Krishna Mukunda Murari June 5th: తనకి అర్జెంట్ గా మనవడిని కనివ్వాలని కోడలికి కండిషన్ పెట్టిన రేవతి- బిత్తరపోయిన ముకుంద

మురారీ, కృష్ణ గురించి ముకుంద రేవతికి అసలు విషయం చెప్పేయడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

రేవతి ముకుంద మాటల గురించి ఆలోచిస్తూ ఉంటుంది. ఈ అమ్మాయి  మనసు మార్చకపోతే రాను రాను ఎలాంటి దారుణాలు చూడాల్సి వస్తుందో అర్థం కావడం లేదు. ప్రేమ ఉన్మాదంగా మారుతుంది. అక్క ఆశ్రమం నుంచి తిరిగి వచ్చే లోపు ముకుంద సమస్యకి ఒక పరిష్కారం చూడాలి. అసలు విషయం తెలియని అక్క ముకుంద ఇక్కడే ఉండాలని శాసిస్తే ఏమి చేయాలని రేవతి భయపడుతుంది. మురారీ, కృష్ణ కారులో వెళ్తూ ఉంటారు. మురారీ కోపంగా ఉండేసరికి అసలు ఏంటి మీరు మీ సంగతి ఏంటని కృష్ణ అరుస్తుంది. తను కోపంగా చూసేసరికి భయపడుతుంది. ఎన్నడూ లేనిది ఏంటి ఇలా అరుస్తున్నారని అడుగుతుంది.

ముకుంద ఒక పుస్తకంలో ఐలవ్యూ మురారీ అని రాస్తూ ఉండగా రేవతి వస్తుంది. తనని చూసి ముకుంద కంగారుగా బుక్ మూసేసి దాచి పెడుతుంది. ఏంటది అంటే నా పాత జ్ఞాపకమని చెప్తుంది. రేవతి అందులో ఈ ఇంటి పరువు కూడా ఉండవచ్చని రేవతి కోపంగా ఆ బుక్ లాక్కుని చూస్తుంది. అందులో ఐలవ్యూ మురారీ అని ఉండటం చూసి షాక్ అవుతుంది.

రేవతి: ఆ పేజీలన్నీ చింపేస్తుంది. ఈ గదిలో వాడి తాలూకు గుర్తులు కనిపిస్తే కాల్చి బూడిద చేస్తాను

ముకుంద: నా మనసులో మురారీ ఉన్నాడు దాన్ని కాల్చి బూడిద చేయగలరా?

రేవతి: నోర్ముయ్ తప్పుడు మాటలు మాట్లాడకు పవిత్రతకి పీఠం వేసే ఇల్లు. ఇక్కడ నీతినియమాలు వదిలేసి బతకకూడదు నువ్వు హద్దులు దాటి ప్రవరిస్తున్నావ్

ముకుంద: నాలో నేను ప్రేమిస్తే తప్పా అత్తయ్య

రేవతి: తప్పే మురారీకి పెళ్ళయింది నీకు పెళ్లి అయిపోయింది పొరపాటున కూడా నీ మనసు చెదిరిపోకూడదు. వాళ్ళు చిలకా గోరింకలా కాపురం చేసుకుంటున్నారు. నా కోడలు అమాయకురాలు దాని కాపురంలో చిచ్చు రేపకు

ముకుంద: వాళ్ళ గురించి మీకు తెలియదు వింటే మీరు తట్టుకోలేరు

రేవతి: వాళ్ళ గురించి నాకు తెలియనిది నీకు మాత్రమే తెలిసింది ఏంటో చెప్పు

ముకుంద: వాళ్ళు చేసుకుంది పెళ్లి కాదు. అది అగ్రిమెంట్ మ్యారేజ్ సంవత్సరం పూర్తి కాగానే అంటే ఇంకొద్ది రోజుల్లో కృష్ణ వెళ్ళిపోతుంది

రేవతి: నా కొడుకు కోడలు కొద్ది రోజుల్లో విడిపోతారా?

ముకుంద: అవును ఇద్దరూ ఆ ఒప్పందానికి వచ్చి ఇక్కడికి వచ్చారు. నిజానికి వాళ్ళు ఒకరినొకరు ఇష్టపడటం లేదు కలిసి కాపురం చేయడం లేదు బయటకి వచ్చినప్పుడు మాత్రమే భార్యాభర్తలుగా నటిస్తున్నారు

రేవతి: నేను నమ్మను అదంతా నటన.. ప్రేమ కాదా? ఇష్టం కాదా? అది కాపురం కాదా? వాళ్ళది అసలు పెళ్ళే కాదా?నిజం చెప్పు నీకు ఎలా తెలుసు

ముకుంద: మురారీ చెప్పాడు అనేసరికి బాధగా వెళ్ళిపోతుంది.

కృష్ణ ఒక అనాథ ఆశ్రమానికి వస్తుంది. అక్కడ పిల్లలందరూ కృష్ణతో బాగా మాట్లాడతారు. మురారీని చూసి వెళ్ళి పలకరిస్తారు. మీకు వీళ్ళు ఎలా తెలుసని కృష్ణ అంటే అదేంటి మీకు తెలియదా ఇది అన్నయ్యదే కదా అంటారు. నా కొడుకు కృష్ణకి ఇంత ద్రోహం చేస్తాడా? ఈ విషయంలో నేను తల్లిగా స్పందించాలా? అత్తగా స్పందించాలా? ఎలాగైన వాళ్ళిద్దరినీ కలపాలని రేవతి అనుకుంటుంది.