Game Changer Movie: రికార్డులు బద్దలు కొడుతున్న ‘రా మచ్చా’ - 24 గంటలల్లో ఎన్ని వ్యూస్?

రామ్ చరణ్ ‘గేమ్ ఛేంజర్’ నుంచి విడుదలైన సెకెండ్ సింగిల్ ‘ రా మచ్చ’కు ప్రేక్షకుల నుంచి అదిరిపోయే రెస్పాన్స్ వస్తోంది. 24 గంటల్లో అత్యధిక వ్యూస్ సాధించిన రెండో తెలుగు లిరికల్ గా రికార్డు సాధించింది.

‘ రా మచ్చ’ సాంగ్

Source : Social Media

Raa Macha Macha  Lyrical Song:  మెగా పవర్ స్టార్ రామ్ చరణ్, శంకర్ కాంబోలో తెరకెక్కిన ప్రతిష్టాత్మక చిత్రం ‘గేమ్ ఛేంజర్’. మెగా తనయుడు గ్లోబల్ స్టార్ గా మారిన తర్వాత ప్రేక్షకుల ముందుకు వస్తున్న ఈ పాన్ ఇండియన్ మూవీపై దేశ వ్యాప్తంగా భారీగా అంచనాలు నెలకొన్నాయి. ఈ సినిమా ఈ ఏడాది చివరలో ప్రేక్షకుల ముందుకు రానుంది. ఈ నేపథ్యంలో చిత్రబృందం ప్రమోషన్ కార్యక్రమాలను ముమ్మరం చేసింది. ఇప్పటికే విడుదలైన ఫస్ట్ లుక్ పోస్టర్లు, ఫస్ట్ సింగిల్ విడుదలై ప్రేక్షకులను బాగా ఆకట్టుకున్నాయి. ‘జరగండి జరగండి’ అంటూ సాగే ఫస్ట్ పాట ప్రేక్షకులను బాగా అలరించింది.  తాజాగా ఈ సినిమాకు సంబంధించిన సెకెండ్ సింగిల్ ను రిలీజ్ చేశారు. ‘రా మచ్చ మచ్చ’ అంటూ సాగే ఈ పాట ప్రేక్షకులను అద్భుతంగా ఆకట్టుకుంటోంది. 

సోషల్ మీడియాలో దుమ్మురేపుతున్న ‘రా మచ్చ’ సాంగ్

‘గేమ్ ఛేంజర్’ సినిమాలో రామ్ చరణ్ ఇంట్రో సాంగ్ గా ఈ పాటను రూపొందించారు. ఇందులో రామ్ చరణ్ మాసీ స్టెప్పులు, తమన్ అదిరిపోయే మ్యూజిక్ ప్రేక్షకులను మెస్మరైజ్ చేస్తోంది. బాలీవుడ్ కొరియోగ్రాఫర్ గణేష్ కంపోజ్ చేసిన స్టెప్ప్ ఆహా అనిపిస్తున్నాయి. ఈ పాట మెగా ఫ్యాన్స్ ను ఓ రేంజిలో అలరిస్తోంది. ఈ పాటు సోషల్ మీడియాలో దుమ్మురేపుతోంది. రికార్డు స్థాయిలో వ్యూస్ సాధించింది. 24 గంటలు పూర్తయ్యే సరికి ఈ పాట  టాలీవుడ్ లో ఆల్ టైం టాప్ 2లో నిలిచింది. వ్యూస్ పరంగా 24 గంటల్లో 16.44 మిలియన్ మార్క్ ను అందుకుంది. ‘రా మచ్చ’ సాంగ్ లైక్స్  పరంగానూ సత్తా చాటింది. 24 గంటలు పూర్తయ్యే సరికి 299K లైక్స్ సాధించింది. లైక్స్ పరంగా ఈ పాట టాప్ 10లో కూడా చేరలేకపోయింది. ఇక ఈ పాట సినిమాపై భారీగానే అంచనాలు పెంచింది. మున్ముందు రాబోయే ప్రమోషనల్ కంటెంట్ ఎలా ఉంటుందో చూడాలి.    

24 గంటల్లో అత్యధిక వ్యూస్ అందుకున్న 10 తెలుగు లిరికల్ సాంగ్స్

1.ధమ్ మసాలా- గుంటూరుకారం- 17.42M
2.రా మచ్చ మచ్చ- గేమ్ ఛేంజర్-16.44M
3.పెన్నీ సాంగ్- సర్కారు వారి పాట: 16.38M
4.చుట్టమల్లే- దేవర- 15.68M
5.కళావతి- సర్కారు వారి పాట- 14.78M                                                                                                                                                              6.మా మా మాహేషా- సర్కారు వారి పాట- 13.56M
7.ఊ అంటావా మావా- పుష్ప-  12.39M
8.సూసేకి అగ్గి రవ్వ మాదిరి- పుష్ప 2-10.97M
9.పుష్ప పుష్ప- పుష్ప 2- 10.38M
10.లాలా భీమ్లా- భీమ్లా నాయక్- 10.20M

క్రిస్మస్ కానుకగా ‘గేమ్ ఛేంజర్’ విడుదల

రామ్ చరణ్, శంకర్ కాంబినేషన్ లో తెరకెక్కిన ఈ సినిమాలో బాలీవుడ్ బ్యూటీ కియారా అద్వానీ హీరోయిన్ గా నటిస్తోంది. ప్రముఖ నిర్మాత దిల్ రాజు ఈ సినిమాను ప్రతిష్టాత్మకంగా నిర్మిస్తున్నారు. ఈ ఏడాది క్రిస్మస్ కానుకగా ఈ చిత్రం ప్రేక్షకుల ముందుకు రానుంది.