Jagadhatri Serial Today June 14th: ‘జగధాత్రి’ సీరియల్‌: మీనన్ ను పట్టుకున్న జేడీ – సాధును బెదిరించిన కమలాకర్
Jagadhatri Today Episode: యువరాజ్ ను కోర్టుకు తీసుకెళ్తున్నట్టు నాటకం ఆడి కేడ, జేడీ ఇద్దరూ కలిసి మీనన్ ను పట్టుకుంటారు. దీంతో ఇవాళ్టీ ఎపిసోడ్ చాలా ఆసక్తికరంగా జరిగింది.
Jagadhatri Serial Today Episode: స్టేషన్‌ నుంచి యువరాజ్‌ను కోర్టుకు తీసుకెళ్తున్నారని కౌషికి, కమలాకర్, వైజయంతి స్టేషన్‌ వెళ్తున్నామని. కోర్టు నుంచి యువరాజ్‌ను తీసుకొస్తామని నిషికకు చెప్పి నువ్వు ఇంట్లోనే ఉండు అంటారు. మరోవైపు కేడీ, జేడీ ఇద్దరూ యువరాజ్‌ను కోర్టుకు తీసుకెళ్లడానికి స్టేషన్‌కు వెళ్తారు. రెండు గంటల్లో నేను నడుచుకుంటూ మీ కళ్ల ముందే ఇంటికి వెళ్లిపోతానని చెప్తాడు యువరాజ్. యువరాజ్‌ను కోర్టుకు తీసుకెళ్తుంటే కౌషికి, కమలాకర్, వైజయంతి వస్తారు.
వైజయంతి: అబ్బోడా ఎట్టా ఉన్నావురా నీకేం కాలేదు కదరా?
కమలాకర్: యువరాజ్ నీకేం కాలేదు కదా? బాగానే ఉన్నావు కదా?
కౌషికి: ఇవాళ కోర్టులో బెయిల్‌ వస్తుంది. ఇంటికి వెళ్లిపోదాం.. కాసేపు ధైర్యంగా ఉండు చాలు.
కేదార్‌: మేడం ప్లీజ్‌ అడ్డు జరగండి మా పని మమ్మల్ని చేసుకోనివ్వండి.
వైజయంతి: అయ్యో ఎవరికి ఏ పాపం చేసి ఉండామని నా కొడుకుని ఇట్టా కొట్టి ఉండారు. మీకసలు మనసాక్షి అనేది ఉందా?
ధాత్రి: కోర్టుకు టైం అవుతుంది. మమ్మల్ని వెళ్లనివ్వండి.
కమలాకర్: తప్పుడు కేసులు పెట్టి, దొంగ సాక్ష్యాలు చూపించి మా ఇంటి వారసుణ్ని అరెస్ట్ చేసి మా పరువు తీయాలని చూసిన మిమ్మల్ని వదిలిపెట్టేదే లేదు.
అనగానే మీరు కోర్టులో చెప్పుకోండి అని జేడీ వెళ్తుంటే కౌషికి ఆపుతుంది. నా తమ్ముణ్ని ఏం చేయబోతున్నారు అంటూ నిలదీస్తుంది. దీంతో సాధు వచ్చి కౌషికి వాళ్లను అరెస్ట్ చేయమంటాడు. దీంతో కమలాకర్ కోపంగా సాధు దగ్గరకు వెళ్లి కాలర్‌ పట్టుకుని వార్నింగ్‌ ఇస్తాడు. దీంతో ధాత్రి కమలాకర్‌ను కొడుతుంది. మాకు అడ్డుపడితే మిమ్మల్ని అరెస్ట్ చేస్తామని బెదిరిస్తుంది. యువరాజ్‌ను తీసుకుని వెళ్లిపోతారు.
వైజయంతి: కౌషికి నాకెందుకో భయంగా ఉంది. వాళ్లు యువరాజ్‌ను కోర్టుకే తీసుకెళ్తారా?
