Jayamma: 'జయమ్మ.. చూసే జనం కళ్లకి సూర్యకాంతమ్మ..' ర్యాప్ పాడిన సుమ..

'జయమ్మ పంచాయతీ' సినిమా నుంచి తాజాగా మరో పాటను దర్శకధీరుడు రాజమౌళి విడుదల చేశారు.

Written By : ABP Desam | Updated at : 16 Jan 2022 01:28 PM (IST)

ర్యాప్ పాడిన సుమ..

ప్రముఖ యాంకర్, టీవీ హోస్ట్ సుమ ప్రధాన పాత్రలో నటిస్తున్న చిత్రం 'జయమ్మ పంచాయతీ'. విజయ్ కుమార్ కలివారపు దర్శకుడిగా పరిచయం అవుతున్నారు. ఈ సినిమాను వెన్నెల క్రియేషన్స్ పతాకంపై ప్రొడక్షన్ నెంబర్ 2గా బలగ ప్రకాష్ నిర్మిస్తున్నారు. ఇప్పటికే ఈ సినిమా ఫస్ట్ లుక్ ని, ఓ పాటను విడుదల చేశారు. తొలి పాట 'తిప్పగలనా?'ను నాని రిలీజ్ చేయగా.. తాజాగా మరో పాటను దర్శకధీరుడు రాజమౌళి విడుదల చేశారు.

'కాసింత బోళాతనం.. కూసింత జాలిగుణం' అంటూ సాగే ఈ పాటను శ్రీకృష్ణ పాడగా.. సుమ ర్యాప్ పాడారు. రామజోగయ్య శాస్త్రి లిరిక్స్ అందించారు. ఎం.ఎం. కీరవాణి సంగీతం అందించారు. ఈ పాట ద్వారా సినిమాలో సుమ క్యారెక్టర్ ఎలా ఉంటుందో చెప్పారు. పల్లెటూరి వాతావరణం నేపథ్యంలో తెరకెక్కించిన చిత్రమిది. చిత్రీకరణ దాదాపుగా పూర్తి కావొస్తుంది. త్వరలో సినిమా విడుదల తేదీ ప్రకటించనున్నారు.

ఇదివరకు క్యారెక్టర్ ఆర్టిస్ట్ గా కొన్ని సినిమాల్లో నటించింది సుమ. ఆ తరువాత పూర్తిగా బుల్లితెరకే పరిమితమైంది. టీవీ షోలు, సినిమా ఈవెంట్స్ తో బిజీగా గడుపుతోంది. అయినప్పటికీ నటిగా రీఎంట్రీ ఇవ్వడానికి రెడీ అయింది. 'జయమ్మ పంచాయతీ'తో మంచి సక్సెస్ అందుకోవాలని చూస్తుంది.

జయమ్మ,
చూసే జనం కళ్లకి సూర్యకాంతమ్మ!

Happy to Launch #JayammaJayamma song from #JayammaPanchayathi
▶️https://t.co/esGUewjy0R

Best wishes to @ItsSumaKanakala & Team @mmkeeravaani @srikrisin @ramjowrites @VijayKalivarapu @Anushkumar04 @PrakashBalaga @vennelacreation @AdityaMusic
— rajamouli ss (@ssrajamouli) January 16, 2022