Viral food: పానీపూరీ ఐస్‌క్రీమ్ రోల్ విత్ చట్నీ... వెగటు పుట్టిస్తున్న కాంబినేషన్, వైరలవుతున్న వీడియో
కొన్ని కాంబినేషన్ ఫుడ్ చూస్తుంటే వెగటు పుడుతుంది. అలా వింతగా ఉన్నవే వైరల్‌గా మారతాయి.
మ్యాగీ మిల్క్ షేక్, ఒరియో బిస్కెట్‌తో పకోడీ, గుడ్డుతో పాప్ కార్న్... ఇలా ఎన్నో వెరైటీ వంటలు గతేడాది అరాచకం సృష్టించాయి. కొత్త ఏడాది వచ్చాక ఇంకా ఈ అరాచకాలు మొదలవ్వలేదేంటా అనుకుంటున్నారా? ఇదిగో అప్పుడే ఈ వెగటు పుట్టించే వంటకం వైరల్ అయిపోతోంది. పానీపూరీ అభిమానులు ఈ వంటకాన్ని చూసి ఎలా ఫీలవుతారో మరి.
అసలే దేశవ్యాప్తంగా పానీపూరీకి వీరాభిమానులున్నారు. రోజుకోసారైనా దాన్ని తినకపోతే ఏదో వెలితిలా ఫీలయిపోతుంటారు. ఇక ఐస్ క్రీమ్ కూడా అందరి హాట్ ఫేవరేట్. వేసవి వస్తే వాటి అమ్మకాలు మామూలుగా ఉండవు. ఈ రెండూ కలిపి ఓ కొత్త వంటకాన్ని సృష్టిస్తే ఎలా ఉంటుంది? అదే జరిగిందిప్పుడు. పానీపూరీని గరిటెతో పచ్చడిలా చేసి ఐస్ క్రీమ్ వేసి దాన్ని రోల్స్‌లా చేసి అమ్ముతున్నారు. ఇంకా అరాచకమైన విషయం ఏంటంటే ఈ రోల్స్ పై చట్నీ వేసి సర్వ్ చేస్తున్నారు. ఈ వెరైటీ వంటకం ఎవరు, ఎక్కడ సిద్ధం చేశారో తెలియదు కానీ ప్రస్తుతం ఇన్ స్టాగ్రామ్ లో వైరల్ అవుతోంది. ‘ద గ్రేట్ ఇండియన్ ఫుడీ’ అనే బ్లాగర్ ఈ వీడియోను పోస్టు చేశాడు. ఆ అరాచకాన్ని మీరు చూసి ఆనందించండి.
View this post on Instagram
Also read: పొట్లకాయ, గుడ్డు కలిపి వండితే విషపూరితం అవుతుందా? ఇందులో నిజమెంత?
Also read: బాహుబలిని మించేలా ఐరన్ మ్యాన్ థాలి... తింటే రూ.8.50 లక్షలు మీ సొంతం
టాప్ హెడ్ లైన్స్
ట్రెండింగ్ వార్తలు
