Serial Actress Lahari: యాక్సిడెంట్ కేసులో అరెస్టైన సీరియల్ నటి లహరి

తెలుగు సీరియళ్ల ద్వారా పాపులర్ అయిన నటి లహరి యాక్సిడెంట్ కేసులో చిక్కుకుంది.

Written By : ABP Desam | Edited By: harithac | Updated at : 08 Dec 2021 09:28 AM (IST)

సీరియల్ నటి లహరి

పలు తెలుగు సీరియళ్లలో హీరోయిన్‌గా నటించిన లహరి యాక్సిడెంట్ కేసులో అరెస్టు అయ్యింది. ఆమె కారులో శంషాబాద్ నుంచి వస్తూ ఎదురుగా వస్తున్న ఓ బైక్ ను ఢీ కొట్టింది. ఈ ప్రమాదంలో ఒక వ్యక్తికి తీవ్రగాయాలయ్యాయి. ఆ వ్యక్తి రక్తమోడుతున్నా కూడా కనీసం లహరి కారులోంచి దిగలేదు. దీంతో స్థానికులంతా ఆమెపై మండిపడ్డారు. పోలీసులకు సమాచారం అందించారు. పోలీసులు ఘటనా స్థలానికి చేరుకుని ఆమెను కారుతో సహా స్టేషన్‌కు తీసుకెళ్లారు.

మద్యం తాగి?
లహరి మద్యం తాగి వాహనం నడిపినట్టు వార్తలు వస్తున్నాయి. కానీ పోలీసులు ఇంతవరకు ఈ విషయాన్ని బహిరంగంగా చెప్పలేదు. కాగా లహరి యాక్సిడెంట్ చేసిన వ్యక్తి ప్రస్తుతం ఆసుపత్రిలో చికిత్స పొందుతున్నాడు. అతను ప్రైవేటు పెట్రోలింగ్ వాహనం నడిపే వ్యక్తి అని తెలుస్తోంది. డ్యూటీ ముగించుకుని బైక్ పై ఇంటికి వెళుతున్న సమయంలో లహరి కారుతో ఢీ కొట్టింది. ఆ వ్యక్తి కిందపడి గాయాలపాలైనా కూడా, నటి కనీసం కారు దిగకపోవడం మిగతా వాహనదారులకు చాలా కోపం తెప్పించింది. ఆమెతో వారు వాగ్వాదానికి దిగారు. చివరికి శంషాబాద్ పోలీసులు రంగ్రప్రవేశం చేశారు. ఈ ఘటనకు సంబంధించి పూర్తి వివరాలు తెలియాల్సి ఉంది. లహరి చాలా సీరియల్స్ నటించింది. ప్రస్తుతం గృహలక్ష్మి అనే సీరియల్ లో నటిస్తోంది.