Stop Overthinking : అతిగా ఆలోచిస్తున్నారా? అయితే ఈ చిట్కాలతో ఓవర్​ థింకింగ్​ని ఓవర్​కామ్​ చేసేయండి

Quick Hacks to Stop Overthinking : జరిగింది. జరుగుతుంది. జరగబోయేది. ఇలా అన్నింటి గురించి ఆలోస్తూ తెగ అలసిపోతున్నారా? అయితే అతిగా ఆలోచించడానికి చెక్ పెట్టేందుకు ఇక్కడ కొన్ని చిట్కాలున్నాయి. 

అతి ఆలోచించడాన్ని ఇలా కంట్రోల్ చేయండి (Image Source : Envato)

Source : envato

Hacks to Stop Overthinking in Telugu : కొన్నిసార్లు ఇది సింపుల్ మ్యాటరే అని తెలిసినా కూడా ఎక్కువగా ఆలోచిస్తారు కొందరు. మరికొందరు తమకు ఆలోచిస్తున్నామని తెలియకుండానే బ్రెయిన్​లో ఓ బొమ్మ వేసుకుంటారు. మరికొందరు ప్రతి చిన్న విషయాన్ని కూడా భూతద్దంలో పెట్టి చూసి.. దానిలోని పాజిటివ్, నెగిటివ్ అన్ని కోణాలు చించేస్తారు. ఇలా ఆలోచించడం వల్ల ఏమైనా ప్రయోజనం ఉందా? అంటే కొన్నిసార్లు అస్సలు ఉండదు. మరి ఈ అతి ఆలోచనలు ఎలా కంట్రోల్ చేయాలి. 

అతిగా ఆలోచించడం వల్ల సొల్యూషన్ వస్తుందా అంటే రాదు. కానీ ఒత్తిడి ఎక్కువ వస్తుంది. తెలియకుండా ఓవర్ రియాక్ట్ అయిపోతారు. మానసికంగా వీక్​గా ఉంటారు. పైగా ఎక్కువగా ఆలోచించడం వల్ల మీరు చేయాలనుకున్న పనిని కూడా సరిగ్గా చేయరు. దానివల్ల వర్క్ పెండింగ్ అవుతుంది. స్ట్రెస్ రోజురోజుకి పెరిగిపోతుంది. అయితే కొన్నిసింపుల్ చిట్కాలు ఫాలో అయితే ఓవర్​ థింకింగ్​కి చెక్​ పెట్టేయొచ్చు అంటున్నారు. అవేంటో ఇప్పుడు చూసేద్దాం. 

రాయండి

మీ ఆలోచనల్లో ఏమేమి ఉన్నాయో వాటిని రాస్తూ ఉండండి. ఇది మీకు క్లారిటీని ఇవ్వడంతో పాటు మైండ్​లోని ఆలోచనలను దూరం చేస్తుంది. మనసుకు హాయిగా కూడా ఉంటుంది. ఉదయం లేదా సాయంత్రం మీరు వీటిని రాసుకుంటూ అది మీకు జర్నల్​గా ఉపయోగపడుతుంది. 

ఫోకస్ మార్చుకోండి..

మీ ఆలోచనల నుంచి మిమ్మల్ని బయటపడేసే పనులపై దృష్టి పెట్టండి. దీనివల్ల మీరు ఓవర్​ థింకింగ్ ఆపుతారు. వెంటనే ఆ పనులు చేసేయండి. 

బెస్ట్ చిట్కా ఇదే.. 

ఎక్కువగా ఆలోచిస్తున్నప్పుడు ఉన్న ప్లేస్​ నుంచి బయటకు వెళ్లిపోండి. లేదా వాకింగ్ చేయడం, తేలికపాటి వ్యాయామాలు చేయడం వల్ల మంచి ఫలితాలు ఉంటాయి. మైండ్ త్వరగా డైవర్ట్ అవుతుంది. శారీరకంగా ఎంత యాక్టివ్​గా ఉంటే మైండ్ అంత సులువుగా ఆలోచనల నుంచి బయటపడుతుంది. 

5-4-3-2-1 గ్రౌండింగ్ టెక్నిక్

ఈ టెక్నిక్ కూడా ఈజీగా ఓవర్​ థింకింగ్​ని దూరం చేస్తుంది. 5 కనిపించే వస్తువులను 5 సెకన్లు చూడాలి. 4 వస్తువులను తాకాలి. 3 వినిపించే శబ్ధాలపై ఫోకస్ చేయాలి. 2 వాసనలు పీల్చాలి. ఒక దానిని రుచి చూడాలి. ఈ టెక్నిక్ ఆలోచనల్లో మునిగిపోయిన మనసును ప్రస్తుతానికి తీసుకువస్తుంది. 

ధ్యానం చేయడం.. 

మైండ్​ని డైవర్ట్ చేసి ప్రశాంతంగా ఉండేందుకు మీరు ధ్యానం చేయవచ్చు. ఇది మైండ్​ను శాంత పరుస్తుంది. మనసులో ఎలాంటివి వచ్చినా ఎదుర్కొనేందుకు మీరు రెడీగా ఉన్నారని మైండ్​ని ప్రిపేర్​ చేయండి. 

రిమైండర్.. 

మీరు ఏదైనా టాపిక్​లో డీప్​ డిగ్ చేస్తున్నారని అనిపిస్తే.. నువ్వు ఎక్కువ ఆలోచిస్తున్నావు. ఇదేమి పెద్ద మ్యాటర్​ కాదని మీకు మీరే చెప్పుకోండి. ఇది మీకు ఓవర్​ థింకింగ్​ని ఆపే రిమైండర్​గా హెల్ప్ అవుతుంది. ఎక్కువ ఆలోచిస్తున్నావని మీకు మీరు చెప్పుకున్నప్పుడు ఆలోచనలకు బ్రేక్​ పడతాయి. 

టైమర్

మీరు ఏదైనా విషయం గురించి ఆలోచించాలని అనుకుంటే మీరు టైమర్​ని పెట్టుకోండి. రోజుకు ఒకసారి 10 నుంచి 15 నిమిషాలు మాత్రమే ఆ టాపిక్​ గురించి ఆలోచించండి. దీనివల్ల మీరు తక్కువ సమయంలో అన్ని పాజిబులిటీస్ చూడొచ్చు. పైగా తక్కువ సమయంలో ఎక్కువ విషయాల గురించి క్లారిటీ తెచ్చుకోవచ్చు. అయితే ఈ ఆలోచనల తర్వాత మళ్లీ మీ బ్రెయిన్ ఆ టాపిక్ గురించి ఆలోచించకుండా హెల్ప్ చేస్తుంది.

మాట్లాడండి..

మీరు ఏ విషయం గురించైనా పదే పదే ఆలోచిస్తున్నప్పుడు మీ బెస్ట్​ ఫ్రెండ్​ లేదా ఫ్యామిలీ మెంబర్​కో కాల్ చేసి.. మీ ఆలోచనలు పంచుకోండి. లేదా వాయిస్​ నోట్​గా పంపండి. దీనివల్ల మనసు క్లియర్ అవుతుంది. అలా పంపిన తర్వాత దాని గురించి ఆలోచించకుండా వదిలేయండి. 

ఇవన్నీ మీ ఓవర్ థింకింగ్​ని కంట్రోల్ చేసి మీరు ప్రస్తుతంలో ఉండేలా హెల్ప్ చేస్తాయి. కాబట్టి ఆలోచనలతో బ్రెయిన్​ని ఓవర్​ కుక్ చేయకుండా.. సింపుల్​గా ఈ చిట్కాలు ఫాలో అయిపోయి రెస్ట్​ని ఇచ్చేయండి.