Skipping Periods : పీరియడ్స్ టైమ్కి రావట్లేదా? వైద్యుల సహాయం తీసుకోకుంటే కలిగే నష్టాలివే
Irregular Periods : పీరియడ్స్ ఆలస్యం కావడం అనేది హార్మోన్ల అసమతుల్యత, PCOS, థైరాయిడ్ సమస్యలు లేదా సంతానోత్పత్తి సమస్యలను సూచిస్తుంది. ఎప్పుడు వైద్య సహాయం తీసుకోవాలో చూసేద్దాం.
Delayed or Missed Periods : పీరియడ్స్ ఆలస్యంగా రావడం, ఆగిపోవడం అనేది అనేక కారణాలపై ఆధారపడి ఉంటుంది. దీనిని చాలామంది పెద్దగా పట్టించుకోరు. కానీ ఇలా అశ్రద్ధ చేయడం తీవ్రమైన ఆరోగ్య సమస్యలను పెంచుతుందని చెప్తున్నారు నిపుణులు. ఎందుకంటే.. స్త్రీల ఋతుచక్రం అనేది శరీరంలోని మూడు ప్రాంతాలైన మెదడు, అండాశయాలు, థైరాయిడ్ నుంచి మూడు సంక్లిష్ట హార్మోన్ వ్యవస్థల పరస్పర చర్య ఫలితంగా ఉంటుంది. ఈ మూడు వ్యవస్థల హార్మోన్ల మధ్య సంబంధాలు చెదిరిపోయినప్పుడు లేదా అంతరాయం కలిగితే.. ఋతుచక్రం తప్పిపోతుంది.
హార్మోన్ల అసమతుల్యత
హార్మోన్ల అసమతుల్యత అనేక రకాల సమస్యలకు కారణమవుతుంది. వాటిలో పాలిసిస్టిక్ ఓవరీ సిండ్రోమ్ (PCOS) కూడా ఒకటి. దీనిలో ఆండ్రోజెన్ స్థాయిలు పెరగడం వల్ల సరైన అండోత్సర్గము జరగదు. హైపర్ థైరాయిడిజం, హైపోథైరాయిడిజం వంటి పరిస్థితులు ఋతు చక్రం అంతరాయం కలిగిస్తుంది. అదనంగా బరువు పెరగడం లేదా తగ్గడం, వ్యాయామం, ఒత్తిడి, ఇతర వైద్య సమస్యలు కూడా పీరియడ్ రెగ్యులేషన్కు అంతరాయం కలిగిస్తాయి.
సంతానోత్పత్తి సమస్యలు
మీకు పీరియడ్స్ మిస్ అవుతుంటే.. అది గర్భం దాల్చడంలో ఇబ్బందిని సూచిస్తుంది. తరచుగా పీరియడ్ తప్పిపోవడం వల్ల అండోత్సర్గము కూడా మిస్ అవుతుంటే.. కాలక్రమేణా గర్భం దాల్చడం కూడా కష్టమవుతుంది. ఎక్కువ కాలం పాటు పీరియడ్ రెగ్యులర్గా రాకపోతే.. ఎముక సాంద్రత కోల్పోవడానికి లేదా ఈస్ట్రోజెన్ తగ్గడానికి దారితీయవచ్చు. అప్పుడప్పుడు పీరియడ్స్ మిస్ కావడం వల్ల పెద్ద సమస్య కాకపోవచ్చు.. కానీ నిరంతరం పీరియడ్స్ మిస్ అవ్వడం లేదా సక్రమంగా పీరియడ్స్ రాకపోవడం ఎప్పుడూ విస్మరించకూడదు. మీకు ఈ సమస్యలు ఉంటే.. అవి మరింత పెద్ద సమస్యగా మారకముందే సమస్యను గుర్తించాలని వైద్యులు సూచిస్తున్నారు.
కాబట్టి అమ్మాయిలు, మహిళలు.. పీరియడ్స్ సమయంలో రెగ్యులర్గా రాకపోయినా.. ఆలస్యంగా వచ్చినా.. వాటిని అస్సలు నెగ్లెక్ట్ చేయవద్దని సూచిస్తున్నారు వైద్యులు. లేదంటే ఇది మీ దీర్ఘకాలిక పునరుత్పత్తి సమస్యను పెంచడంతో పాటు దీర్ఘకాలిక ఆరోగ్యాన్ని ప్రభావం చేస్తుందని చెప్తున్నారు.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
