Illu Illalu Pillalu Serial Today April 2nd: ఇల్లు ఇల్లాలు పిల్లలు: అన్నతో నిజం చెప్పేసిన అమూల్య! వల్లీని పుట్టింటికి తరిమేసిన చందు!

Illu Illalu Pillalu Serial Today Episode April 2nd వల్లీనే అమూల్య విషయంలో కుట్ర చేసింది అని చందుకి తెలియడం చందు వల్లీని పుట్టింట్లో వదిలేయడంతో ఇవాళ్టి ఎపిసోడ్ ఆసక్తికరంగా మారింది.

ఇల్లు ఇల్లాలు పిల్లలు సీరియల్

Source : Jio Hotstar/ Star Maa.com

Illu Illalu Pillalu  Serial Today Episode: శ్రీవల్లి దొరికిపోయింది అక్కడేం జరుగుతుందో తెలీడం లేదు అని భాగ్యం టెన్షన్ పడుతుంది. ఇంతలో ఇడ్లీబాబాయ్ వచ్చి మనం అమ్మడు ఇంటికి కల్యాణానికి వెళ్తామా లేదా అని హడావుడి చేసేస్తూ ఉంటాడు. ఇంతలో శ్రీవల్లి తల్లికి కాల్ చేస్తుంది. వాయిస్ డిలీట్ చేసేశాను అని గెంతులేస్తూ చెప్తుంది. ఇక నుంచి ఆ ప్రేమ, నర్మదలకు ఈఎమ్ఐ పద్ధతిలో నరకం చూపిస్తా అని భాగ్యం అంటుంది. శ్రీవల్లి తల్లితో నాకు వాళ్లు చుక్కలు చూపిస్తా అన్నారు.. కానీ మనం వాళ్లకి చుక్కలు చూపించాలి త్వరగా వచ్చేయండి అని తల్లిదండ్రుల్ని పిలుస్తుంది. 

శ్రీవల్లి సంతోషంగా తల్లిదండ్రులతో మాట్లాడి వెనక్కి తిరిగే సరికి చందు కోపంగా చూస్తూ ఉంటాడు. నీతో మాట్లాడాలి అని శ్రీవల్లిని పిలుస్తాడు. శ్రీవల్లి తప్పించుకోవాలని చూస్తే చేయి పట్టుకొని తీసుకొని పక్కకి వెళ్తాడు. ప్రేమ అమూల్య దగ్గరకు వెళ్లి చందు అన్నయ్య నిన్ను పిలుస్తున్నాడు అని చెప్తుంది. అమూల్య కూడా అక్కడికి వెళ్తుంది. చందు వల్లీతో ఇప్పటికే నీకు అడిగాను.. మళ్లీ అడుగుతున్నాను నీకు ఏమైనా తెలుసా.. నువ్వు నా దగ్గర ఏమైనా దాచావా అని అడుగుతాడు. వల్లీ చందుతో చీర కొన్నాను చెప్పకుండా దాచాను అని అంటాడు. నేను అడుగుతున్నది అమూల్య గురించి.. అని అంటాడు. శ్రీవల్లి ఏం మాట్లాడకుండా షాక్ అయిపోతుంది. అమూల్య గురించి ఏంటి బా  అని అడుగుతుంది. విశ్వక్‌ని ప్రేమించమని అమూల్యకి చెప్పింది ఎవరు.. మా నాన్న హాస్పిటల్ పాలు అవ్వడానికి కారణం ఎవరు.. అమూల్య జీవితం నాశనం అవ్వడానికి కారణం ఎవరు.. వీటన్నింటికీ ఒకరే కారణం అని అది ఎవరో నీకు తెలుసు అని నాకు తెలుసు.. అది ఎవరో చెప్పు అని రెట్టించి అడుగుతాడు.

శ్రీవల్లి నాకు తెలీదు అని అనేస్తుంది. వద్దు తెలీదు అని భుకాయించకు మర్యాదగా చెప్తావా లేదా అని చందు అడుగుతాడు. శ్రీవల్లి తడబడుతూ కొన్ని నిజాలు తెలిసినా ఒకరు గురించి చెప్పడం సంస్కారం కాదు కానీ నువ్వు ఇన్ని సార్లు అడుగుతున్నావ్ కాబట్టి నిజం చెప్తున్నా.. విశ్వక్‌ని ప్రేమించమని అమూల్యకి చెప్పింది ఎవరో కాదు బా ఆ ప్రేమ అని అంటుంది. చందు, అమూల్య, దూరం నుంచి చూస్తున్న ప్రేమ, నర్మదలు షాక్ అయిపోతారు. తన పుట్టింటి గురించి ఆలోచించి ప్రేమ ఇదంతా చేసింది.. ప్రేమ రాయబారం చేసింది అని ఒట్టు వేస్తుంది. అమూల్య జీవితం నాశనం అవ్వడానికి, మామయ్య గారికి హార్ట్ అటాక్ రావడానికి అన్నింటికీ ప్రేమే కారణం అని శ్రీవల్లి అంటుంది. ఇంతలో అమూల్య వదినా అని అరుస్తుంది. అమూల్యని చూసి శ్రీవల్లి దాక్కుంటుంది. నేను తప్పించుకోవడానికి ప్రేమ మీద తోసేద్దాం అనుకుంటే నేనే అడ్డంగా దొరికిపోయానని శ్రీవల్లి అనుకుంటుంది. 

