KGF 2 Release Date: కేజీఎఫ్ ఛాప్టర్ - 2 రిలీజ్ డేట్ వచ్చేసింది... కానీ, ట్విస్టు ఏంటంటే...
కేజీఎఫ్ చాప్టర్ 2 చిత్రం విడుదల తేదీని ప్రకటించింది చిత్ర యూనిట్.
కన్నడ హీరో య‌ష్ ప్ర‌ధాన పాత్ర‌లో ప్రశాంత్ నీల్ తెర‌కెక్కించిన KGF. ఈ చిత్రం బాక్సాఫీస్ వద్ద ఎన్నో రికార్డులు తిర‌గరాసింది. ఈ చిత్రానికి సీక్వెల్‌గా కేజీఎఫ్ చాప్టర్ 2 చిత్రాన్ని తెర‌కెక్కించారు. తాజాగా ఈ చిత్రం విడుదల తేదీని ప్రకటించింది చిత్ర యూనిట్. ఏప్రిల్ 14,2022న కేజీఎఫ్ 2 చిత్రం విడుదల కానుందని పోస్ట‌ర్ ద్వారా ప్ర‌క‌టించారు.
#KGF2onApr14 pic.twitter.com/2DEW33do1q
— Prashanth Neel (@prashanth_neel) August 22, 2021
జూలై 16న ప్రపంచ వ్యాప్తంగా కేజీఎఫ్ చాప్టర్-2 రిలీజ్ కానుందని కరోనా ముందు ప్ర‌క‌టించారు మేక‌ర్స్. కానీ, కరోనా కారణంగా అంతా మారిపోయింది. సినిమా విడుదల వాయిదా పడింది. దీంతో ఈ సినిమా ఎప్పుడు థియేటర్లలో సందడి చేస్తుందా అని అభిమానులు ఆసక్తిగా ఎదురుచూస్తున్నారు. ఈ క్రమంలో ఈ రోజు చిత్ర యూనిట్ విడుదల డేట్ ప్రకటించేసింది. ఇంకేముంది, అభిమానులు తెగ సంబరపడిపోతున్నారు.
The uncertainties of today will only delay our resolve, but the eventuality is as promised.We will be out in theaters on april 14th 2022. #KGF2onApr14@TheNameIsYash @hombalefilms @VKiragandur @HombaleGroup @duttsanjay @TandonRaveena @SrinidhiShetty7 @prakashraaj
— Prashanth Neel (@prashanth_neel) August 22, 2021
కానీ, ఇక్కడో ట్విస్టు ఉంది. అదేంటంటే... ప్రశాంత్ నీల్ తెరకెక్కిస్తోన్న ‘సలార్’ కూడా 2022 ఏప్రిల్ 14న విడుదల చేయనున్నట్లు ఇప్పటికే చిత్ర యూనిట్ ప్రకటించింది. మరి, ఈ రెండు సినిమాలు ఒకే రోజు రిలీజ్ అవుతాయా? లేదంటే సలార్ విడుదల తేదీ మారుస్తారా అన్నది ప్రస్తుతం అభిమానులకు అంతుచిక్కని ప్రశ్న.
ఎటువంటి అంచనాలు లేకుండా థియేటర్లలోకి వచ్చి ప్రపంచవ్యాప్తంగా సంచలనంగా నిలిచింది కేజీఎఫ్ సినిమా. ప్రేక్షకులతో పాటు సిని వర్గాలు సైతం కేజీఎఫ్2పై భారీ అంచనాలు పెట్టుకున్నాయి. ఈ చిత్రంలో య‌శ్ స‌ర‌స‌న శ్రీనిధి శెట్టి న‌టిస్తోంది. ర‌వీనా టాండ‌న్‌, సంజ‌య్ ద‌త్‌, రావు ర‌మేశ్ కీ రోల్స్ పోషిస్తున్నారు. ర‌వి బ‌ర్సూర్ మ్యూజిక్ అందిస్తున్నారు. ఏప్రిల్ 13న కన్నడ సంవత్సరాది. ఈ సందర్భంగా ఆ మర్నాడే గురువారం ‘కేజీఎఫ్ 2’ను ప్రపంచవ్యాప్తంగా విడుదల చేస్తున్నారు.
టాప్ హెడ్ లైన్స్
ట్రెండింగ్ వార్తలు
