Spirit Update : ప్రభాస్ 'స్పిరిట్‌' నుంచి బిగ్ సర్‌ప్రైజ్ - వివేక్ ఒబెరాయ్ ఫస్ట్ లుక్ రిలీజ్

Vivek Oberoi First Look : పాన్ ఇండియా స్టార్ ప్రభాస్ 'స్పిరిట్' మూవీ నుంచి బిగ్ సర్ప్రైజ్ వచ్చేసింది. ఈ మూవీలో విలన్ రోల్ చేస్తున్న వివేక్ ఒబెరాయ్ ఫస్ట్ లుక్ రివీల్ చేశారు.

స్పిరిట్‌లో వివేక్ ఒబెరాయ్ ఫస్ట్ లుక్

Source : https://www.instagram.com/p/DVQohB8CVW3/?hl=en

Vivek Oberoi's First Look From Prabhas Spirit Movie : పాన్ ఇండియా స్టార్ ప్రభాస్, స్టార్ డైరెక్టర్ సందీప్ వంగా కాంబోలో రాబోతోన్న పాన్ వరల్డ్ యాక్షన్ థ్రిల్లర్ 'స్పిరిట్'. ఇప్పటికే ఈ మూవీ షూటింగ్ శరవేగంగా సాగుతుండగా... తాజాగా బిగ్ సర్ప్రైజ్ రివీల్ చేశారు మేకర్స్. ఈ మూవీలో వివేక్ ఒబెరాయ్ ఫస్ట్ లుక్ రిలీజ్ చేశారు. 

నోట్లో సిగార్‌తో పవర్ ఫుల్ యాక్షన్ మోడ్‌లో బాలీవుడ్ స్టార్ వివేక్ లుక్ అదిరిపోయింది. సినిమాలో నెగిటివ్ రోల్‌లో ఆయన చేస్తుండగా... ఇదే పోస్టర్‌లో త్రిప్తి డిమ్రి కూడా ఉన్నారు. 'వన్ బ్యాడ్ హాబిట్ ఇన్ స్పిరిట్ మోడ్' అంటూ రాసుకొచ్చారు. ప్రస్తుతం ఈ లుక్ వైరల్ అవుతుండగా... మూవీలో డార్లింగ్ ప్రభాస్‌కు పర్ఫెక్ట్ విలన్ అంటూ ఫ్యాన్స్ కామెంట్స్ చేస్తున్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sandeep Reddy Vanga (@sandeepreddy.vanga)

ఈ మూవీలో ప్రభాస్ సరసన త్రిప్తి డిమ్రి హీరోయిన్‌గా నటిస్తున్నారు. విలక్షణ నటుడు ప్రకాష్ రాజ్ కీలకపాత్ర పోషిస్తుండగా... బాలీవుడ్ యాక్టర్ వివేక్ ఒబెరాయ్, సీనియర్ నటి కాంచన తదితరులు కీలకపాత్రల్లో నటిస్తున్నారు. టి సిరీస్ ఫిల్మ్స్, భద్రకాళి పిక్చర్స్ సంస్థలపై భూషణ్ కుమార్, ప్రణయ్ రెడ్డి వంగా, క్రిషన్ కుమార్ నిర్మిస్తున్నారు. ఇప్పటికే రిలీజ్ చేసిన స్పెషల్ వీడియో గూస్ బంప్స్ తెప్పిస్తోంది.

ఇప్పటివరకూ చూడని పాత్రలో పోలీస్ ఆఫీసర్ రోల్‌లో ప్రభాస్ నటిస్తుండగా... పోలీస్ కథతో పాటు మాఫియా బ్యాగ్రౌండ్ కూడా చూపించనున్నట్లు వీడియోను బట్టి అర్థమవుతోంది. పోలీస్ అధికారి అయినా ప్రభాస్ జైలుకు వెళ్లినట్లు టీజర్‌లో చూపించడం హైప్ క్రియేట్ చేస్తోంది. పాన్ ఇండియా స్థాయిలో తెలుగుతో పాటు హిందీ, తమిళం, కన్నడ, మలయాళం, చైనీస్, కొరియన్ సహా ఇతర ఫారిన్ లాంగ్వేజెస్‌లో వచ్చే ఏడాది మార్చి 5న సినిమా ప్రేక్షకుల ముందుకు రానుంది.

మరిన్ని చదవండి

ఆ ఓటీటీలోకి శ్రీవిష్ణు 'విష్ణు విన్యాసం' - ఎప్పుడు స్ట్రీమింగ్ కావొచ్చంటే?