తన కుమార్తె వివాహానికి సీఎం చంద్రబాబుకు శుభలేఖ అందించడంపై ఓ దినపత్రికలో వచ్చిన కథనంపై షర్మిల మండిపడ్డారు. ఆ కథనం తన, తన కుటుంబానికి వ్యక్తిత్వ హననం అని పేర్కొన్నారు.
YS Sharmila Demands Apology: తండ్రి వయసున్న వ్యక్తికి శుభలేఖ ఇస్తే చెట్టాపట్టాల్ అంటారా?.. వైఎస్ జగన్కు షర్మిల సూటి ప్రశ్నలు!
YS Sharmila Demands Apology: సీఎం చంద్రబాబుకు వైఎస్ షర్మిల పెళ్లి పత్రిక అందించడంపై ఓ పత్రిక చెట్టాపట్టాల్ అంటూ కథనం రాసింది. ఈ వార్తపై వైఎస్ షర్మిల ఎక్స్ వేదికగా తీవ్ర ఆగ్రహం వ్యక్తం చేశారు.

- షర్మిల కుమార్తె వివాహ ఆహ్వానంపై కథనంపై తీవ్ర ఆగ్రహం.
- కథనం వ్యక్తిత్వ హననం, వైసీపీ సంస్కృతి పరాకాష్ట అని ఖండించింది.
- జగన్ స్పష్టతనిచ్చి, పత్రిక క్షమాపణ చెప్పాలని షర్మిల డిమాండ్.
- మంత్రి లోకేశ్ కథనాన్ని ఖండించి, షర్మిలకు మద్దతునిచ్చారు.
YS Sharmila Demands Apology: ఏపీ రాజకీయాల్లో మరోసారి మీడియా కథనాలపై తీవ్ర దుమారం రేగింది. తన కుమార్తె వివాహానికి సీఎం చంద్రబాబుకు శుభలేఖ అందించడంపై ఓ దినపత్రికలో వచ్చిన కథనంపై ఏపీ పీసీసీ చీఫ్ వైఎస్ షర్మిల మండిపడ్డారు. సోషల్ మీడియా వేదికగా తీవ్ర స్థాయిలో ఆగ్రహం వ్యక్తం చేశారు. ఆ కథనం తనకు, తన కుటుంబానికి జరిగిన వ్యక్తిత్వ హననమని పేర్కొంటూ, వైసీపీ అధినేత వైఎస్ జగన్ మోహన్ రెడ్డి, ఆయనకు చెందిన పత్రికా యాజమాన్యంపై నిప్పులు చెరిగారు.
తండ్రి వయసున్న వ్యక్తికి శుభలేఖ ఇస్తే తప్పుడు అర్థాలా?
ఆ న్యూస్ పేపర్ కథనంలోని పదాలను ప్రస్తావిస్తూ వైఎస్ షర్మిల తీవ్ర ఆవేదన వ్యక్తం చేశారు. "తండ్రి వయసున్న వ్యక్తికి శుభలేఖ అందిస్తే 'చెట్టాపట్టాల్' అంటారా? ఆత్మీయ సంబంధాలని అంటగడతారా? ఇది వావి వరసలు తెలిసినోడు చేసే పనేనా? సమాజం పట్ల విలువలు ఉన్నోడు రాసే రాతలేనా?" అని ఆమె ప్రశ్నించారు. ఒక ఆడబిడ్డ మీద ఇలాంటి నీలాప నిందలు వేయడం వైసీపీ దిగజారుడు సంస్కారానికి పరాకాష్ట అని ఆమె మండిపడ్డారు. ఆత్మీయతతో పిలిచే పెళ్లి పిలుపులో కూడా రాజకీయ కోణం వెతకడం అచ్చం 'కోడిగుడ్డు మీద ఈకలు పీకడమే' అని ఎద్దేవా చేశారు.
ఆనాడు వైఎస్సార్ కూడా చంద్రబాబును ఆహ్వానించారు కదా!
ఈ సందర్భంగా దివంగత ముఖ్యమంత్రి వైఎస్ రాజశేఖర్ రెడ్డి ప్రస్తావనను షర్మిల తీసుకొచ్చారు. "ఆనాడు తన బిడ్డల పెళ్లిళ్లకు సైతం చంద్రబాబును వైఎస్సార్ ఆహ్వానించారు. అంటే ఆయన కూడా చంద్రబాబుతో చెట్టాపట్టాల్ వేసుకొని తిరిగినట్లా? చంద్రబాబు.. ఆ పెళ్లిళ్లకు వచ్చి ఆశీర్వచనాలు ఇస్తే వైఎస్సార్తో సన్నిహిత సంబంధాలు పెట్టుకున్నట్లా?" అని ఆమె సూటిగా ప్రశ్నించారు.
తండ్రి వయసున్న వ్యక్తికి @ncbn శుభలేఖ అందిస్తే చెట్టాపట్టాల్ అంటారా ? ఆత్మీయ సంబంధాలని అంటగడతారా ? ఇది వావి వరసలు తెలిసినోడు చేసే పనేనా ? సమాజం పట్ల విలువలు ఉన్నోడు రాసే రాతలేనా ? మనిషై పుడితే ఆడబిడ్డ మీద వేసేవి ఇలాంటి నిందలా ? నాపై నేడు @SakshiNews సాక్షి దినపత్రికలో రాసిన కథనం తీవ్ర అభ్యంతరకరం. నాకు, నా కుటుంబానికి జరిగిన వ్యక్తిత్వ హననం. ఇది YCP @YSRCParty అండ్ కో నీచపు బుద్దికి, మరింత దిగజారుడు సంస్కారానికి, తల్లి, చెల్లి అనే తేడాలేకుండా జంతువు చేష్టలకు పరాకాష్ట. @ysjagan జగన్ గారికి, తన సైతాన్ సైన్యానికి ఇంకా పచ్చ రోగం తగ్గలేదు. అద్దంలో వారి మొహం ఇంకా వారికి కనపడటం లేదు. మహిళల మీద వక్రభాష్యం చెప్పడం మానలేదు. అక్రమ సంబంధాలు అంటగట్టే నీచ సంస్కృతిని మరవలేదు. వారి మానసిక స్థితి మెరుగుపడలేదు. ఆత్మీయతతో పిలిచే పెళ్లి పిలుపులో కూడా రాజకీయ కోణం వెతకడం అంటే... సాక్షి తీరు అచ్చం కోడిగుడ్డు మీద ఈకలు పీకడమే ! ఎవరి మెప్పుకోసం ఈ దిగజారుడు ? నా కుమార్తె వివాహ వేడుకకు రాష్ట్ర ముఖ్యమంత్రిని ఆహ్వానిస్తే రాజకీయ కొనమని, చెట్టపట్టాల్ అని, ఆత్మీయ సంబంధాలని తప్పుడు అర్ధాలు వెతుకుతున్నారంటే, మీ ఆలోచనా విధానం ఎంత కలుషితమైందో, మీ మెదడు ఇంకా మోకాళ్లలో ఎందుకుందో, మీ స్థాయి ఎక్కడికి దిగజారిందో, మానవసంబంధాలు మరిచిపోయి రాక్షస తత్వాన్ని ఎందుకు ప్రదర్శిస్తున్నారో రాష్ట్ర ప్రజలకు మళ్లీ మళ్లీ అర్థమవుతూనే ఉంది. ఆనాడు తన బిడ్డల పెళ్లిళ్లకు సైతం చంద్రబాబు నాయుడు గారిని YSR గారు ఆహ్వానించారు. అంటే ఆయన కూడా చంద్రబాబు గారితో చెట్టపట్టాల్ వేసుకొని తిరిగినట్లా ? బాబు గారు పెళ్లిళ్లకు వచ్చి ఆశీర్వచనాలు ఇస్తే YSR తో సన్నిహిత సంబంధాలు పెట్టుకున్నట్లా ? వైసీపీ అధ్యక్షులు జగన్ మోహన్ రెడ్డి గారిని అడుగుతున్నాం. అక్కచెల్లెమ్మల మీద అమితమైన ప్రేమ అని చెప్పే మీరు.. మీ పత్రిక సాక్షిలో ఇలాంటి చెట్టాపట్టాల్ వార్తను ఎలా సమర్ధించుకుంటారు? ఒక ఆడబిడ్డ మీద నీలాప నిందలు వేయడమా మీ పత్రిక విధానం ? తల్లి , చెల్లి అనే బేధం లేకుండా బురద రాతలు రాపించడమా మీ ఎజెండా ? ఇది మీరే దగ్గరుండి రాయించిన రోత రాతలా ? సమాధానం చెప్పాలి. ఇలాంటి నీచపు రాతలు, తప్పుడు కూతలు కూయించినందయికు సంజాయిషీ మీరిస్తారా? లేక మీ సాక్షితో ఇప్పిస్తారా ? తేల్చుకోవాలి.
— YS Sharmila (@realyssharmila) November 17, 2026
వైఎస్ జగన్కు సూటి ప్రశ్నలు
మహిళల గౌరవం, సాధికారత గురించి మాట్లాడే వైఎస్ జగన్ ఈ కథనంపై సమాధానం చెప్పాలని ఆమె డిమాండ్ చేశారు. అక్కచెల్లెమ్మల మీద అమితమైన ప్రేమ అని చెప్పే మీరు.. మీ పత్రికలో ఇలాంటి వార్తను ఎలా సమర్థించుకుంటారు? తల్లి, చెల్లి అనే బేధం లేకుండా బురద రాతలు రాయించడమే మీ అజెండానా? ఈ కథనాన్ని మీరే దగ్గరుండి రాయించారా? అని ఆమె జగన్ను ప్రశ్నించారు. ఇలాంటి తప్పుడు రాతలు రాయించినందుకు వైఎస్ జగన్ స్వయంగా సంజాయిషీ ఇస్తారా, లేక ఆ పత్రిక ద్వారా క్షమాపణ చెప్పిస్తారా? తేల్చుకోవాలని ఆమె డిమాండ్ చేశారు. ప్రస్తుతం ఈ ట్వీట్ ఏపీ రాజకీయ వర్గాల్లో, సోషల్ మీడియాలో చర్చనీయాంశంగా మారింది.
స్పందించిన మంత్రి లోకేశ్
ఈ కథనంపై మంత్రి లోకేశ్ ఎక్స్ వేదికగా స్పందించారు. "కూతురి పెళ్లికి తమకంటే పెద్దవారిని ఆహ్వానించడం మర్యాద, సంస్కృతికి సంబంధించిన విషయం. సీఎం చంద్రబాబును వైఎస్ షర్మిల ఆహ్వానించినట్లుగా ఓ పేపర్ లో వచ్చిన కథనం ఒక మహిళను తీవ్రంగా కించపరిచేదిగా ఉంది. అవి ఏమాత్రం ఆమోదయోగ్యం కావు. ప్రజా జీవితంలో బలమైన రాజకీయ విభేదాలు ఉండవచ్చు, కానీ అది తన ప్రాథమిక విలువలను ఎన్నడూ కోల్పోకూడదు. ఏపీలో ఒక మహిళపై వ్యక్తిగత దాడులకు తావు లేదు. ఈ పేపర్ వారి బాధ్యతారహితమైన కథనాన్ని నేను తీవ్రంగా ఖండిస్తున్నాను" అని లోకేశ్ ట్వీట్ చేశారు.
Frequently Asked Questions
వైఎస్ షర్మిల ఆగ్రహం వ్యక్తం చేయడానికి కారణం ఏమిటి?
దినపత్రిక కథనంపై షర్మిల లేవనెత్తిన ప్రధాన అభ్యంతరాలు ఏమిటి?
తండ్రి వయసున్న వ్యక్తికి శుభలేఖ ఇస్తే 'చెట్టాపట్టాల్' అని రాయడం సరికాదని షర్మిల అన్నారు. ఇది వావి వరసలు లేని సంస్కారమని, బురద రాతలని ఆమె ఆవేదన వ్యక్తం చేశారు.
ఈ వివాదంలో వైఎస్ జగన్ను షర్మిల ఎలా ప్రశ్నించారు?
మహిళల గౌరవం గురించి మాట్లాడే జగన్, ఆయన పత్రికలో ఇలాంటి వార్తను ఎలా సమర్థిస్తారని షర్మిల ప్రశ్నించారు. ఈ తప్పుడు రాతలకు సంజాయిషీ ఇవ్వాలని లేదా క్షమాపణ చెప్పాలని ఆమె డిమాండ్ చేశారు.
ఈ కథనంపై మంత్రి లోకేశ్ ఎలా స్పందించారు?
కూతురి పెళ్లికి పెద్దలను ఆహ్వానించడం సంస్కృతి అని లోకేశ్ అన్నారు. ఈ కథనం మహిళను కించపరిచేలా ఉందని, వ్యక్తిగత దాడులు ఆమోదయోగ్యం కావని ఆయన ఖండించారు.
టాప్ హెడ్ లైన్స్
ట్రెండింగ్ వార్తలు





















