Cataracts in children: పిల్లల్లో కంటిశుక్లం సమస్య - ఈ చిట్కాలు పాటిస్తే.. మీ చిన్నారుల చూపును కాపాడవచ్చు

Cataracts in children: కొంతమంది పిల్లల్లో కంటిశుక్లం పుట్టుకతో వస్తుంది. ఇంకొందరిలో గాయం లేదా అంటువ్యాధుల వల్ల కంటిశుక్లం రావచ్చు. మీ పిల్లల్లో కంటిచూపును రక్షించే సంకేతాలేంటో చూద్దాం

Representational image: Pexels

Cataracts in children: నేడు టెక్నాలజీ బాగా పెరిగింది. పిల్లలు ఐపాడ్స్, ఫోన్స్, ల్యాప్ టాప్స్, కంప్యూటర్లు, టీవీలు వాడుతున్నారు. వీటి వల్ల ఎన్ని లాభాలు ఉన్నాయో.. నష్టాలు కూడా అంతే ఉన్నాయి. ఇవి పిల్లల కంటి ఆరోగ్యాన్ని బలహీనంగా మారుస్తాయి. నేటికాలంలో ఏ పిల్లవాడిని కదిలించినా కంటి సమస్యల గురించి చెబుతున్నారు. ముఖ్యంగా భారతదేశంలో చిన్నారుల అంధత్వానికి ముఖ్యమైన కారణం కంటిశుక్లం.

పిల్లల్లో పుట్టుకతోనే కంటిశుక్లం వచ్చే ప్రమాదం ఉంది. కొంతమందిలో గాయాలు లేదా అంటు వ్యాధుల వల్ల కూడా కంటిశుక్లం వస్తుంది. పుట్టుకతో వచ్చే కంటి శుక్లం గర్భధారణ సమయంలో జన్యుపరమైన లేదా ఇన్ఫెక్షన్‌లు కారణంగా వస్తుంది. ప్రపంచ ఆరోగ్య సంస్థ ప్రకారం కంటిశుక్లం పిల్లల్లో దృష్టి లోపానికి కారణం అవతుందని పేర్కొంది. అయితే కంటిశుక్లాన్ని ముందుస్తుగా గుర్తించడం వల్ల జీవితకాల దృష్టి సమస్యలను నివారించడంలో సహయపడుతుంది. పిల్లల్లో కంటిశుక్లం సంకేతాలు, లక్షణాలు గుర్తించి వెంటనే చికిత్స అందించినట్లయితే మెరుగైన ఫలితాలను పొందవచ్చు. 

సాధారణ సంకేతాలు, లక్షణాలు:

అస్పష్టమైన దృష్టి:

కంటిశుక్లం అత్యంత స్పష్టమైన లక్షణం అస్పష్టమైన దృష్టి. కంటి లెన్స్ మారడంతో చూపు అస్పష్టంగా మారుతుంది. ఇది కంటిచూపు తగ్గుతుందనడానికి సంకేతం. పిల్లలు చదవడానికి, రాయడానికి కష్టపడుతుంటారు. వారి దృష్టిని పొగమంచులో చూస్తున్నట్లు మసకగా కనిపిస్తుంది. ఇది రోజువారీ పనులపై ప్రభావం చూపుతుంది. 

కాంతి సున్నితత్వం:

కంటిశుక్లం ఉన్న పిల్లలు కాంతిని సరిగ్గా చూడలేపోతారు. దీనిని ఫోటోఫోబియా అని పిలుస్తారు. ప్రకాశవంతమైన లైట్లు చూపును అడ్డుకుంటుంది. కంటిశుక్లం ఉన్నపిల్లలు వెలుతురును చూసేందుకు భయపడుతుంటారు.

తక్కువ వెలుతురులో చూడటం కష్టం:

కంటిశుక్లం వల్ల పిల్లలు తక్కువ వెలుతురు కూడా ఇబ్బందిపడతారు. రాత్రివేళ చదవడం లేదా నీడ ఉన్న ప్రదేశాలలో ఆడుకోవడం వంటివి కష్టంగా మారతాయి. ఎందుకంటే తక్కువ కాంతి వల్ల పూర్తిగా చూడలేరు. దూరంగా ఉన్నవస్తువులను చూడటం, చీకట్లో నడవడం, చదవడం వంటివి ఇబ్బంది కలిగిస్తాయి. 

కంటిలో కనిపించే మేఘావృతం:

పిల్లలలో కంటిశుక్లం.. స్పష్టమైన సంకేతాలలో ఒకటి. విద్యార్థి కంటిలో తెల్లటి బూడిద రంగు మచ్చ కనిపిస్తుంది. దీనిని తల్లిదండ్రులు సులభంగా గుర్తిస్తారు. వెంటనే వైద్యులను సంప్రదించడం ముఖ్యం. బూడిద రంగు మచ్చ అనేది కంటిశుక్లానికి సంకేతం. దీనికి చికిత్స చేయకుండా అలాగే వదిలేస్తే దృష్టిని తీవ్రంగా దెబ్బతీస్తుంది

కదిలే వస్తువులను గుర్తించలేరు:

కంటిశుక్లం ఉన్న పిల్లలు కదిలే వస్తువులను గుర్తించలేరు. ఇతరులను గుర్తించలేరు. వారు పరిసరాలతో నిమగ్నమై ఉండకపోవచ్చు. ఈ అభివృద్ధి జాప్యాలు దృష్టి లోపాలను వెంటనే గుర్తించడానికి  కంటి పరీక్షలు చేయించడం ముఖ్యం. 

పేలవమైన కంటిచూపు :

కంటిశుక్లం ఉన్న పిల్లల ప్రవర్తనలో మార్పులు ఉంటాయి. సరైన నిర్ణయాలు తీసుకోకపోవడం, ఇతర విషయాలను తప్పుగా భావిస్తారు. ఈ ప్రవర్తనా మార్పులను ముందుగానే గమనించి సకాలంలో  వైద్యం చేయించాలి. 

మెల్లకన్ను:

మెల్లకన్ను ఉన్న పిల్లలు సరిగ్గా చూడలేరు. వెలుతురు చూడలేకపోతారు. వెలుతురులో చూడాలంటే తలను వంచుతారు. ఇవి కోపింగ్ మెకానిజమ్స్, అంతర్లీన కంటిశుక్లం సంకేతాలు. ఇలాంటి సంకేతాలు కనిపించినప్పుడు చికిత్స అందించడం ముఖ్యం. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.