Gas Price Hike: ఇరాన్- ఇజ్రాయెల్ వార్ ఎఫెక్ట్! భారీగా పెరిగిన గ్యాస్ ధరలు! మీ ప్రాంతాల్లో ఉన్న రేటు తెలుసుకోండి!
Gas Price Hike: భారత్లోని అనేక రాష్ట్రాల్లో ఇప్పుడు LPG సిలిండర్ల ధరలు భారీగా పెరిగాయి. భారతదేశంలో 14.2 కిలోల గృహ LPG సిలిండర్ ధర ₹60 పెరిగింది.
Gas Price Hike: మధ్యప్రాచ్యంలో ఇరాన్- ఇజ్రాయెల్ మధ్య జరుగుతున్న యుద్ధం దేశవ్యాప్తంగా ప్రభావం చూపుతోంది. ఈ ఘర్షణల కారణంగా ఇరాన్ హార్ముజ్ జలసంధిని మూసివేశారు. దీని ఫలితంగా దిగుమతి చేసుకున్న వస్తువుల ధరలు పెరిగాయి. అందుకే భారత్లోని LPG గ్యాస్ సిలిండర్ల ధర కూడా పెరిగింది.
భారత్ అంతటా అనేక రాష్ట్రాల్లో LPG సిలిండర్లు ఖరీదైనవిగా మారాయి. 14.2 కిలోల గృహ LPG సిలిండర్ ధర ₹60 పెరిగింది. హైదరాబాద్లో 965 రూపాయలు, ఢిల్లీలో, 14.2 కిలోల గృహ LPG సిలిండర్ ధర ₹853 నుంచి ₹913 కు పెరిగింది. కొత్త రేట్లు మార్చి 7 అర్థరాత్రి నుంచి అమలులోకి వస్తాయని వర్గాలు తెలిపాయి.
హైదరాబాద్లో సిలిండర్ ధర ఎంత?
హైదరాబాద్లో 19 కిలోల వాణిజ్య LPG సిలిండర్ ధర కూడా ₹115 పెరిగింది, ఈరోజు మార్చి 7 నుంచి అమలులోకి వస్తుంది. హైదరాబాద్లో 19 కిలోల వాణిజ్య LPG సిలిండర్ ధర ఇప్పుడు 1,961 రూపాయలుగా ఉంది. ఇది కొత్త ధర అమల్లోకి వచ్చిన తర్వాత ₹2,076 అయ్యింది. సిలిండర్ ధరలలో ఈ కొత్త మార్పు ఏప్రిల్ 2025 ధరల పెరుగుదల తర్వాత జరిగింది.
ఢిల్లీలో 19 కిలోల వాణిజ్య LPG సిలిండర్ ధర కూడా ₹115 పెరిగింది, 19 కిలోల వాణిజ్య LPG సిలిండర్ ధర ఇప్పుడు ₹1,883. దేశ ఆర్థిక రాజధాని ముంబైలో, వాణిజ్య LPG సిలిండర్ ధర ₹1,835 అవుతుంది. సిలిండర్ ధరల పెరుగుదల విస్తృతంగా భయాందోళనలకు గురిచేసింది. సరఫరాలో ఈ తీవ్రమైన మార్పు ప్రజల జేబులపై ప్రత్యక్ష ప్రభావాన్ని చూపుతోంది.
దీని వల్ల గ్యాస్ ధరలు పెరిగాయి.
పశ్చిమాసియాలో కొనసాగుతున్న సైనిక ఉద్రిక్తతల కారణంగా దేశీయ సిలిండర్ ధరలు పెరిగాయి, దీని వలన హార్ముజ్ జలసంధి ద్వారా దిగుమతి చేసుకునే LNG సరఫరాకు అంతరాయం కలిగింది. ఫిబ్రవరి 28 నుంచి హార్ముజ్ జలసంధి ద్వారా LNG సరఫరాలు నిలిచిపోయాయి.
ఇది తాత్కాలికంగా ప్రపంచ LNG సరఫరాలలో దాదాపు 20 శాతంపై ప్రభావం చూపింది. ఆసియా దిగుమతి మార్కెట్లలో ఆందోళనలను రేకెత్తించింది. భారత్ LNG సరఫరాలలో ఎక్కువ భాగం ఖతార్, యునైటెడ్ అరబ్ ఎమిరేట్స్ (UAE) నుంచి హార్ముజ్ జలసంధి ద్వారా వస్తుంది.
టాప్ హెడ్ లైన్స్
ట్రెండింగ్ వార్తలు