కమలాకర్: అవును కౌషికి వాళ్ల మాటల్లో మనల్ని బెదిరించడం కంటే ఎక్కడ మనం వాళ్ల వెనకాల వెళ్తామనే భయమే ఎక్కువ ఉంది.
కౌషికి: వాళ్ల వెనక మనం వెళితే అదే కారణం చెప్పి మనల్ని అరెస్ట్ చేస్తారు బాబాయ్‌.
వైజయంతి: అయితే అబ్బోన్ని అలా ఒంటరిగా వదిలేస్తామా? అమ్మి ఏదో ఒకటి చేయ్‌ అమ్మి
అనగానే వాళ్లు అలా చేస్తారనే నా ప్లాన్‌ లో నేను ఉన్నాను. అని ముందు ఇక్కడి నుంచి వెళ్దాం పదండి అంటుంది. మరోవైపు యువరాజ్‌ను కోర్టుకు తీసుకెళ్తుంటారు. ఆఫీసుకు వెళ్లిన కౌషికి యువరాజ్ ను తీసుకెళ్తున్న వ్యాన్‌కు జీపీఎస్‌ ఉన్న కెమెరా పెట్టి ఉటుంది అది ఓపెన్‌ చేసి లైవ్‌లో చూస్తుంటుంది. మరోవైపు మీనన్ యువరాజ్‌ను తప్పించడం కోసం ప్రయత్నిస్తుంటాడు. యువరాజ్ ను తీసుకెళ్తున్న వ్యాన్‌ డ్రైవర్‌ మనవాడేనని మీనన్ మనిషి చెప్తాడు. టైం చూసి యువరాజ్ ఉన్న వ్యాన్‌ను దారి మళ్లీస్తాడని చెప్తాడు. కొద్దిసేపటికి వ్యాన్‌ దారి మళ్లుతుంది. లైవ్‌లో చూసున్న కౌషిక, వైజయంతి, కమలాకర్ కంగారు పడతారు. వ్యాన్‌కు ఎదురుగా మీనన్ కారు ఆగుతుంది. వ్యాన్‌ లోని పోలీసులు పారిపోతారు.
మీనన్: పాపం యువరాజ్ కోసం జేడీ రోడ్ల మీద పిచ్చిదానిలా వెతుక్కుంటూ ఉంటుంది. ఈ మీనన్ ఏం చేయగలడో ఆ జేడీకి ఈపాటికే అర్థం అయ్యి ఉంటుంది. ఓపెన్‌ చేయ్‌
అనగానే దేవ వ్యాన్‌ డోర్‌ ఓపెన్‌ చేసి చూసి షాక్‌ అవుతాడు. ఏంటని మీనన్ చూడగానే లోపల జేడీ, కేడీ ఉంటారు.
జేడీ: నా ఫేస్‌లో ఎక్స్‌ ప్రెషన్స్‌ ఏంటో కానీ నీ ఫేస్ లో ఎక్స్‌ ప్రెషన్స్‌ నా ఎక్స్‌పెక్టేషన్‌ మించి పోయింది మీనన్
అని యువరాజ్‌ను వ్యాన్‌ లోంచి ఎలా మార్చింది చెప్తుంది జేడీ. దీంతో మీనన్ షాక్‌ అవుతాడు. యువరాజ్‌ను కోర్టుకు తీసుకెళ్లే ఉద్దేశ్యమే మాకు లేదు.. ఇదంతా నీకోసం మేము వేసిన సెటప్‌ అని చెప్పగానే మీనన్ మనుషులు జేడీ, కేడీల మీదకు వస్తారు. రౌడీలను కొట్టిన జేడీ, కేడీలు మీనన్ ను పట్టుకుంటారు. దీంతో ఇవాళ్టీ ఎపిసోడ్ అయిపోతుంది.
టాప్ హెడ్ లైన్స్
ట్రెండింగ్ వార్తలు
