Viral Video: పచ్చిమిర్చి ఐస్‌క్రీమ్‌... ఇంతకన్నా అరాచకం ఉందా?

వెరైటీ ఫుడ్ కాంబినేషన్లతో కొత్త వంటకాలు తయారుచేసి అమ్మడం ఫ్యాషన్ అయిపోయింది.

(Image credit: Spoons Of Indore 2.0/Youtube)

సోషల్ మీడియా వచ్చాక విచిత్రమైన ఫుడ్ కాంబినేషన్లు లేటెస్ట్ ట్రెండ్ గా మారాయి. ఫైర్ దోశ, లాలీపాప్ ఇడ్లీ... ఇలా చాలా వైరల్ అయిన ఆహారపదార్థాలు ఉన్నాయి. ఇప్పుడు వీటి జాబితాలోకి ‘మిర్చి ఐస్ క్రీమ్ రోల్’ కూడా చేరింది. ఈ ఐస్ క్రీమ్‌ను పచ్చిమిర్చి తరుగులు, నుటెల్లా క్రీమ్ కలిపి చేస్తారు. ఇండోర్లోని రోడ్డు సైడ్ బండిపై ఈ ఐస్ క్రీమ్‌ను తయారుచేసి అమ్ముతున్నారు. దీనికి స్థానికంగా భలే డిమాండ్ ఉంది. 

ఈ ఐస్‌క్రీమ్ వీడియోను ‘స్పూన్స్ ఆప్ ఇండోర్ 2.0’ అనే యూట్యూబ్ ఛానెల్ వారు అప్ లోడ్ చేశారు. 55 సెకన్లున్న ఈ వీడియోలో  ఐస్‌క్రీమ్ కు మిరపకాయలను కోసి చల్లి, దానిపై నుటెల్లాను జోడించడం చూడవచ్చు. ఆ మిశ్రమానికి మిల్క్ క్రీమ్ పోసి బాగా కలిపి, చివరికి రోల్ లా చేసి ఫ్రీజర్ లో పెడుతున్నారు. చివర్లో మళ్లీ దాన్ని పచ్చిమిరపకాయలతో గార్నిష్ చేసి అందిస్తున్నారు. 

ఈ ఐస్ క్రీమ్ తయారీ వీడియో... సోషల్ మీడియాలో వైరల్ గా మారింది. విచిత్రమైన ఫుడ్ కాంబినేషన్ ను చూసి చాలా మంది అసహ్యించుకున్నారు. ఒక నెటిజన్ ‘మనకు ఫుడ్ అబ్యుజ్ కంట్రోల్ బ్యూరో ఆఫ్ ఇండియా చాలా అవసరం’ అని కామెంట్ చేశారు. ‘అల్లం వెల్లుల్లి కూడా జోడించండి’ అని మరొక వ్యక్తి వెటకారంగా రాసుకొచ్చాడు. 

 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి