం.

మసీదులో బాంబు పేలుడు

అఫ్గానిస్థాన్‌లో బాంబు పేలుడు కలకలం సృష్టించింది. కాందహార్‌లోని దక్షిణ ప్రాంతంలో ఉన్న మసీదులో బాంబు పేలుడు సంభవించింది. ఈ ఘటనలో 32 మంది మృతి చెందగా 53 మంది వరకు గాయపడినట్లు స్థానికులు తెలిపారు. నగరంలోని ఓ మసీదులో బాంబు పేలుడు జరిగినట్లు అధికారులు తెలిపారు. షియా కమ్యూనిటీకి చెందిన మసీదులో ఈ పేలుడు జరిగినట్లు స్థానికులు తెలిపారు.

"Blast hits mosque belonging to the Shia community, in Kandahar. Casualties reported. The explosion occurred during Friday prayers," reports TOLO news

— ANI (@ANI) October 15, 2021

Local officials told TOLOnews that 16 people were killed and nearly 40 others were injured in today’s bombing attack on the Kandahar mosque: Afghanistan's TOLOnews

— ANI (@ANI) October 15, 2021

శుక్రవారం ప్రార్థనల సందర్భంగా ఈ పేలుడు జరింది. అయితే పూర్తి సమాచారం తెలియాల్సి ఉంది. ఈ దాడులకు ఇప్పటివరకు ఎవరూ బాధ్యత వహించలేదు.

జంట పేలుళ్లు..

కాబుల్‌ విమానాశ్రయంపై ఇటీవల జరిగిన జంట ఆత్మాహుతి దాడుల్లో 108 మంది మరణించారు. ఇందులో 13 మంది అమెరికా సైనికులు కాగా.. 95 మంది అఫ్గాన్‌ వాసులు. 150 మంది గాయపడ్డారు. ఈ దాడికి ఐఎస్‌ఐఎస్‌-ఖోర్సా బాధ్యత తీసుకుంది. మృతుల్లో 28 మంది తమ వారు కూడా ఉన్నారని తాలిబన్లు ప్రకటించారు.

అమెరికా బలగాలు అఫ్గాన్‌ను వీడిన తర్వాత తాలిబన్లు మధ్యంతర ప్రభుత్వాన్ని ఏర్పాటు చేశారు. ఒక్కప్పటి హింసాకాండకు, నియంత చర్యలకు పాల్పడమని చెప్పినప్పటికీ మహిళలపై అరాచకాలు అలానే కొనసాగుతున్నాయి. మహిళలను విధుల్లోకి హాజరుకాకుండా తాలిబన్లు నియంత్రిస్తున్నారు. కో- ఎడ్యుకేషన్‌ను బంద్ చేస్తున్నట్లు ప్రకటించారు. అఫ్గాన్ మహిళల వస్త్రధారణపైనా ఆంక్షలు విధించారు. ప్రభుత్వాన్ని ప్రశ్నించకూడదని ఆదేశాలు జారీ చేశారు.

జర్నలిస్టులపై కూడా దాడులు పెరిగిపోయాయి. తమకు వ్యతిరేకంగా పనిచేసే జర్నలిస్టులను బహిరంగంగానే కాల్చిచంపారు. అయితే పైకి మాత్రం అంతా సవ్యంగా ఉందంటున్నారు. సరిహద్దు దేశాలతో మంచి సంబంధాలు కోరుకుంటున్నామని తాలిబన్లు అంటున్నారు అభివృద్ధే లక్ష్యంగా ప్రభుత్వం పనిచేస్తుందన్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి