Samantha: సామ్, నయన్‌‌లతో విజయ్ సేతుపతి తిప్పలు, ‘కణ్మణీ రాంబో ఖతీజా’ తమిళ టీజర్ వచ్చేసింది!

Kaathu Vaakula Rendu Kaadhal Teaser | సమంత, నయన తార, విజయ్ సేతుపతి ప్రధాన పాత్రల్లో నటిస్తున్న చిత్రం ‘కాతు వాక్కులా రెండు కాదల్’. తెలుగులో ఈ చిత్రాన్ని ‘కణ్మణీ రాంబో ఖతీజా’ టైటిల్‌తో విడుదల చేయనున్నారు. ఈ చిత్రానికి నయనతార ప్రియుడు విఘ్నేష్ శివన్ దర్శకత్వం వహిస్తున్నాడు. ప్రస్తుతం ఈ చిత్రం తెలుగులో డబ్బింగ్ పూర్తికాలేదు. దీంతో చిత్రయూనిట్ ముందుగా తమిళ టీజర్‌ను రిలీజ్ చేసింది. 

ఈ చిత్రంలో విజయ్ సేతుపతి అమాయక ప్రేమికుడిగా నటిస్తున్నాడు. ఒకేసారి సమంత, నయన తారలను ప్రేమిస్తాడు. వారిద్దరూ తన జీవితంలోకి రాగానే ఎన్నో మార్పులు వచ్చాయని, అందుకే ఇద్దరినీ వదల్లేనంటూ వారిని ప్రేమకు ఒప్పిస్తాడు. చివరికి పెళ్లి కూడా చేసుకుంటాడు. మరి, ఇద్దరి ప్రేమించి ఒకేసారి పెళ్లి చేసుకున్న విజయ్ సంసారం ఎలా సాగుతుంది? ఇద్దరు భార్యలతో అతడికి ఎదురయ్యే సమస్యలు ఏమిటనేది ఈ చిత్రంలో వినోదాత్మకంగా చెబుతున్నట్లు ట్రైలర్  చూస్తే అర్థమవుతోంది. ఈ చిత్రానికి అనిరుధ్ సంగీతం సమకూర్చాడు. ఇప్పటికే ఈ చిత్రంలోని ‘టూ టుటు టుటూ..’ అనే పాట బాగా వైరల్ అయ్యింది. తమిళనాటను ఓ ఊపు ఉపేసింది. దీంతో ఈ చిత్రంపై అంచనాలు కూడా పెరిగిపోయాయి.

‘‘మీరిద్దరూ ఏ రోజుతే మీ ప్రేమను వ్యక్తం చేశారో.. నా జీవితం అందంగా మారిపోయింది’’ అనే డైలాగుతో టీజర్ మొదలైంది. ‘‘నా జీవితంలో మొదటిసారి మాట్లాడిన అమ్మాయి కూడా నువ్వే.. నువ్వే’’ అంటూ సామ్, నయన్‌లను విజయ్ చూపిస్తాడు. ఇందులో నయన్ తార బెంగాళీ యువతి కణ్మనీ గంగూలీగా కనిపించనుంది. ‘‘ఏదో అతడి శక్తికి కేవలం ఇద్దరిని మాత్రమే ప్రేమించగలుగుతున్నాడు’’ అంటూ ఓ పాత్ర ప్రభూతో చెప్పే డైలాగ్ కూడా బాగుంది. చూస్తుంటే.. ఈ ముగ్గురు కడుపుబ్బా నవ్వించేందుకు సిద్ధమైపోతున్నట్లు తెలుస్తోంది. ఈ సినిమా ఏప్రిల్ 28న విడుదల కానుంది. ఇంకెందుకు ఆలస్యం ప్రస్తుతానికి.. ‘కణ్మణీ రాంబో ఖతీజా’ టీజర్‌ను తమిళంలో చూసేయండి మరి. 

https://t.co/Ifa6JCTYUM#KaathuVaakulaRenduKaadhal Teaser 😇☺️❤️

Jus wanna thank @VijaySethuOffl #Nayanthara @Samanthaprabhu2 for giving their best & making the experience of working with them sooo special & memorable ❤️☺️

Thank U my king @anirudhofficial
& @srkathiir sir ☺️

— Vignesh Shivan (@VigneshShivN) February 11, 2022

Kaathu Vaakula Rendu Kaadhal Teaser: