Guntur Kaaram VS Hanuman: ‘గుంటూరు కారం‘ను వెనక్కి నెట్టిన 'హనుమాన్', సొంత మల్టీఫ్లెక్స్ లో మహేష్ మూవీ క్యాన్సిల్?

Guntur Kaaram VS Hanuman: మహేష్ బాబు ‘గుంటూరు కారం‘తో పోల్చితే, తేజ సజ్జ ‘హనుమాన్‘ బాక్సాఫీస్ దగ్గర దూసుకెళ్తోంది. టికెట్ల సేల్ పరంగానూ ప్రశాంత్ వర్మ మూవీ సత్తా చాటుతోంది.

మహేష్ బాబు, తేజ సజ్జ(Photo Credit: Prasanth Varm/Guntur Kaaram/twitter)

Guntur Kaaram VS Hanuman: సంక్రాంతి పండుగ వేళ టాలీవుడ్ లో గట్టి పోటీ నెలకొంది. ఈసారి పండుగ బరిలో నాలుగు సినిమాలు నిలిచాయి. మహేష్ బాబు హీరోగా తెరకెక్కిన ‘గుంటూరు కారం‘, తేజ సజ్జ ప్రధాన పాత్రలో తెరకెక్కిన ‘హనుమాన్‘, నాగార్జున ‘నా సామిరంగ‘, వెంకటేష్ ‘సైంధవ్‘ సినిమా ప్రేక్షకులకు వినోదపు విందును పంచుతున్నాయి. మిగతా సినిమాల విషయం పక్కన పెడితే ఇవాళ(జనవరి 12న) విడుదలైన 'గుంటూరు కారం', 'హనుమాన్'​ చిత్రాల మధ్య ఇంట్రెస్టింగ్ ఫైట్ కొనసాగుతోంది. టాలీవుడ్ సూపర్ స్టార్ తో యంగ్ హీరో తేజ సజ్జ ఢీకొట్టారు.  

బుకింగ్స్ లోనూ దూసుకెళ్తున్న ‘హనుమాన్‘

విడుదలకు ముందే ‘గుంటూరు కారం‘తో పోల్చితే, ‘హనుమాన్‘ మూవీ టికెట్ బుకింగ్స్ లో టాప్ లో కొనసాగింది. అంతేకాదు, ‘హనుమాన్‘ సినిమా చూసేందుకే ప్రేక్షకులు ఎక్కువ ఆసక్తి చూపించారు. ఆన్ లైన్ టికెటింగ్ యాప్ బుక్ మై షో ఈ విషయాన్ని వెల్లడించింది. ఇక టికెట్ల సేల్ విషయంలోనూ మహేష్ మూవీతో పోల్చితే తేజ సజ్జ మూవీ దూసుకెళ్తోంది. గంట వ్యవధిలో ‘గుంటూరు కారం‘ సినిమా 16 వేల టికెట్లు బుక్ కాగా, ‘హనుమాన్‘ మూవీ సుమారు 20 వేల టికెట్లు బుక్ అయ్యాయి. ప్రస్తుతం మహేష్ మూవీ బుకింగ్స్ లో వెనుకబడింది.  

In the past year, ticket sales for Pongal releases:-#HanuMan: 21K+#GunturKaaram: 16K+#CaptainMiller: 6.5K+#Ayalaan: 5K+#Saindhav: 2K+#MerryChristmas: 2K+#HanuManRAMpage has even outshone #MaheshBabu & #Trivikram's #GunturKaaram by Huge Margin, despite less screens,… pic.twitter.com/LYUWNY2Lqw

— Indian Box Office (@Box0fficeIndia) January 12, 2024

మహేష్ బాబు సొంత మల్టీఫ్లెక్స్ లో ‘గుంటూరు కారం‘ షో క్యాన్సిల్?

‘హనుమాన్‘ దూకుడుతో ‘గుంటూరు కారం‘ సినిమాకు షాకుల మీద షాకులు ఎదురవుతున్నాయి. ఏకంగా మహేష్ సొంత మల్టీఫ్లెక్స్ AMB సినిమాస్‌(గచ్చిబౌలి)లో తొలిరోజే ‘గుంటూరు కారం‘ సినిమా క్యాన్సిల్ అయ్యింది. కొత్తగా యాడ్ చేసిన 1 PM స్లాట్ కు బుకింగ్స్ లేకపోవడంతో షో క్యాన్సిల్ చేసినట్లు సోషల్ మీడియాలో వార్తలు వస్తున్నాయి. సూపర్ స్టార్ మహేష్ బాబుకు తన సొంత మల్టీప్లెక్స్‌ లో ఎదురుదెబ్బ తగిలిందంటూ ప్రచారం జరుగుతోంది. అయితే, దీనిపై మల్టిఫ్లెక్స్ నిర్వాహకులు ఎలాంటి అధికారిక ప్రకటన చేయలేదు. వాస్తవానికి ‘గుంటూరు కారం’ మూవీకి సంబంధించిన టికెట్లు బుధవారమే నిండిపోయాయి. అయితే, క్రేజ్‌ను దృష్టిలో పెట్టుకుని మధ్యాహ్నం 1 గంటకు కూడా స్లాట్స్ యాడ్ చేశారని తెలుస్తోంది.

Due to no bookings for the newly added 1 PM slot, the #GunturKaaram show was canceled at AMB Cinemas On the Day1 itself.

Huge Humiliation for superstar #MaheshBabu at his own multiplex, especially considering that #HanuMan tickets are consistently outselling #GunturKaaram each… pic.twitter.com/vVU8zFL5Bs

— Indian Box Office (@Box0fficeIndia) January 12, 2024

ఇక 'హనుమాన్' మూవీలో తేజ సజ్జాకు జంటగా అమృత అయ్యర్ నటించింది. కోలీవుడ్​ నటి వరలక్ష్మి శరత్‌కుమార్, సీనియర్ నటుడు, దర్శకుడు  సముద్రఖని ఇందులో కీలక పాత్రలు పోషించారు. ఈ చిత్రాన్ని ప్రైమ్ షో ఎంటర్టైన్మెంట్ బ్యానర్‌పై కే నిరంజన్ రెడ్డి నిర్మించారు. అటు ‘గుంటూరు కారం’ సినిమాలో మహేష్ బాబు హీరోగా నటించారు. త్రివిక్రమ్ దర్శకత్వం వహించారు. ఈ చిత్రంలో శ్రీలీల, మీనాక్షి చౌదరి హీరోయిన్లుగా నటించింది. రమ్యకృష్ణ, ప్రకాష్‌రాజ్‌, జగపతిబాబు కీలక పాత్రలు పోషించారు. హాసిని, హారిక క్రియేషన్స్‌ పతాకంపై ఎస్‌.రాధాకృష్ణ నిర్మించారు. తమన్‌ సంగీతం అందించారు.