అమూల్య, చందు శ్రీవల్లి దగ్గరకు వస్తుంది. వదిన నువ్వు అసలు మనిషివేనా నీకు బుద్ధి ఉందా.. నీ కాపురం ఇబ్బందుల్లో పడొద్దు అని నేను ఎవరికీ నిజం చెప్పకుండా.. ప్రేమ, నర్మద వదినల దగ్గర నిజం చెప్పొద్దు అని మాట తీసుకుంటే.. నువ్వు చేసిన తప్పుని ప్రేమ వదిన మీద తోసేస్తావా.. వాళ్ల జీవితాలను నాశనం చేయాలి అని చూస్తావా అని అడుగుతాడు. చందు అమూల్యతో ఏంటి నువ్వు అనేది.. అని అడుగుతాడు. నర్మద ప్రేమలు కూడా అక్కడికి వెళ్తారు. చందు ఏమైందని అమూల్యని అడుగుతాడు. విశ్వక్‌ని ప్రేమించమని నాకు చెప్పింది ఎవరో కాదు వల్లీ వదినే.. విశ్వక్‌ని ప్రేమిస్తే మన రెండు కుటుంబాలు కలుస్తాయని నన్ను వాడిని ప్రేమించమని ఫోర్స్ చేసింది వల్లీ వదినే అని మొత్తం చెప్పేస్తుంది. పెళ్లి ముందు కూడా తనే నన్ను తీసుకుంది.. ప్రేమ, నర్మద వదినలు నిజం చెప్పొద్దు అని మాట తీసుకున్నారు అని అంటుంది. 

ప్రేమ చందుతో చూశావ్ కదా బావ అమూల్యకి ఇచ్చిన మాట కోసం మేం నోరు విప్పలేదు కానీ తను మాత్రం నా కాపురంలో చిచ్చు పెట్టాలి అని చూసింది అని అంటుంది. మీ భార్యలు ఎలాంటి వాళ్లో తెలుసుకోకుండా వాళ్లతో ఎలా కాపురం చేస్తారు అని సాగర్, ధీరజ్‌లకు అడిగారు కదా బావగారు.. మీ భార్య ఎలాంటిదో మీకు తెలియాలి అనే ఇలా చేశాం.. ఇక నిర్ణయం మీదే బావగారు అని నర్మద అంటుంది. చందు వల్లీని కోపంగా చూస్తాడు.

వేదవతి శ్రీరామనవమి వేడుకకు అన్నీ రెడీ చేస్తుంది. రామరాజు, వేదవతి పంతులు రావడంతో అన్నీ అందిస్తారు. ఇక ఇంట్లో అందర్ని పిలుస్తారు. ఇంతలో వేదవతి తల్లి, పెద్దమ్మ వస్తారు. మేం కూడా రావొచ్చా అని అడిగితే మీరు స్వతంత్రంగా రావాలి కానీ ఇలా అడగటం ఏంటి అని వేదవతి అంటుంది. ఇద్దరినీ హగ్ చేసుకొని సంతోషంగా మాట్లాడుతుంది. చందు వల్లీ బ్యాగ్ రెడీ చేస్తూ ఉంటాడు. వల్లీ ఏడుస్తూ బావ నేను అంటే నర్మద, ప్రేమలకు అస్సలు నచ్చను.. నేను ఇక్కడ ఉండటం వాళ్లకి ఇష్టం లేదు.. అందుకే అమూల్యతో మాట్లాడి కుట్ర చేశారు.. నా కాపురం నాశనం చేశారు అని ఏడుస్తుంది. వాళ్లు కుట్ర చేశారు అనడానికి సాక్ష్యాలు ఉన్నాయా.. కానీ నువ్వు చేసిన మోసాలకు సాక్ష్యాలు ఉన్నాయి అని అంటాడు. నేను ఒట్టి అమాయకురాలిని బా.. నువ్వు అంటే నాకు ప్రాణం నన్ను పంపించకు బా అని ఏడుస్తుంది. 

చందు చేయి ఎత్తి నిన్ను కొట్టాలి అంటే అసహ్యంగా ఉంది.. నోరు మూసుకొని నడుస్తావా.. లేదంటే ఇంట్లో అందరికీ నీ బండారం  చెప్పాలా.. నువ్వు మా నాన్న ఏరికోరి తెచ్చుకున్న కోడలివి అని పొంగిపోతున్నాడు.. నీ గురించి తెలిస్తే తట్టుకోలేడు అని ఇలా చేయాల్సి వస్తుందని అంటాడు. ఇంటి వెనక నుంచి శ్రీవల్లిని పుట్టింట్లో వదిలేయడానికి తీసుకెళ్తాడు. శ్రీవల్లిని పుట్టింటిలో వదిలేస్తాడు. నువ్వు నన్ను వదిలేస్తే నాకు చావే దిక్కు బా... ఇది మొదటి తప్పు కింద నన్ను వదిలేయ్ అని బతిమాలుతుంది. దొంగ ఏడుపు ఆపు అని చందు కోప్పడతాడు. వల్లీని ఇంటికి గెంటేస్తాడు. వల్లీ ఏడుస్తూ పుట్టింటికి వెళ్తుంది. దీంతో ఇవాళ్టి ఎపిసోడ్ పూర్తయిపోతుంది.