UP CM Yogi Adityanath: తాలిబన్లకు తనదైన స్టైల్‌లో యోగి వార్నింగ్.. 'భారత్ వైపు చూస్తే వైమానిక దాడే'

అఫ్గానిస్థాన్, పాకిస్థాన్‌ను ఇబ్బంది పెడుతోన్న తాలిబన్లు భారత్ వైపు చూసేందుకు కూడా ధైర్యం చేయలేరని ఉత్తర్‌ప్రదేశ్ సీఎం యోగి ఆదిత్యనాథ్ అన్నారు.

తాలిబన్లకు యోగి వార్నింగ్

తాలిబన్లకు ఉత్తర్‌ప్రదేశ్ ముఖ్యంత్రి యోగి ఆదిత్యనాథ్ తనదైన స్టైల్‌లో వార్నింగ్ ఇచ్చారు. భారత్ వైపు చూడాలని ప్రయత్నిస్తే తాలిబన్లకు ఏమవుతుందో బాగా తెలుసన్నారు యోగి. లఖ్‌నవూలో ఆదివారం జరిగిన సామాజిక ప్రతినిధి సమ్మేళనంలో యోగి ఈ మేరకు ప్రసంగించారు.

" ప్రధాని నరేంద్ర మోదీ నాయకత్వంలో భారత్ చాలా శక్తిమంతంగా ఉంది. ప్రపంచంలోని ఏ దేశం కూడా భారత్ వైపు చూసే ధైర్యం చేయలేదు. ప్రస్తుతం పాకిస్థాన్, అఫ్గానిస్థాన్ దేశాలు తాలిబన్ల వల్ల ఇబ్బందులు ఎదుర్కొంటున్నాయి. కానీ భారత్‌ను ఇబ్బంది పెట్టాలని చూస్తే తమవై వైమానిక దాడి రెడీగా ఉందని తాలిబన్లకు బాగా తెలుసు. "

-                                యోగి ఆదిత్య నాథ్, ఉత్తర్‌ప్రదేశ్ ముఖ్యమంత్రి

ప్రతిపక్షాలపై..

రాష్ట్రంలోని రాజ‌కీయ ప్ర‌త్య‌ర్థుల‌పై కూడా యోగి ఆదిత్యనాథ్ మండిపడ్డారు. స‌మాజ్‌వాదీ, బ‌హుజ‌న్ స‌మాజ్‌, కాంగ్రెస్ పార్టీలకు అసలు అభివృద్ధి ఏంటో తెలియదన్నారు. అయినా రామ‌భ‌క్తుల‌ను హత్య చేసిన వాళ్లు దేశ ప్ర‌జ‌ల‌కు క్ష‌మాప‌ణలు చెబుతారా? అని ఆయ‌న ప‌రోక్షంగా స‌మాజ్‌వాదీ పార్టీని విమ‌ర్శించారు.

అఖిలేశ్ యాదవ్‌పై..

ఇటీవల జిన్నాను సర్దార్ వల్లభ్‌భాయ్ పటేల్‌తో సమాజ్‌వాదీ అధినేత అఖిలేశ్ యాదవ్‌ పోల్చడంపై యోగి ఆదిత్యనాథ్ ఆగ్రహం వ్యక్తం చేశారు. దేశ ప్రజలకు అఖిలేశ్ యాదవ్ క్షమాపణలు చెప్పాలని డిమాండ్ చేశారు.

कल सपा के राष्ट्रीय अध्यक्ष ने देश तोड़ने वाले जिन्ना से राष्ट्र को जोड़ने वाले सरदार वल्लभ भाई पटेल की तुलना की।

यह बेहद शर्मनाक कृत्य है। प्रदेश की जनता इसे कभी स्वीकार नहीं करेगी। pic.twitter.com/0EukNKYE0B

— Yogi Adityanath (@myogiadityanath) November 1, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి