Evaru Meelo Koteeswarulu: తెలంగాణ వ్యక్తికి కోటి.. ఎన్టీఆర్ షోలో దుమ్ము రేపిన పోలీస్ 

సామాన్యుల కోసం ఏర్పాటు చేసిన 'ఎవరు మీలో కోటీశ్వరులు' షోలో ఇప్పటివరకు ఎవరూ కోటి రూపాయల ప్రశ్న వరకు రీచ్ అవ్వలేదు. కానీ తొలిసారి ఓ వ్యక్తి కోటి రూపాయల ప్రశ్నకు సమాధానం చెప్పినట్లు తెలుస్తోంది.

ఎన్టీఆర్ షోలో దుమ్ము రేపిన ఎస్సై.. 

వెండితెరపై నెంబర్ వన్ హీరోగా దూసుకుపోతున్న యంగ్ టైగర్ ఎన్టీఆర్.. బుల్లితెరపై కూడా తన సత్తా చాటారు. ఆయన హోస్ట్ చేసిన బిగ్ బాస్ సీజన్ 1 టీఆర్పీతో అప్పట్లో సెన్సేషన్ క్రియేట్ చేసింది. ఆ తరువాత మళ్లీ బుల్లితెరపై కనిపించలేదు. ఇంతకాలానికి 'ఎవరు మీలో కోటీశ్వరులు' షోతో మళ్లీ ఎంట్రీ ఇచ్చారు. తన భుజాలపై ఈ షోని నడిపిస్తున్నారు. తనదైన మాటల తూటాలతో హాట్ సీట్ లో కూర్చున్న వారిపై ప్రశ్నల వర్షం కురిపిస్తున్నారు. 

సామాన్యుల కోసం ఏర్పాటు చేసిన ఈ షోలో ఇప్పటివరకు ఎవరూ కోటి రూపాయల ప్రశ్న వరకు రీచ్ అవ్వలేదు. కానీ తొలిసారి ఓ వ్యక్తి కోటి రూపాయల ప్రశ్నకు సమాధానం చెప్పినట్లు తెలుస్తోంది. తెలంగాణకు చెందిన ఓ పోలీస్‌ కోటి రూపాయలు గెలుచుకున్నట్లు సమాచారం. దీనికి సంబంధించిన ప్రోమో వచ్చినప్పటికీ.. సదరు వ్యక్తి వివరాలను బయటపెట్టలేదు. కొన్ని రోజుల్లో ఈ ఎపిసోడ్ ను టెలికాస్ట్ చేయబోతున్నారు. 

ఇక ఈ షోలో సామాన్యులతో పాటు అప్పుడప్పుడు సెలబ్రిటీలు కూడా కనిపిస్తుంటారు. ఇప్పటికే రామ్ చరణ్, సమంత, కొరటాల శివ, రాజమౌళి ఇలా చాలా మంది అగ్ర తారలను గెస్ట్ లుగా తీసుకొచ్చి.. తన ప్రశ్నలతో ఓ ఆట ఆడేసుకున్నారు ఎన్టీఆర్. బ్రిటన్ కి చెందిన ఈ షోని ఇండియాలో అన్ని భాషల్లో అడాప్ట్ చేసుకొని టెలికాస్ట్ చేస్తున్నారు. తెలుగులో కొత్త సీజన్ ఆగస్టు 2021 నుంచి ప్రసారమవుతోంది. 

 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి