Deepika Padukone: అలాంటి సీన్లు చేసేందుకు మీ భర్త అనుమతి ఉందా? దీపికను ప్రశ్నించిన నెటిజన్

దీపికకు ఒక విచిత్రమైన ప్రశ్న ఓ నెటిజన్ నుంచి ఎదురైంది.

(Image credit: Gehraiyaan)

దీపిక పదుకునే తాజా చిత్రం గెహ్రైయాన్. ఆ సినిమా ఫిబ్రవరి 11న అమెజాన్ ప్రైమ్ వీడియోలో విడుదల కానుంది. ఈ సినిమాకు సంబంధించిన ట్రైలర్లు ఇప్పటికే విడులయ్యాయి. అందులో దీపిక కొత్త హీరో సిద్ధాంత్ చతుర్వేదితో చాలా సన్నిహితంగా నటించింది. ట్రైలర్ మొత్తం వాళ్లిద్దరి ఇంటిమేట్ సీన్లు అధికంగా ఉన్నాయి. ముఖ్యంగా ముద్దు సీన్లు ఉన్నాయి. దీంతో ఓ నెటిజన్ దీపికను ‘అలాంటి సీన్లు చేసేందుకు భర్త అనుమతి తీసుకున్నారా?’ అని ప్రశ్నించాడు. ఆ ప్రశ్న దీపికను చాలా హర్ట్ చేసింది. 

చిత్రప్రమోషన్ లో భాగంగా మీడియాకు ఇచ్చిన ఇంటర్య్వూలలో ఆ ప్రశ్న గురించి మాట్లాడింది. ‘ఇలాంటి ప్రశ్నలకు సమాధానం ఇవ్వడం కూడా మూర్ఖత్వమే అవుతుంది. నేను అలాంటి కామెంట్లు చదవను కూడా. నా జీవితంలో నటన చాలా ముఖ్యం. నేను దానికి ఎంతో ప్రాముఖ్యతనిస్తా. ఆ విషయం నా భర్తకూ తెలుసు. ఇలాంటి సీన్లలో నటించేందుకు అనుమతి తీసుకున్నానా లేదా అన్నది మా వ్యక్తిగత విషయం. అయినా ఇలాంటి కామెంట్లు చేసేవారు జీవితంలో చాలా చిన్నచిన్న విషయాలని కూడా ఎక్కువగా ఆలోచిస్తారనిపిస్తుంది’ అంటూ ఘాటుగానే స్పందించింది దీపికా.

రణ్‌వీర్‌తో పెళ్లయ్యాక ఇలా లిప్‌లాక్‌లు, ఇంటిమేట్ సీన్లతో దీపిక రెచ్చిపోయి నటించడం ఆమె అభిమానుల్లో కొందరికి నచ్చడం లేదు. రణ్‌వీర్ సినిమా చూసి ఏమన్నారని మీడియా ప్రశ్నించగా ‘అతను నా నటనకు గర్వపడుతున్నారు’ అని చెప్పింది దీపికా. గెహ్రైయాన్ ట్రైలర్ విడుదలైనప్పుడు రణ్‌వీర్ సింగ్ దీపికా ఫోటోను షేర్ చేశాడు. ఆ ఫోటోకు ‘మూడీ, సెక్సీ, ఇంటెన్స్’ అని క్యాప్షన్ పెట్టాడు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Ranveer Singh (@ranveersingh)