RRB Exam Result: అసిస్టెంట్ లోకో పైలట్‌ స్టేజ్-1 ఫలితాలు విడుదల, కటాఫ్ మార్కుల వివరాలు ఇలా

RRB ALP: అసిస్టెంట్‌ లోకో పైలట్‌(ఏఎల్‌పీ) పోస్టుల భర్తీకి నిర్వహించిన స్టేజ్-1 రాతపరీక్ష ఫలితాలను రైల్వే రిక్రూట్‌మెంట్ బోర్డు విడుదల చేసింది. పీడీఎఫ్ ఫార్మాట్‌లో ఫలితాలను అందుబాటులో ఉంచింది.

అసిస్టెంట్ లోకోపైలట్ ఫలితాలు

Source : ABPLIVE AI

RRB ALP Stage-1 Results 2024: రైల్వేశాఖ అసిస్టెంట్‌ లోకో పైలట్‌ కంప్యూటర్‌ ఆధారిత పరీక్షల (స్టేజ్-1) ఫలితాలను ఫిబ్రవరి 26న విడుదల చేసింది. రీజియన్లవారీగా అధికారిక వెబ్‌సైట్‌లో ఫలితాలను అందుబాటులో ఉంచింది. ఫలితాల్లో అర్హత సాధించిన అభ్యర్థులకు తర్వాతి దశలో స్టేజ్-2 పరీక్ష నిర్వహిస్తారు. ఫలితాలతోపాటు పరీక్షకు సంబంధించిన కటాఫ్‌ మార్కులను కూడా రైల్వేశాఖ అధికారిక వెబ్‌సైట్‌లో పొందుపరిచింది. అభ్యర్థులకు మార్చి 19, 20 తేదీల్లో స్టేజ్-1 పరీక్షలు నిర్వహించనున్నారు. పరీక్షకు సంబంధించిన సెంటర్‌ వివరాలు పరీక్షకు 10 రోజులు ముందుగా, అడ్మిట్‌ కార్డులను నాలుగు రోజుల ముందు నుంచి అధికారిక వెబ్‌సైట్‌లో అందుబాటులో ఉంచనున్నారు. 

సికింద్రాబాద్ జోన్ పరిధి ఫలితాల కోసం క్లిక్ చేయండి..

కటాఫ్ మార్కుల వివరాలు ఇలా..

కేటగిరీ	కటాఫ్ మార్కులు
యూఆర్	56.20216
ఎస్సీ	38.27358
ఎస్టీ	32.32200
ఓబీసీ	43.81067
ఈడబ్ల్యూఎస్	40.09009
ఎక్స్-సర్వీస్‌మెన్	30.42793

దేశవ్యాప్తంగా వివిధ రైల్వే జోన్లలో 5,696 అసిస్టెంట్‌ లోకో పైలట్‌(ఏఎల్‌పీ) పోస్టుల భర్తీకి రైల్వేశాఖ నోటిఫికేషన్ విడుదల చేసిన సంగతి తెలిసిందే. అయితే పోస్టుల సంఖ్యను మూడింతలు పెంచింది. దీంతో 5,696గా ఉన్న ఏఎల్‌పీ పోస్టుల సంఖ్య 18,799కి చేరింది. దరఖాస్తు చేసుకున్న అభ్యర్థులకు  ప్రాధామ్యాల (Preferences) నమోదుకు అవకాశం కల్పించింది. ఇప్పటికే రైల్వే ఉద్యోగార్థులకు వయోపరిమితిని 30 నుంచి 33కి పెంచిన సంగతి తెలిసిందే. రెండు దశల కంప్యూటర్ ఆధారిత పరీక్ష(స్టేజ్-1, స్టేజ్-2), కంప్యూటర్ ఆధారిత ఆప్టిట్యూడ్ టెస్ట్, డాక్యుమెంట్ వెరిఫికేషన్, మెడికల్ ఎగ్జామినేషన్ ఆధారంగా ఎంపిక ఉంటుంది. ఉద్యోగాలకు ఎంపికైనవారికి నెలకు రూ.19,900- రూ.63,200 పే స్కేలు చెల్లిస్తారు.

స్టేజ్-2 పరీక్ష విధానం..
మొత్తం 175 మార్కులకు స్టేజ్-2 పరీక్ష నిర్వహిస్తారు. పరీక్షలో మొత్తం రెండు పేపర్లు ఉంటాయి. రెండు పేపర్లు కలిపి మొత్తం 175 ప్రశ్నలు ఉంటాయి. ఒక్కో ప్రశ్నకు ఒకమార్కు కేటాయించారు. మొత్తం పరీక్ష సమయం 150 నిమిషాలు. ఇందులో పేపర్-1 నుంచి 100 మార్కులకు 100 ప్రశ్నలు ఉంటాయి. వీటిలో మ్యాథమెటిక్స్ 25 ప్రశ్నలు-25 మార్కులు, జనరల్ ఇంటెలిజెన్స్ & రీజనింగ్ 25 ప్రశ్నలు-25 మార్కులు, బేసిక్ సైన్స్ & ఇంజినీరింగ్ 40 ప్రశ్నలు-40 మార్కులు, జనరల్ అవేర్‌నెస్ & కరెంట్ అఫైర్స్ 10 ప్రశ్నలు-10 మార్కులు ఉంటాయి. పేపర్-1 పరీక్ష సమయం 90 నిమిషాలు. ఇక పేపర్-2 నుంచి సంబంధింత ట్రేడ్ నుంచి ప్రశ్నలు ఉంటాయి. మొత్తం 75 ప్రశ్నలు ఉంటాయి. ఒక్కో ప్రశ్నకు ఒకమార్కు కేటాయించారు. పేపర-2 పరీక్ష సమయం 60 నిమిషాలు.  

పోస్టుల వివరాలు ఇలా...

రైల్వే జోన్	ప్రకటించిన ఖాళీలు	పెరిగిన ఖాళీల సంఖ్య
సెంట్రల్ రైల్వే	535	1786
ఈస్ట్ సెంట్రల్ రైల్వే	76	76
ఈస్ట్ కోస్ట్ రైల్వే	479	1595
ఈస్టర్న్ రైల్వే	415	1382
నార్త్ సెంట్రల్ రైల్వే	241	802
నార్త్ ఈస్టర్న్ రైల్వే	43	143
నార్త్-ఈస్ట్ ఫ్రంటియర్ రైల్వే	129	428
నార్తర్న్ రైల్వే	150	499
నార్త్ వెస్టర్న్ రైల్వే	228	761
సౌత్ సెంట్రల్ రైల్వే	585	1949
సౌత్-ఈస్త్ సెంట్రల్ రైల్వే	1192	3973
సౌత్ ఈస్టర్న్ రైల్వే	300	1001
సదరన్ రైల్వే	218	726
సౌత్ వెస్టర్న్ రైల్వే	473	1576
వెస్ట్ సెంట్రల్ రైల్వే	219	729
వెస్ట్రర్న్ రైల్వే	413	1376
మొత్తం ఖాళీలు	5,696	18,799

Notification

Website