Indian Flag: హర్ ఘర్ తిరంగా: జాతీయ జెండాను ఇలా మడతపెడితేనే గౌరవం, కేంద్రం సూచనలు

భారతదేశానికి స్వాతంత్ర్యం వచ్చి 75 ఏళ్లు పూర్తయిన సందర్భంగా ప్రధాని నరేంద్ర మోడీ హర్ ఘర్ తిరంగా ఉద్యమానికి పిలుపునిచ్చిన విషయం తెలిసిందే.

Representational Image/Pexels

భారతదేశానికి స్వాతంత్ర్యం వచ్చి 75 సంవత్సరాలు పూర్తవుతున్న సందర్భంగా ప్రధాని నరేంద్ర మోడీ ‘హర్ ఘర్ తిరం’గా ఉద్యమానికి పిలుపునిచ్చిన విషయం తెలిసిందే. ఇందులో భాగంలో దేశ ప్రజలందరూ తమ తమ ఇళ్లపై జాతీయ జెండాని ఎగుర వేయాలని ఆయన విజ్ఞప్తి చేశారు. ప్రతి ఒక్కరికీ జాతీయ జెండాని అందించడం కోసం కేంద్ర సాంస్కృతిక శాఖ ప్రత్యేకంగా ఓ పోర్టల్‌ను అందుబాటులోకి తెచ్చింది. ఈ పోర్టల్‌లో పౌరులు తమ ఫోటో, పేర్లతో నమోదు చేసుకోవాలి. ఇలా చేసుకున్న వారికి ప్రభుత్వం సర్టిఫికెట్ కూడా ఇస్తుంది.  

1947లో జులై 22వ తేదీన దేశ త్రివర్ణ పతాకాన్ని అధికారికంగా గుర్తించారు. ఈ సందర్భంగా ప్రతి ఇంటిపైనా త్రివర్ణ పతాకం ఎగరాలని ప్రధాని ఆకాంక్షించారు. స్వాతంత్ర్యం వచ్చి 75 సంవత్సరాలు పూర్తి చేసుకున్న సందర్భంగా 'ఆజాదీ కా అమృత్ మహోత్సవ్' నిర్వహిస్తున్న విషయం తెలిసిందే. ఇందులో భాగంగానే 'హర్ ఘర్ తిరంగా' ఉద్యమాన్ని మొదలుపెట్టారు. పౌరులు తమ సోషల్ మీడియా అకౌంట్ల డీపీలు, స్టేటస్ లాల్లో త్రివర్ణ పతాకాన్ని పెట్టుకోవాలని పిలుపునిచ్చారు.  

ఈ ఉద్యమాన్ని ప్రజల్లోకి తీసుకెళ్లేందుకు కేంద్ర ప్రభుత్వం ఇటీవల హర్ ఘర్ తిరంగా పాటను విడుదల చేసింది. ఈ దేశ భక్తి గీతంలో పాన్ ఇండియా స్టార్ ప్రభాస్, హీరోయిన్ కీర్తి సురేష్, క్రికెటర్ విరాట్ కోహ్లీ, అమితాబ్ బచ్చన్, క్రీడా దిగ్గజం కపిల్ దేవ్, నేపథ్య గాయని ఆశా భోంస్లే వంటి ప్రముఖ వ్యక్తులు, క్రీడాకారులు కూడా ఉన్నారు. ఇందులో భాగంగా ఇప్పటికే ప్రధాని మోడీతో పాటు పలువురు ప్రముఖులు సోషల్ మీడియా ఖాతాల్లో తమ డీపీగా జాతీయ జెండాని పెట్టుకున్నారు.

ఆగస్టు 13- 15 వరకు అందరూ తమ ఇళ్లపై జాతీయ జెండాని ఎగురవేయాలని ప్రధాని కోరారు. అయితే ఈ వేడుకలు పూర్తైన తర్వాత జెండాని ఎలా మడతపెట్టాలో చాలా మందికి తెలియదు. ఎలా పడితే అలా దాన్ని మడత పెట్టకుండా సరైన పద్ధతిలోనే . లేదంటే జాతీయ జెండాని మనం అవమానపరిచినట్టు అవుతుంది. అందుకే కేంద్ర సాంస్కృతిక మంత్రిత్వ శాఖ దీనికి సంబంధించి గైడ్ లైన్స్ తో కూడిన ఒక ఫోటోని విడుదల చేసింది. అందులో జాతీయ జెండాని మడిచి పెట్టె విధానాన్ని వివరంగా ఇచ్చారు.

జెండా మడత పెట్టె విధానం ఇది:

స్టెప్ 1: జెండాను అడ్డంగా ఒక బల్ల మీద పరచాలి.

స్టెప్ 2: కాషాయం, ఆకుపచ్చ రంగులోని భాగాన్ని తెలుపు భాగం కిందకి మడత పెట్టాలి.

స్టెప్ 3: ఇప్పుడు కేవలం తెలుపు రంగు లోని అశోక చక్రం మాత్రమే కనిపించే విధంగా రెండు వైపులా సమానంగా మడత పెట్టుకోవాలి.  

స్టెప్ 4: జెండాని చక్కగా మడిచిన తర్వాత రెండు చేతులు మీద పెట్టుకుని జాగ్రత్తగా మంచి స్థలంలో భద్రపరుచుకోవాలి.

⦿ ఇలా మడతపెట్టేప్పుడు.. జాతీయ జెండాని నేల తాకకుండా చూసుకోవాలి.