Kurup Trailer: దుల్కర్ సినిమాకి విజయ్ దేవరకొండ సపోర్ట్..

దుల్కర్ సల్మాన్ నటించిన క్రైమ్ థ్రిల్లర్ సినిమా 'కురుప్' నవంబర్ 12న విడుదల కానుంది. ఈ సినిమా తెలుగు ట్రైలర్ ను యంగ్ సెన్సేషనల్ హీరో విజయ్ దేవరకొండ రిలీజ్ చేశారు.

కురుప్ ట్రైలర్

మలయాళ హీరో దుల్కర్ సల్మాన్ నటించిన చాలా సినిమాలు తెలుగులో విడుదలయ్యాయి. 'ఒకే బంగారం' సినిమాతో యూత్ కి బాగా కనెక్ట్ అయ్యాడు. ఇక 'మహానటి' సినిమాతో తెలుగులో కూడా ఆయనకి మంచి స్టార్ డమ్ వచ్చింది. ఈ క్రేజ్ తోనే ఆయన నటించే మలయాళ సినిమాలను తెలుగులో డబ్ చేసి విడుదల చేస్తున్నారు. తాజాగా ఆయన నటించిన క్రైమ్ థ్రిల్లర్ సినిమా 'కురుప్' నవంబర్ 12న విడుదల కానుంది. ఈ సినిమా తెలుగు ట్రైలర్ ను యంగ్ సెన్సేషనల్ హీరో విజయ్ దేవరకొండ రిలీజ్ చేశారు. 

కేరళకు చెందిన ఒకప్పటి మోస్ట్ వాలంటేడ్ క్రిమినల్ సుకుమార కురుప్ జీవితం ఆధారంగా ఈ సినిమాను తెరకెక్కిస్తున్నారు. కురుప్, గోపీకృష్ణన్ అనే రెండు డిఫరెంట్ షేడ్స్ లో దుల్కర్ కనిపించారు. కురుప్ ను పట్టుకోవడానికి ప్రయత్నించే పోలీసులు.. వారి ఎత్తులకు పైఎత్తులు వేసే సన్నివేశాలతో ట్రైలర్ ఎంతో ఆసక్తికరంగా సాగింది. 

బ్యాక్ గ్రౌండ్ స్కోర్ సినిమాకి మరో ప్లస్ పాయింట్. ఈ సినిమాని శ్రీనాథ్ రాజేంద్రన్ దర్శకత్వం వహించారు. శోభిత దూళిపాళ్ల హీరోయిన్ గా నటిస్తోంది. ఇంద్రజిత్‌ సుకుమారన్‌ సినిమాలో కీలకపాత్ర పోషిస్తున్నారు. సుషిన్ శ్యామ్ ఈ సినిమాకి సంగీతం అందిస్తున్నారు. ఈ సినిమాను మళయాళంతో పాటు తెలుగు, కన్నడ, తమిళ, హిందీ భాషల్లో విడుదల చేయనున్నారు.  

#Kurup.. India’s longest missing fugitive!

An eccentric mastermind or an accidental conman? Discover it in cinemas on 12th November!

Sending my best to Kunjikaaa @dulQuer 🤗❤️https://t.co/vYTQZIYWKm#KurupFromNovember12

— Vijay Deverakonda (@TheDeverakonda) November 3, 2021

 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి