2013 Patna Gandhi Maidan Blasts: 'మోదీ సభలో బాంబు దాడి' కేసులో నలుగురికి ఉరిశిక్ష ఖరారు

2013లో పట్నా గాంధీ మైదాన్‌లో జరిగిన వరుస బాంబు పేలుళ్ల కేసులో నలుగురు దోషులకు కోర్టు ఉరిశిక్ష విధించింది.

పట్నా వరుస పేలుళ్ల కేసులో నలుగురు దోషులకు ఉరిశిక్ష

పట్నా గాంధీ మైదాన్‌లో 2013లో జరిగిన వరుస బాంబు పేలుళ్ల కేసులో దోషులకు ఎన్‌ఐఏ ప్రత్యేక కోర్టు శిక్ష ఖరారు చేసింది. మొత్తం 9 మంది దోషుల్లో నలుగురికి మరణశిక్ష విధించింది.

2013 Patna Gandhi Maidan serial blasts | NIA Court Patna pronounces quantum of punishment for 9 convicts-4 get capital punishment, 2 get life imprisonment, 2 get 10-yr imprisonment&one gets 7-yr imprisonment

Blasts had occurred at venue of then PM candidate Narendra Modi’s rally

— ANI (@ANI) November 1, 2021

మిగిలినవారికి..

మిగిలిన ఐదుగురు దోషుల్లో ఇద్దరికీ జీవితఖైదు విధించగా మరో ఇద్దరికి 10 ఏళ్లు, ఒకరికి ఏడేళ్ల జైలు శిక్ష ఖరారు చేసింది. ఈ కేసులో ఆరోపణలు ఎదుర్కొన్న 11 మందిలో 10 మందిని జాతీయ దర్యాప్తు సంస్థ (ఎన్​ఐఏ) ప్రత్యేక న్యాయస్థానం ఈ ఏడాది అక్టోబర్ 27న దోషులుగా తేల్చింది. సరైన ఆధారాలు లేని కారణంగా ఓ వ్యక్తిని నిర్దోషిగా విడుదల చేసింది.

వరుస పేలుళ్లు..

2013లో ఎన్‌డీఏ ప్రధానమంత్రి అభ్యర్థిగా నరేంద్ర మోదీని ప్రకటించిన సందర్భంగా పట్నాలోని గాంధీ మైదానంలో అక్టోబర్ 27న హుంకార్‌ పేరుతో భారీ ర్యాలీ చేపట్టారు. ఈ ర్యాలీలో ఒక్కసారిగా ఆరు బాంబులు పేలాయి. ఈ ఘటనలో మొత్తం ఆరుగురు ప్రాణాలు కోల్పోయారు. మరో 70 మంది గాయాలపాలయ్యారు.

వీటిలో రెండు బాంబులు మోదీ ప్రసంగ వేదికకు 150 మీటర్ల దూరంలో పేలాయి. అయితే ఈ పేలుళ్లన్నీ మోదీ, భాజపా నాయకుల రాకకు ముందే జరగడం వల్ల పెను ప్రమాదం తప్పింది. దీనిపై కేసు నమోదు చేసిన ఎన్​ఐఏ 11 మందిని నిందితులుగా పేర్కొంది. వీరిలో 10 మంది సిమి (స్టూడెంట్స్​ ఇస్లామిక్​ మూవ్​మెంట్​ ఆఫ్​ ఇండియా)కి చెందినవారు. మరో వ్యక్తి మైనర్​ కావడం వల్ల అతడిని మూడేళ్ల పాటు జువెనైల్​ హోంలో ఉంచారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి