Telangana Police Recruitment 2026: తెలంగాణలో నిరుద్యోగులకు ఊరట! యూనిఫామ్ కొలువుల వయోపరిమితి రెండేళ్లు పెంపు!

Telangana Police Recruitment 2026: తెలంగాణ ప్రభుత్వం యూనిఫామ్ సర్వీసెస్‌ ఉద్యోగార్థులకు ప్రభుత్వం తీపి కబురు చెప్పింది. మొత్తం ఏడు శాఖల్లో రిక్రూట్‌మెంట్‌లకు గరిష్ట వయోపరిమితి రెండేళ్లు పెంచింది. 

తెలంగాణలో నిరుద్యోగులకు ఊరట! యూనిఫామ్ కొలువుల వయోపరిమితి రెండేళ్లు పెంపు!

Source : freepik

Show Quick Read

Key points generated by AI, verified by newsroom

• తెలంగాణ యూనిఫామ్ సర్వీసెస్ పోస్టులకు రెండేళ్ల వయోసడలింపు ఇచ్చింది.
• ఇంతకుముందు ఐదేళ్లతో కలిపి మొత్తం ఏడేళ్ల వయోపరిమితి పెరిగింది.
• పోలీస్, ఫైర్, జైళ్లు సహా అనేక శాఖలకు సడలింపు వర్తిస్తుంది.
• కొనసాగుతున్న, భవిష్యత్ నియామకాలకూ ఈ నిర్ణయం అమలవుతుంది.

Telangana Police Recruitment 2026 Age Limit: తెలంగాణ రాష్ట్రంలో యూనిఫామ్ ధరించి సమాజానికి సేవ చేయాలనే లక్షల మంది నిరుద్యోగ యువతకు రాష్ట్ర ప్రభుత్వం అత్యంత కీలకమైన నిర్ణయంతో భారీ ఊరటనిచ్చింది. గత కొంతకాలంగా నోటిఫికేషన్ల ఆలస్యం, కరోనా తదనంతర పరిణామాల వల్ల వయసు మించిపోయి ఆందోళన చెందుతున్న అభ్యర్థుల విన్నపాలను ప్రభుత్వం సానుకూలంగా మన్నించింది. ఈ క్రమంలోనే వివిధ యూనిఫామ్‌ సర్వీసెస్‌ శాఖల్లో డైరెక్ట్‌ రిక్రూట్‌మెంట్‌ పోస్టులకు గరిష్ట వయోపరిమితిని అదనంగా మరో రెండేళ్లు పెంచుతూ అధికారికంగా ఉత్తర్వులు జారీ చేసింది. 

తెలంగాణ ప్రభుత్వం విడుదల చేసిన తాజా జీవో నెంబర్‌ 122 ప్రకారం రాష్ట్రంలోని ఏడు ప్రధాన యూనిఫామ్‌ శాఖల్లో ఉద్యోగాలకు దరఖాస్తు చేసుకునే అభ్యర్థులకు వయోపరిమితి సడలింపు లభించనుంది. ఇప్పటికే మే 18, 2026 నుంచి ప్రభుత్వం ఐదేళ్ల వయోపరిమితి పెంపును అమలు చేస్తోంది. ఇప్పుడు దానికి అదనంగా మరో రెండేళ్లు జోడించడంతో అభ్యర్థులకు లభించే మొత్తం వయోసడలింపు ఏకంగా 7ఏళ్లు చేరింది. దీని వల్ల వయసు పైబడి పోటీకి దూరమవుతున్న వేలాది మంది అభ్యర్థులకు మళ్లీ ప్రాణం పోసినట్టు అయ్యింది.

ఈ వయోపరిమితి పెంపు వర్తించే ప్రధాన శాఖలు ఏంటంటే... తెలంగాణ పోలీస్ శాఖ అయిన సివిల్ ఎస్‌ఐ కానిస్టేబుల్, ఏఆర్‌, టీఎస్‌ఎస్‌సీ , కమ్యూనికేషన్స్‌ పోస్టులకు వర్తిస్తుంది. అగ్నిమాపక శాఖలోని ఫైర్‌మెన్‌, స్టేషన్ ఫైర్ ఆఫీసర్స్ పోస్టులకు ఇది అమలు అవుతుంది. జైళ్ల శాఖ డిప్యూటీ జైలర్‌, వార్డర్‌ పోస్టుల్లో వర్తింపజేస్తారు. స్పెషల్ ప్రొటెక్షన్ ఫోర్స్, ఎక్సైజ్‌ శాఖ, రవాణా శాఖ, అటవీ శాఖలోని ఉద్యోగాలకు కూడా వర్తింపజేస్తారు. 

ఎప్పటి నుంచి అమల్లోకి వస్తుంది?

ఈ వయోపరిమితి పెంపు నిర్ణయం కేవలం భవిష్యత్‌లో వచ్చే నోటిఫికేషన్లకే పరిమితం కాదు. ప్రస్తుతం రాష్ట్రంలో కొనసాగుతున్న పోలీస్‌ నియామక ప్రక్రియకు కూడా ఈ ఏడేళ్ల సడలింపు వర్తిస్తుందని ప్రభుత్వం తన ఉత్తర్వుల్లో స్పష్టంగా పేర్కొంది. దీంతో ఇప్పటికే అప్లై చేయలేకపోయిన అభ్యర్థులకు మళ్లీ దరఖాస్తు చేసుకునేందుకు తెలంగాణ రాష్ట్ర పోలీస్‌ నియామక మండలి అవకాశం కల్పించే అవకాశం ఉంది. 

వయోపరిమితి లెక్కలు ఎలా మారుతాయి?

ప్రభుత్వ నిర్ణయంతో సామాన్య కేటగిరీ అభ్యర్థులతోపాటు రిజర్వేషన్ వర్గాల వారికి కూడా గరిష్ట వయస్సు గణనీయంగా పెరిగింది. 

ఉద్యోగ హోదా	బేసిక్ వయోపరిమితి	పాత సడలింపు	కొత్త సడలింపుతో కలిపి ఎంత	కొత్త గరిష్ట అర్హత వయసు
పోలీస్ కానిస్టేబుల్‌	22 ఏళ్లు	27 ఏళ్లు	+7 ఏళ్లు	29 ఏళ్లు
సబ్‌ఇన్స్‌పెక్టర్‌	25 ఏళ్లు	30 ఏళ్లు	+7ఏళ్లు	32 ఏళ్లు
ఫారెస్ట్ బీట్ ఆఫీసర్‌	31 ఏళ్లు	36 ఏళ్లు	+7ఏళ్లు	38 ఏళ్లు

ఎస్సీ, ఎస్టీ, బీసీ, ఈడబ్ల్యూఎస్‌ అభ్యర్థులకు పై పేర్కొన్న ఏడేళ్ల సడలింపుతోపాటు వారి కేటగిరీకి వర్తించే అదనపు 5 ఏళ్ల మినహాయింపు కూడా అందుబాటులో ఉంటుంది. దీని వల్ల రిజర్వేషన్ అభ్యర్థులకు కానిస్టేబుల్ పోస్టులకు గరిష్టంగా 34 ఏళ్ల వరకు, ఎస్‌ పోస్టులకు 37 ఏళ్ల వరకు పోటీ పడే అవకాశం లభిస్తుంది.