Home Fire Safety Tips : ఇంట్లో మంటలు అంటుకుంటే ఏమి చేయాలి? వేసవిలో తప్పక తెలుసుకోవాల్సిన ఫైర్ సేఫ్టీ టిప్స్

Home Fire Safety Tips : ఇంట్లో అగ్ని ప్రమాదం ఎప్పుడైనా సంభవించవచ్చు. దీనికి ఎన్నో కారణాలు ఉంటాయి. ఇలా అనుకోని ప్రమాదం ఎదురైతే ఎలాంటి జాగ్రత్తలు తీసుకోవాలో చూసేద్దాం. 

ఫైర్ యాక్సిడెంట్ సమయంలో చేయాల్సిన పనులివే

Source : Freepik

Saftey Tips During a Home Fire : వేసవిలో అగ్ని ప్రమాదాలు ఎక్కువగా జరుగుతాయి. పరిశ్రమల్లోనే కాదు ఇళ్లల్లో, అపార్ట్మెంట్స్​లో కూడా వివిధ కారణాల వల్ల ఫైర్ యాక్సిడెంట్స్ సంభవిస్తాయి. గ్యాస్ లీకేజ్, షార్ట్ సర్క్యూట్, కరెంట్ పోవడం వల్ల వెలిగించే కొవ్వొత్తులు, స్టవ్ వంటి కారణాల వల్ల కూడా మంటలు చెలరేగుతాయి. అలాంటి సమయంలో భయపడకుండా సరైన చర్యలు తీసుకోవడం చాలా ముఖ్యం. ఆ సమయంలో చాకచక్యంగా ఉంటే ప్రాణ, ఆస్తి నష్టం దూరం చేసుకోవచ్చు. 

అలారం ప్రెస్ చేయండి..

మీరు అపార్ట్​మెంట్స్​లో ఉంటే పొరుగువారికి తెలిసేలా అలారం ప్రెస్ చేయాలి. దీంతో వారు అప్రమత్తం అవుతారు. 

మెయిన్ పవర్ ఆఫ్ చేయండి..

సురక్షితంగా ఉంటే వెంటనే మెయిన్ స్విచ్ ఆఫ్ చేయాలి. ఇది షార్ట్ సర్క్యూట్ వల్ల మంటలు పెరగకుండా కాపాడుతుంది. లేదా ప్రమాదం ఎక్కువ అవుతుంది.

గ్యాస్ సిలిండర్

గ్యాస్ లీకేజ్ అనుమానం ఉంటే రెగ్యులేటర్ ఆఫ్ చేయాలి. గ్యాస్ దగ్గర మంటలు ఉంటే నీళ్లు పోయొద్దు. దీనివల్ల మంటలు ఎక్కువ అవుతాయి. తడి గుడ్డను దానిపై కప్పడం వల్ల ప్రమాదం తగ్గుతుంది.

చిన్న మంటలు అయితే..

ఫైర్ ఎక్స్‌టింగ్విషర్ ఉంటే దానిని ఉపయోగించి మంటలను అదుపులోకి తీసుకురావచ్చు. లేకపోతే మందమైన దుప్పటి లేదా ఇసుకతో మంటలను ఆర్పేందుకు ప్రయత్నించాలి. అన్ని సందర్భాల్లో నీళ్లు ఉపయోగించకూడదు.

పొగ ఎక్కువగా ఉంటే

అగ్ని ప్రమాదం నుంచి బయటపడాల్సి వచ్చినప్పుడు పొగ ఎక్కువగా ఉంటే నిల్చొని బయటకు పరుగెత్తడం మంచిది కాదు. కిందకి వంగి లేదా క్రాల్ చేస్తూ బయటికి వెళ్లాలి. ఎందుకంటే పొగ ఎక్కువగా పైకి చేరుతుంది. దీనివల్ల మీరు ఇబ్బంది పడాల్సి వస్తుంది.

బయటకు వెళ్లండి

ఫైర్ యాక్సిడెంట్ జరిగినప్పుడు ఎలివేటర్ వాడకపోవడమే మంచిది. ఆ సమయంలో మెట్లు ఉపయోగించాలి. అందరూ బయటకు వచ్చిన తర్వాత మాత్రమే ఇతర చర్యలు తీసుకోవాలి.

ఎమర్జెన్సీ నంబర్‌కు కాల్ చేయండి

అగ్ని ప్రమాదం జరిగితే వెంటనే ఫైర్ సర్వీస్‌కు సమాచారం ఇవ్వాలి (101). సిబ్బంది వచ్చేలోపు ఇతర జాగ్రత్తలు తీసుకోవాలి. 

తీసుకోవాల్సిన జాగ్రత్తలివే

పిల్లలకు ఫైర్ సేఫ్టీ గురించి ముందుగానే అలెర్ట్ ఇవ్వండి. ఇంట్లో ఫైర్ ఎక్స్‌టింగ్విషర్ తప్పనిసరిగా ఉంచండి. వైర్లు, గ్యాస్ పైపులు తరచూ చెక్ చేయండి. దీనివల్ల షార్ట్ సర్క్యూట్ ప్రమాదం ఉండదు. ప్రమాద సమయంలో భయపడకుండా, సరిగ్గా స్పందిస్తే ప్రాణాలు కాపాడుకోవచ్చు.

మరిన్ని చదవండి

వేసవి రాకముందే AC సర్వీసింగ్ చేయించుకోండి… లేకుంటే భారీ ఖర్చులు తప్పవు!

కల్తీ పాల ప్రభావం కిడ్నీలపై ఎలా ఉంటుంది? ఆ లక్షణాలు కనిపిస్తే జాగ్రత్త