NTR Neel Movie :'డ్రాగన్' కోసం ఎన్టీఆర్ కెరీర్లోనే హయ్యెస్ట్ బడ్జెట్... ప్రశాంత్ నీల్ ఈ మ్యాగ్నమ్ ఓపస్ కోసం ఎన్ని వందల కోట్లు ఖర్చు చేస్తున్నాడో తెలుసా?

NTR Neel Movie : ఎన్టీఆర్, ప్రశాంత్ నీల్ మూవీ షూటింగ్ మొదలైంది. 'డ్రాగన్' అనే టైటిల్ ఫిక్స్ చేశారని వార్తలు విన్పిస్తున్న ఈ మ్యాగ్నమ్ ఓపస్ కోసం ఎన్ని వందల కోట్ల బడ్జెట్ పెడుతున్నారో తెలుసా ?

ఎన్టీఆర్, ప్రశాంత్ నీల్ మూవీ

Source : ABPLIVE AI

NTR Neel Movie : మ్యాన్ ఆఫ్ మాసెస్ జూనియర్ ఎన్టీఆర్ 'ఆర్ఆర్ఆర్' మూవీతో పాన్ ఇండియా రేస్​లోకి అడుగు పెట్టిన సంగతి తెలిసిందే. ఆ తర్వాత 'దేవర' మూవీతో మరో బ్లాక్ బస్టర్ ఖాతాలో వేసుకున్న ఈ హీరో ప్రస్తుతం, ప్రశాంత్ నీల్ దర్శకత్వంలో మరో భారీ పాన్ ఇండియా మూవీకి సిద్ధం అవుతున్నారు. ఈ నేపథ్యంలోనే హై ఆక్టేన్ యాక్షన్ ఎంటర్​టైనర్​గా తెరకెక్కుతున్న ఈ మూవీ బడ్జెట్ చర్చకు దారి తీసింది. 

'ఎన్టీఆర్ 31' మూవీకి భారీ బడ్జెట్ 

జూనియర్ ఎన్టీఆర్ ఇప్పుడు తన కెరీర్లోనే అతిపెద్ద భారీ బడ్జెట్ సినిమా చేయడానికి సిద్ధమవుతున్నాడు. భారీ సినిమాలకు హీరోల నుంచి అభిమానులు ఎక్స్పెక్ట్ చేసే అద్భుతమైన ఎలివేషన్స్​, ఊహించని రేంజ్​లో యాక్షన్ సన్నివేశాలకు కేరాఫ్ అడ్రస్​గా మారిన పాన్ ఇండియా డైరెక్టర్ ప్రశాంత్ నీల్. ఆయనతో కలిసి ఒక భారీ యాక్షన్ ఎంటర్టైనర్ లో తారక్ నటిస్తున్న సంగతి తెలిసిందే. అయితే ఇప్పటికే 250 కోట్ల బడ్జెట్​తో నిర్మించిన 'దేవర' మూవీతో ఎన్టీఆర్ సోలో హీరోగా 450 కోట్ల గ్రాస్ కలెక్షన్ కొల్లగొట్టి అదరగొట్టాడు. ఇక ఇప్పుడు ఆయన నెక్స్ట్ మూవీకి బడ్జెట్ మరింతగా పెరగబోతుంది. 

ఎన్టీఆర్ - నీల్ కాంబినేషన్లో రాబోతున్న మూవీని ఏకంగా 360 కోట్ల భారీ బడ్జెట్​తో సెట్స్ పైకి తీసుకెళ్లినట్టు సమాచారం. ఇప్పటిదాకా ఎన్టీఆర్ కెరీర్​లోనే అత్యంత భారీ బడ్జెట్ తో రూపొందుతున్న సినిమా ఇదే. ఇంటెన్స్ యాక్షన్ డ్రామాగా తెరకెక్కుతున్న ఈ సినిమాను డైరెక్టర్ ప్రశాంత్ నీల్ హై ఎనర్జీ యాక్షన్, గ్రాండ్ విజువల్స్ తో తెరకెక్కిస్తున్నట్టు తెలుస్తోంది. ఇక జూనియర్ ఎన్టీఆర్ ఈ ప్రాజెక్టు కోసం పూర్తిగా బల్క్ డేట్స్ కేటాయించబోతున్నట్టు సమాచారం. అలాగే ఇందులో ఎన్టీఆర్ ఇదివరకు ఎన్నడూ చూడని సరికొత్త లుక్ లో కనిపించబోతున్నాడని అంటున్నారు.

ఎన్టీఆర్ - నీల్ మూవీ షూటింగ్ స్టార్ట్ 

ఎన్టీఆర్ - ప్రశాంత్ నీల్ కాంబినేషన్లో తెరకెక్కుతున్న 'ఎన్టీఆర్ 31' మూవీ ఇప్పటికే సెట్స్ పైకి వెళ్ళింది. ఫిబ్రవరి 20 నుంచి ప్రశాంత్ నీల్ ఈ మూవీ షూటింగ్ ను మొదలు పెట్టారు. ఎన్టీఆర్ లేకుండానే దాదాపు 1500 నుంచి 3,000 మంది జూనియర్ ఆర్టిస్టులతో ఓ భారీ యాక్షన్ సీన్ నీ ప్రశాంత్ నీల్ తెరకెక్కిస్తున్నట్టుగా తెలుస్తోంది. రామోజీ ఫిలిం సిటీలో వేసిన భారీ సెట్ లో ఈ మూవీ షూటింగ్ జరుగుతుంది. షూటింగ్ మొదలైంది అన్న విషయాన్ని మేకర్స్ తో పాటు ఎన్టీఆర్ కూడా అఫీషియల్ గా అనౌన్స్ చేశారు. ఈ మేరకు ఎన్టీఆర్ తన సోషల్ మీడియాలో ఓ పోస్ట్ కూడా చేశారు. 

ఇక మరోవైపు ఎన్టీఆర్ ప్రస్తుతం 'వార్ 2' మూవీ షూటింగ్లో బిజీగా ఉన్నారు. ఈ మూవీ షూటింగ్ పూర్తి చేసుకొని, వచ్చే నెల ప్రశాంత్ నీల్ మూవీ సెట్ లో జాయిన్ కాబోతున్నారని తెలుస్తోంది. ఈ మూవీకి 'డ్రాగన్' అనే టైటిల్ ని అనుకుంటున్నట్టు చాలా కాలంగా ప్రచారం జరుగుతున్న సంగతి తెలిసిందే. ఎప్పుడెప్పుడా అని ఎదురు చూస్తున్న 'ఎన్టీఆర్ 31' మూవీ ఎట్టకేలకు సెట్స్ పైకి వెళ్లడంతో, ఈ సినిమా కోసం ఎన్టీఆర్ ఫిజికల్ ట్రాన్స్ఫర్మేషన్ ఎలా ఉండబోతోంది? ఎన్టీఆర్ లుక్ ఎలా ఉంటుంది? అనేది ఆసక్తికరంగా మారింది. ఈ మూవీని మైత్రి మూవీ మేకర్స్, ఎన్టీఆర్ ఆర్ట్స్ బ్యానర్లపై సంయుక్తంగా నిర్మిస్తున్నారు. ఇందులో ఎన్టీఆర్ సరసన రుక్మిణీ వసంత్ హీరోయిన్ గా నటిస్తున్నట్టు టాక్ నడుస్తోంది.