Chapathi: ముందు రోజే చపాతీ, పూరి పిండిని కలిపి నిల్వ చేయడం మంచిదేనా?

బరువు తగ్గేందుకు చపాతీలు మంచి ఉపాయమని ఎంతోమంది భావిస్తూ ఉంటారు. రోజూ రాత్రిపూట చపాతీలు తినేందుకే ఇష్టపడతారు. చపాతీ పిండిని ప్రతిరోజూ కలపడానికి బద్దకించిన వారు ఒక రోజే మూడు రోజులకు సరిపడా చపాతీ పిండిని కలిపి ఫ్రిజ్‌లో నిల్వ చేసుకుంటూ ఉంటారు. ఇలా నిల్వచేసిన చపాతీ, పూరీ పిండిని రోజూ వాడడం మంచిదో కాదో వివరిస్తున్నారు ఆరోగ్య నిపుణులు. ఇలా ముందు రోజే చపాతీ, పూరీ పిండిని చేసుకుని తినడం వల్ల ఇలాంటి ఉపయోగం ఉండదు. పైగా అది హానికరం కూడా. చపాతీ పిండిని కలిపాక రెండు గంటల్లోపే దాన్ని వాడేయాలి. మిగిలిన పిండిని ఫ్రిజ్‌లో దాయడం వంటివి చేయకూడదు. ఫ్రిజ్‌లో చపాతీ పిండిని కలిపి నిల్వ చేస్తే దానిలో రసాయనిక మార్పులు చోటు చేసుకుంటాయి. ఆ పిండిలో బ్యాక్టీరియా, ఫంగస్ కూడా అభివృద్ధి చెందుతాయి.

ఒకరోజు నిల్వ చేస్తేనే చపాతీ పిండిపై ఈ ఫంగస్, బ్యాక్టీరియా కంటికి కనిపించవు. కానీ అప్పటికే అభివృద్ధి చెంది ఉంటాయి. అదే రెండు నుంచి మూడు రోజులు నిల్వ చేస్తే చిన్న చిన్న నల్ల చుక్కల్లాగా ఇవి కనిపిస్తాయి. అలాంటి పిండితో చపాతీ, పూరీలు చేస్తే ఫుడ్ పాయిజన్ అయ్యే అవకాశం ఉంది. కడుపు ఉబ్బరం, కడుపునొప్పి, విరేచనాలు వంటి సమస్యలు వస్తాయి. పిల్లలకి ఇవి చాలా ప్రాణాంతకంగా మారుతాయి. కాబట్టి చపాతీలు, పూరీలు వీలైనంత వరకు ఎప్పటికప్పుడు పిండి కలుపుకొని వండుకోవడమే మంచిది. ఇలా నిల్వ చేసిన పిండితో చేసిన చపాతీలు, పూరీలు తినడం వల్ల ఎలాంటి ప్రయోజనాలు కలగదు. గోధుమ పిండిలో ఉన్న జింక్, ఐరన్, క్యాల్షియం వంటివి కూడా నిల్వ చేసే క్రమంలో కనుమరుగైపోతాయి. దీనివల్ల రోగనిరోధక వ్యవస్థ కూడా దెబ్బతింటుంది. ఇలాంటి పిండిని అధికంగా తినడం వల్ల మధుమేహం వచ్చే అవకాశం ఉంది. కాబట్టి పిండిని కలిపి చేయడం వంటిది మానుకోవాలి. కొందరు చపాతీ పిండి మెత్తగా రావాలని దానిలో వేడిపాలు కలపడం వంటివి చేస్తారు. పాలల్లో కూడా బ్యాక్టీరియా, ఫంగస్‌లు చేరుతాయి.

చాలామందికి చపాతీలు మెత్తగా వస్తే ఇష్టం. అలా రావడానికి  పాలు పోయడం, చల్లటి నీళ్లు కలపడం వంటివి చేస్తూ ఉంటారు. పిండిని బాగా కలుపుకున్నాక అందులో ఒక స్పూను నూనె వేసి కలిపితే చాలు. చపాతీలు మెత్తగా వస్తాయి. ఇలా నూనె వేసి కలుపుకున్నాక అరగంట పాటు పక్కన పెట్టేయాలి. ఆ తర్వాత వాటితో చపాతీలు చేసుకోవాలి. వీటితో పరోటాలు కూడా చాలా సులువుగా చేసుకోవచ్చు. చపాతీలు ఒత్తుకునేటప్పుడు పెనం బాగా వేడెక్కాక వేయాలి. చపాతీ పిండి కలిపినప్పుడు నూనె అందులో కలుపుకుంటే, కాల్చినప్పుడు పెద్దగా నూనె అవసరం పడదు. చపాతీలు కాల్చుకున్నాక గాలి తగలకుండా గిన్నెలో పెట్టి పైన మూత పెట్టుకుంటే, అవి మరింత మెత్తగా ఉంటాయి. ఏ కూరతో తిన్నా కూడా చాలా రుచిగా వస్తాయి. 

Also read: ఏటా ఆత్మహత్య చేసుకుంటున్న వారి సంఖ్య ఆ దేశంలోనే ఎక్కువ