SSC MTS Notification: 'టెన్త్' అర్హతతో 8326 ఉద్యోగాలు, మల్టీటాస్కింగ్ స్టాఫ్ నోటిఫికేషన్ వచ్చేసింది!

SSC MTS 2024: మల్టీ టాస్కింగ్ స్టాఫ్ ఎగ్జామినేషన్-2024 నోటిఫికేషన్‌ను స్టాఫ్ సెలక్షన్ కమిషన్ జూన్ 28న విడుదల చేసింది. దీనిద్వారా కేంద్రప్రభుత్వ విభాగాల్లో 8326 పోస్టులను భర్తీచేయనున్నారు.

ఎంటీఎస్ ఎగ్జామ్ 2024 నోటిఫికేషన్

SSC MTS Notification 2024: కేంద్రప్రభుత్వంలోని పలు విభాగాల్లో మల్టీ టాస్కింగ్ స్టాఫ్ (నాన్ టెక్నికల్), హవాల్దార్ పోస్టుల భర్తీకి సంబంధించిన నోటిఫికేషన్‌ను స్టాఫ్ సెలక్షన్ కమిషన్ జూన్ 28న విడుదల చేసింది. దీనిద్వారా 8326 పోస్టులను భర్తీచేయనున్నారు. ఇందులో మ‌ల్టీ టాస్కింగ్(నాన్ టెక్నికల్)-4887, హవిల్దార్-3439 పోస్టులు ఉన్నాయి. పదోతరగతి లేదా తత్సమాన అర్హత ఉన్నవారు ఈ పోస్టులకు దరఖాస్తు చేసుకోవడానికి అర్హులు. ఈ పోస్టుల భర్తీకి సంబంధించిన ఆన్‌‌లైన్ దరఖాస్తు ప్రక్రియ జూన్ 28న ప్రారంభమైంది. అభ్యర్థులు జులై 31 వరకు దరఖాస్తులు సమర్పించాల్సి ఉంటుంది. అక్టోబరు-నవంబరు మధ్య కాలంలో కంప్యూటర్ ఆధారిత రాతపరీక్షలు నిర్వహించనున్నారు. 

వివరాలు..

✪ మ‌ల్టీ టాస్కింగ్ (నాన్ టెక్నిక‌ల్‌) స్టాఫ్ ఎగ్జామినేషన్-2024

మొత్తం ఖాళీల సంఖ్య: 8,326.

1) మల్టీటాస్కింగ్ స్టాఫ్ (ఎంటీఎస్): 4,887 పోస్టులు

2) హవాల్దార్ (సీబీఐసీ, సీబీఎన్): 3,439 పోస్టులు 

అర్హత: పదోతరగతి లేదా తత్సమాన విద్యార్హత. హవాల్దార్ పోస్టులకు నిర్దేశిత శారీరక ప్రమాణాలు కలిగి ఉండాలి.

వయోపరిమితి: 01.08.2024 నాటికి మల్టీటాస్కింగ్ స్టాఫ్ పోస్టులకు 18-25 సంవ‌త్సరాల మధ్య ఉండాలి. 02.08.1999 - 01.08.2006 మధ్య జన్మించి ఉండాలి. హవాల్దార్, ఎంటీఎస్ విభాగంలో కొన్ని పోస్టులకు 18-27 సంవ‌త్సరాల మధ్య ఉండాలి. 02.08.1997 - 01.08.2006 మధ్య జన్మించి ఉండాలి. నిబంధనల ప్రకారం వయోపరిమితిలో సడలింపులు వర్తిస్తాయి. ఎస్సీ, ఎస్టీలకు 5 సంవత్సరాలు, ఓబీసీలకు 3 సంవత్సరాలు, దివ్యాంగులకు 10-15 సంవత్సరాలు, ఎక్స్-సర్వీస్‌మెన్ అభ్యర్థులకు 3 సంవత్సరాల వరకు వయోసడలింపు వర్తిస్తుంది.

దరఖాస్తు విధానం: ఆన్‌లైన్ ద్వారా.

ఎంపిక విధానం: కంప్యూటర్ ఆధారిత రాతపరీక్ష, ఫిజికల్ ఎఫీషియన్సీ టెస్ట్(పీఈటీ), ఫిజికల్ స్టాండర్ట్ టెస్ట్ (పీఎస్‌టీ), డాక్యుమెంట్ వెరిఫికేషన్ ఆధారంగా.

దరఖాస్తు ఫీజు: రూ.100. మహిళలు, ఎస్సీ, ఎస్టీ, దివ్యాంగులు, ఎక్స్-సర్వీస్‌మెన్ అభ్యర్థులకు ఫీజు నుంచి మినహాయింపు ఉంది. 

కరెక్షన్ ఫీజు: దరఖాస్తు వివరాల్లో తప్పులుంటే సరిదిద్దుకునేందుకు మొదటిసారి రూ.200, రెండోసారి అయితే  రూ.500 చెల్లించాల్సి ఉంటుంది. కాబట్టి దరఖాస్తుల సమయంలో పొరపాట్లు లేకుండా వివరాలు నమోదచేయడం మంచిది.

పరీక్ష విధానం..

✦ మొత్తం 270 మార్కులకు కంప్యూటర్ ఆధారిత పరీక్ష నిర్వహిస్తారు. రెండు సెషన్లలో పరీక్ష నిర్వహిస్తారు. 120 మార్కులకు మొదటి సెషన్, 150 మార్కులకు రెండో సెషన్ పరీక్షలు నిర్వహిస్తారు.

✦ మొదటి సెషన్‌లో న్యూమరికల్ & మ్యాథమెటికల్ ఎబిలిటీ నుంచి 20 ప్రశ్నలు-60 మార్కులు, రీజినింగ్ ఎబిలిటీ & ప్రాబ్లం సాల్వింగ్ నుంచి 20 ప్రశ్నలు-60 మార్కులు ఉంటాయి. సెషన్ పరీక్ష సమయం 45 నిమిషాలు. ప్రత్యేక అవసరాలు గల అభ్యర్థులకు 60 నిమిషాలు.   

✦ రెండో సెషన్‌లో జనరల్ అవెర్‌నెస్ నుంచి 25 ప్రశ్నలు-75 మార్కులు, ఇంగ్లిష్ లాంగ్వేజ్ & కాంప్రహెన్షన్ నుంచి 25 ప్రశ్నలు-75 మార్కులు ఉంటాయి. సెషన్ పరీక్ష సమయం 45 నిమిషాలు. ప్రత్యేక అవసరాలు గల అభ్యర్థులకు 60 నిమిషాలు.

✦ పరీక్షలో అర్హత మార్కులను జనరల్-30%, ఓబీసీ/ఈడబ్ల్యూఎస్-25%, ఇతరులకు-20%  గా నిర్ణయించారు.

✦ మొత్తం 15 భాషల్లో కంప్యూటర్ ఆధారిత రాతపరీక్ష నిర్వహిస్తారు. హిందీ, ఇంగ్లిష్, అస్సామీ, బెంగాలీ, గుజరాతీ, కన్నడ, కొంకణి, మలయాళం, మణిపురి, మరాఠి, ఒడియా, పంజాబీ, తమిళం, తెలుగు, ఉర్దూ మాధ్యమాల్లో పరీక్ష ఉంటుంది.

ఫిజికల్ ఈవెంట్లు:  హవల్దార్ పోస్టులకు ఫిజికల్ పరీక్షలు (PET, PST) నిర్వహిస్తారు. అభ్యర్థులకు ఫిజికల్ ఎఫీషియన్సీ టెస్టులో భాగంగా వాకింగ్ నిర్వహిస్తారు. ఇందులో భాగంగా పురుష అభ్యర్థులు 15 నిమిషాల్లో 1600 మీటర్లు వాకింగ్ చేయాల్సి ఉంటుంది. ఇక మహిళలు అయితే 20 నిమిషాల్లో 1 కిలోమీటర్ నడవాల్సి ఉంటుంది. గర్భధారణ చేసిన మహిళలను ఫిజికల్ టెస్టులకు అనుమతించరు. ఇక ఫిజికల్ స్టాండర్ట్ టెస్టులో భాగంగా పురుషులకు ఎత్తు, ఛాతీ కొలతలు; మహిళలలకు ఎత్తు, బరువు అంశాలు ప్రామాణికంగా తీసుకుంటారు.  

దక్షిణాదిలో పరీక్ష కేంద్రాలు: చీరాల, గుంటూరు, కాకినాడ, కర్నూలు, నెల్లూరు, రాజమండ్రి, తిరుపతి, విజయనగరం, విజయవాడ, విశాఖపట్నం, పుదుచ్చేరి, చెన్నై, కోయంబత్తూరు, మధురై, సేలం, తిరుచిరాపల్లి, తిరునల్వేలి, వెల్లూరు, హైదరాబాద్, కరీంనగర్, వరంగల్.

ముఖ్యమైన తేదీలు..

➥ ఆన్‌లైన్ దరఖాస్తు ప్రక్రియ ప్రారంభం: 27.06.2024.

➥ ఆన్‌లైన్ దరఖాస్తుకు చివరితేది: 31.07.2024 (11 PM).

➥ ఆన్‌లైన్ విధానంలో ఫీజు చెల్లించడానికి చివరితేది: 01.08.2024 (11 PM) 

➥ దరఖాస్తుల సవరణకు అవకాశం: 16.08.2024 - 17.08.2024 (11 PM) 

➥ కంప్యూటర్ ఆధారిత రాతపరీక్ష తేది: అక్టోబరు-నవంబరు, 2024.

Notification

Online Application

Website