Jr NTR: నెట్‌ఫ్లిక్స్ సీఈవోకు జూనియర్ ఎన్టీఆర్ ఆతిథ్యం - మధ్యాహ్నం బాగా గడిచిందంటూ ట్వీట్!

జూనియర్ ఎన్టీఆర్... నెట్‌ఫ్లిక్స్ సీఈవో టెడ్ శారండోస్‌కు ఆతిథ్యం ఇచ్చారు.

నెట్‌‌ఫ్లిక్స్ సీఈవోతో జూనియర్ ఎన్టీఆర్

Source : Jr NTR Twitter

నెట్‌ఫ్లిక్స్ సీఈవో టెడ్ శారండోస్ టాలీవుడ్‌లో వరుసగా సెలబ్రిటీలను కలుస్తూనే ఉన్నారు. గురువారం మెగాస్టార్ చిరంజీవి ఇంటికి వెళ్లారు. శుక్రవారం యంగ్ టైగర్, మాన్ ఆఫ్ మాసెస్ జూనియర్ ఎన్టీఆర్ ఇంటికి ఆయన లంచ్‌కు వెళ్లారు. ఈ విషయాన్ని జూనియర్ ఎన్టీఆర్ సోషల్ మీడియా ద్వారా రివీల్ చేశారు. ‘మీకు, మీ టీమ్‌కు ఆతిథ్యం ఇవ్వడం ఆనందంగా ఉంది. మన సంభాషణను నేను ఎంజాయ్ చేశాను. సినిమాలు, ఫుడ్ పైన మనకు ఉన్న ప్రేమ గురించి మాట్లాడుతూ మధ్యాహ్నాన్ని అద్భుతంగా గడిపాం.’ అని ట్వీట్ చేశారు.

జూనియర్ ఎన్టీఆర్ ఇంటికి టెడ్ శారండోస్ తన బృందంతో కలిసి వచ్చారు. జూనియర్ ఎన్టీఆర్‌తో పాటు ఆయన సోదరుడు కళ్యాణ్ రామ్, ‘దేవర’ డైరెక్టర్ కొరటాల శివ కూడా ఉన్నారు. జూనియర్ ఎన్టీఆర్ సతీమణి లక్ష్మీ ప్రణతిని కూడా ఫొటోల్లో చూడవచ్చు.

NTR @tarak9999 on Instagram -

It was such a pleasure hosting you and your team for lunch Ted Sarandos. Enjoyed our conversation and the afternoon spent together indulging in our love for movies and food. @netflix @NetflixIndia pic.twitter.com/Vf8NkOqbV3

— .... (@ynakg2) December 8, 2023

తారక్ ప్రస్తుతం ‘దేవర’ను ముగించడంలో బిజీగా ఉన్నారు. జనవరి నెలాఖరుకు ‘దేవర’ను పూర్తి చేసి, అనంతరం గ్యాప్ ఇవ్వకుండా బాలీవుడ్ సినిమా ‘వార్ 2’ మీద ఫోకస్ పెట్టాలనేది జూనియర్ ఎన్టీఆర్ ప్లాన్. ‘వార్ 2’లో జూనియర్ ఎన్టీఆర్ విలన్‌గా కనిపించనున్నారని సమాచారం. ఇటీవల విడుదల అయిన ‘టైగర్ 3’ పోస్ట్ క్రెడిట్ సీన్‌లో కూడా ఇదే హింట్ ఇచ్చారు.

జూనియర్ ఎన్టీఆర్ లైనప్ కూడా చాలా స్ట్రాంగ్‌గా ఉంది. ప్రస్తుతం ‘దేవర: పార్ట్ 1’ పూర్తి చేయనున్నారు. కొరటాల శివ దర్శకత్వంలో తెరకెక్కుతున్న ఈ సినిమా 2024 ఏప్రిల్ 5వ తేదీన విడుదల కానుంది. అనంతరం ‘వార్ 2’ మీదకు వెళ్లనున్నారు. ‘బ్రహ్మాస్త్ర’ దర్శకుడు అయాన్ ముఖర్జీ ఈ సినిమాను తెరకెక్కించనున్నారు. ‘వైఆర్ఎఫ్ స్పై యూనివర్స్’లో భాగంగా ‘వార్ 2’ రూపొందనుంది. 2019లో వచ్చిన ‘వార్’కు ఇది డైరెక్ట్ సీక్వెల్. ఇందులో హృతిక్ రోషన్‌తో జూనియర్ ఎన్టీఆర్ స్క్రీన్ షేర్ చేసుకోనున్నారు. ‘వార్ 2’ 2025 ఆగస్టు 14వ తేదీన రిలీజ్ కానుంది.

2024 ద్వితీయార్థం నుంచి ప్రశాంత్ నీల్ సినిమా‌ను తారక్ షురూ చేయనున్నాడు. ఈ సినిమా ఎప్పుడు రానుందనే విషయం మాత్రం తెలియరాలేదు. కానీ ప్రశాంత్ నీల్ వర్కింగ్ స్టైల్‌ను బట్టి చూస్తే 2025 చివరి నుంచి 2026 సమ్మర్‌లోపు ఎప్పుడైనా సినిమా విడుదల అవుతుందని అంచనా వేయవచ్చు. మరి ‘దేవర: పార్ట్ 2’ ఎప్పుడు అన్న సంగతి మాత్రం తెలియరాలేదు. 

It was such a pleasure hosting you and your team for lunch Ted Sarandos. Enjoyed our conversation and the afternoon spent together indulging in our love for movies and food. pic.twitter.com/aD82mcM2MY

— Jr NTR (@tarak9999) December 8, 2023