Hi Nanna Movie: మృణాల్‌తో నాని, అలా సరస్సులో సరదాలు - మరీ ఇంత రొమాంటిక్కా?

Hi Nanna Movie: నాని, మృణాల్ ఠాకూర్ జంటగా నటిస్తున్న మూవీ 'హాయ్ నాన్న'. విడుదల దగ్గర పడుతున్న నేపథ్యంలో చిత్రబృందం ఇంట్రెస్టింగ్ ఫోటోలు, వీడియోలను విడుదల చేసింది.

Photo Credit: Nani/Instagram

Nani, Mrunal Thakur : ‘దసరా’ మూవీతో సూపర్ డూపర్ హిట్ అందుకున్న నేచురల్ స్టార్ నాని, ప్రస్తుతం ‘హాయ్ నాన్న’ సినిమాతో ప్రేక్షకుల ముందుక రాబోతున్నారు. నూతన దర్శకుడు శౌర్యువ్ పాన్ ఇండియన్ మూవీగా తెరకెక్కిన ఈ సినిమా దేశ వ్యాప్తంగా పలు భాషల్లో విడుదల కానుంది. ఇప్పటికే విడుదలైన టీజర్, పాటలకు ప్రేక్షకుల నుంచి మంచి స్పందన వచ్చింది. ఈ సినిమా ‘దసరా’ మించి హిట్ అందుకోవాలని నాని ప్రయత్నిస్తున్నారు. అందుకే, సినిమాపై ఇంట్రెస్ట్ కలిగించేలా అభిమానులతో కీలక విషయాలు పంచుకుంటున్నారు.   

ఆకట్టుకుంటున్న మూవీ ప్రమోషన్స్

ఈ సినిమాకు సంబంధించిన ప్రమోషన్స్ కూడా చిత్రబృందం బాగానే కొనసాగిస్తోంది. ఇప్పటికే మూడు పాటలు విడుదలయ్యాయి. అన్ని పాటలు ప్రేక్షకులను బాగా ఆకట్టుకున్నాయి. తండ్రి కూతురు సెంటిమెంట్ హైలెట్ గా నిలిచింది. ఇక హీరోయిన్ మృణాల్ తో నాని బాగానే రొమాన్స్ చేసినట్లు తెలుస్తోంది. 'అమ్మాడి' అంటూ సాగే పాట నాని, మృణాల్ మధ్య ప్రేమను కళ్లకు కట్టినట్లుగా చూపించింది. మృణాల్​ లైవ్ మ్యూజిక్​​ పెర్ఫామెన్స్​తో మొదలైన ఈ సాంగ్​లో తన భర్త నాని గురించి పాడుతూ కనిపిస్తుంది. వారిద్దరి మధ్య ఉన్న ప్రేమ, అనుబంధాన్ని ఇందులో చూపించారు. నాని, మృణాల్ లవ్​ కెమిస్ట్రీ అందరినీ ఆకట్టుకుంది. 

కొత్త ఫోటోలు, వీడియో విడుదల

అటు సినిమాకు సంబంధించి విడుదలైన పోస్టర్లు కూడా చాలా ప్రజెంట్ గా ఆకట్టుకుంటున్నాయి. కూల్ గా మనసుకు హత్తుకునేలా ఉన్నాయి. తాజాగా ఈ మూవీకి సంబంధించి మేకర్స్ కొన్ని ఫోటోలు, వీడియోలు విడుదల చేశారు. ఇందులో నాని, మృణాల్ ఠాగూర్ ఇద్దరూ సరదగా సరస్సులో విహరిస్తూ కనిపించారు. పడవలో నాని, మృణాల్ ఎదురెదురుగా కూర్చొని ఉండగా, నాని పడవను ముందుకు నడుపుతూ ఉన్నాడు. ఇద్దరూ హ్యాపీగా జాలీగా పడవ ప్రయాణం చేస్తూ అలరించారు. ఈ పిక్స్, వీడియో చాలా కూల్ గా రొమాంటిక్ గా కనిపిస్తున్నాయి. సినిమాపై భారీగా అంచనాలు కూడా పెంచేలా ఉన్నాయి. ఈ సినిమాతో నాని ఖాతాలో మరో మంచి హిట్ పడటం ఖాయం అని అందరూ భావిస్తున్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Nani (@nameisnani)

వచ్చే నెల 7న పలు భాషల్లో విడుదల

వైరా ఎంటర్టైన్మెంట్స్ బ్యానర్ పై మోహన్ చెరుకూరి, డాక్టర్ విజయేందర్ రెడ్డి తీగల సంయుక్తంగా ఈ చిత్రాన్ని నిర్మిస్తుండగా బేబీ కియారా కన్నా ఇందులో నాని కుమార్తెగా కనిపించనుంది  హేషమ్ అబ్దుల్ వాహబ్ సంగీతం అందిస్తున్న ఈ చిత్రానికి జాన్ వర్గీస్ సినిమాటోగ్రాఫర్ గా వ్యవహరిస్తున్నారు. ప్రవీణ్ ఆంటోనీ ఎడిటింగ్ బాధ్యతలు చేపట్టగా.. డిసెంబర్ 7న తెలుగు, హిందీ తమిళ కన్నడ మలయాళ భాషల్లో ఈ సినిమా విడుదల కానుంది.  ‘హాయ్ నాన్న’ మూవీ విడుదలకు రెడీ అవుతున్న నేపథ్యంలో డైరెక్టర్ వివేక్ ఆత్రేయతో కలిసి నాని మరో సినిమా చేస్తున్నారు. ఈ సినిమాకు ‘సరిపోదా శనివారం’ అనే ఆసక్తికరమైన టైటిల్ ను ఫిక్స్ చేశారు.