Pooja Hegde New Car: లగ్జరీ కారు కొన్న బుట్టబొమ్మ, ధర ఎంతో తెలుసా?

అందాల తార పూజా హెగ్డే అదిరిపోయే కారు కొన్నది. రేంజ్ రోవర్ లగ్జరీ కారును తాజాగా తన గ్యారేజీకి తెచ్చుకుంది. దీని ధర భారీగా ఉన్నట్లు తెలుస్తోంది.

Photo Credit: Pooja Hegde/twitter

సౌత్ లో టాప్ హీరోయిన్ గా కొనసాగిన పూజా హెగ్డే ప్రస్తుతం బాలీవుడ్ బాట పట్టింది. అక్కడ కూడా కొన్ని సినిమాలు చేసినా, అనుకున్న స్థాయిలో గుర్తింపు తెచ్చుకోలేదు. సల్మాన్ ఖాన్ తో కలిసి చివరి సారిగా నటించి ‘కిసీ కా భాయ్ కిసీ కి జాన్’  చిత్రం కూడా పెద్దగా సక్సెస్ కాలేదు. అమ్మడుకి ప్రస్తుతం పెద్దగా ఆఫర్లు కూడా రావడం లేదు. కాసేపు ఆమె సినిమాల విషయాన్ని పక్కన పెడితే, తాజాగా ఆమె కొనుగోలు చేసిన కారుతో వార్తల్లోకి ఎక్కింది.  

అదిరిపోయే లగ్జరీ కారు కొనుగోలు చేసిన పూజ

ఇటీవల పూజా హెగ్డే సిల్వర్ రేంజ్ రోవర్ SUVని కొనుగోలు చేసింది. దీని విలువ సుమారు రూ.3 నుంచి 4 కోట్లు ఉంటుంద‌ని స‌మాచారం. ఈ హై ఎండ్ కారు చక్కటి లుక్ తో అదుర్స్ అనిపించేలా ఉంది. ఈ కారు గరిష్ట వేగ పరిమితి గంటకు 234 కి.మీగా ఉంటుందట. 5 సెకెన్లలో 100 కి. మీ వేగాన్ని అందుకుంటుందట. 3.0-లీటర్ 6-సిలిండర్ ఇంజెనియం పెట్రోల్ ఇంజన్‌ను కలిగి ఉంటుంది. 294 KW మోటార్‌తో కలిపి 404.5 KW శక్తిని అందిస్తుంది. ఇందులో 13.1-అంగుళాల ఫ్లోటింగ్ ఇన్ఫోటైన్‌మెంట్ స్క్రీన్, కంప్లీట్ డిజిటల్ ఇన్‌స్ట్రుమెంట్ క్లస్టర్, చక్కటి  హెడ్ అప్ డిస్‌ ప్లే, మల్టీ జోన్ క్లైమేట్ కంట్రోల్, ఫోర్ స్పోక్ స్టీరింగ్ వీల్ ఉంటుంది. ఇక ఎంట‌ర్ టైనింగ్ కోసం బ్యాక్ సీటు స్క్రీన్ ను కలిగి ఉంటుంది. ఈ రేంజ్ రోవర్ ఇప్పుడు లాంగ్ వీల్‌ బేస్ వెర్షన్‌ తో ఆకట్టుకుంటుంది. ప్రస్తుతం ఈ కారు పలు రంగుల్లో లభిస్తోంది. అయితే, పూజ కొనుగోలు చేసిన కారు డీజిల్ వెర్షనా? లేదంటే పెట్రోల్ వెర్షనా? అనేది తెలియాల్సి ఉంది.   

పూజ గ్యారేజిలో ఎన్నో లగ్జరీ కార్లు

హాట్ బ్యూటీ పూజా హెగ్డే గ్యారేజ్ లో ఇప్ప‌టికే చాలా లగ్జరీ కార్లు ఉన్నాయి. ఆడి Q7, జాగ్వార్ సెడాన్, పోర్స్చే కయెన్ , BMW 5-సిరీస్ సెడాన్ తో పాటు పలు హై ఎండ్ కార్లు ఉన్నాయి. తను వెళ్లే ఈవెంట్ ను బట్టి ఆయా కారులో ప్రయాణం చేస్తుంది. పూజా కొనుగోలు చేసిన తాజా రేంజ్ రోవర్ SUV  గ్యారేజికి మరింత శోభను తెచ్చే అవకాశం ఉంది.

ఇక పూజా హెగ్డే కెరీర్ లో గత కొద్ది రోజులుగా పెద్దగా సక్సెస్ లు లేవు. ‘అల వైకుంఠపురంలో..’ సినిమా తర్వాత ఆమె చేసిన సినిమాలు విజయాన్ని అందుకోలేకపోయాయి. ‘బీస్ట్’, ‘రాధేశ్యామ్’ కూడా ప్రేక్షకులను అంతగా ఆకట్టుకోలేకపోయాయి. బాలీవుడ్ లోకి వెళ్లినా అక్కడా అనుకున్న స్థాయిలో సక్సెస్ కాలేదు. ఆమె చివరి సారిగా సల్మాన్ తో కలిసి నటించిన ‘కిసీ కా భాయ్ కిసీ కి జాన్’ మూవీ కూడా పెద్దగా హిట్ కాలేదు. ఇక రీసెంట్ గా మహేష్ బాబు ‘గుంటూరు కారం’ సినిమా నుంచి కూడా తప్పుకుంది. ప్రస్తుతం  హిందీలో ‘దేవా’ అనే సినిమాలో నటిస్తుంది. ఇందులో షాహిద్ కపూర్ హీరోగా నటిస్తున్నారు.  

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial