Sharwa 38: ఛార్మింగ్ హీరో శర్వానంద్తో మాస్ డైరెక్టర్ పాన్ ఇండియా మూవీ - శర్వా38ను అఫీషియల్ అనౌన్స్ చేశారోచ్
మాస్ డైరెక్టర్ సంపత్ నంది, ఛార్మింగ్ హీరో శర్వానంద్ కాంబినేషన్ లో మొట్టమొదటి పాన్ ఇండియా మూవీ రాబోతోంది. శర్వా 38 అనే వర్కింగ్ టైటిల్ తో తెరకెక్కనున్న ఈ మూవీపై అధికారిక ప్రకటన వచ్చింది.
ప్రస్తుతం నడుస్తున్న పాన్ ఇండియా ట్రెండ్లో చేరడానికి యంగ్ హీరోలంతా తహతహలాడుతున్నారు. ఇప్పటికే పలువురు హీరోలు పాన్ ఇండియా సినిమాల ప్రయత్నాల దిశగా అడుగులు వేస్తున్నారు. ఈ నేపథ్యంలోనే టాలెంటెడ్ అండ్ ఛార్మింగ్ హీరో శర్వానంద్ తాజాగా తన 38వ సినిమాతో పాన్ ఇండియా రేసులోకి లోకి అడుగు పెట్టడానికి సిద్ధమయ్యాడు. తాజాగా మేకర్స్ ఈ సినిమాకు సంబంధించిన అఫీషియల్ అనౌన్స్మెంట్ ను పోస్టర్ ద్వారా రిలీజ్ చేశారు.
శర్వానంద్ 38వ మూవీ అనౌన్స్మెంట్
టాలీవుడ్ లో డిఫరెంట్ అండ్ కంటెంట్ బేస్డ్ సినిమాలతో మంచి పేరు తెచ్చుకున్న హీరోలలో శర్వానంద్ కూడా ఒకరు. 'ఒకే ఒక జీవితం' సినిమాతో విజయంతో పాటు ప్రేక్షకుల్లో గౌరవం సొంతం చేసుకున్నారు. రీసెంట్ వచ్చిన 'మనమే' ఆశించిన విజయం ఇవ్వలేదు. ప్రస్తుతం శర్వానంద్ చేతిలో రెండు సినిమాలు ఉన్నాయి. ఈ నేపథ్యంలో శర్వానంద్ 38వ సినిమాకు సంబంధించిన అఫీషియల్ అనౌన్స్మెంట్ వచ్చింది. డైరెక్టర్ సంపత్ నంది దర్శకత్వంలో, ఛార్మింగ్ స్టార్ శర్వానంద్ హీరోగా.. స్టార్ ప్రొడ్యూసర్ కేకే రాధా మోహన్ నిర్మాతగా 'శర్వా 38' ప్రాజెక్ట్ ని ప్రకటించారు. శ్రీ సత్య సాయి ఆర్ట్స్ బ్యానర్ పై రూపొందునున్న ఈ ప్రతిష్టాత్మక మూవీని పాన్ ఇండియా లెవెల్ లో రిలీజ్ చేయబోతున్నారు.
'శర్వా 38' మూవీ ఇంట్రెస్టింగ్ బ్యాక్ డ్రాప్
శర్వానంద్ కంటెంట్ కి కేరాఫ్ అడ్రస్ అనే విషయం ప్రత్యేకంగా చెప్పక్కర్లేదు. సరికొత్త స్క్రిప్ట్ లను ఎంచుకొని ప్రేక్షకులను ఎంటర్టైన్ చేయడానికి తనవంతుగా ప్రయత్నిస్తున్నాడు శర్వానంద్. ఇక తనదైన శైలిలో మాస్ అండ్ కమర్షియల్ ఎంటర్టైనర్ సినిమాలను రూపొందిస్తూ మంచి దర్శకుడిగా పేరు తెచ్చుకున్న సంపత్ నంది, శర్వా కాంబినేషన్లో సినిమా రాబోతుండడంతో అప్పుడే అంచనాలు మొదలయ్యాయి. వీరిద్దరి కాంబినేషన్ లో వస్తున్న ఫస్ట్ మూవీ ఇదే. శర్వానంద్ 38 మూవీ బ్యాక్ డ్రాప్ యాక్షన్ అండ్ ఎమోషనల్ సీక్వెన్స్ తో ముడిపడిన ఇంటెన్స్ యాక్షన్ ఎంటర్టైనర్ అని మేకర్స్ పోస్టర్ ద్వారా చెప్పకనే చెప్పారు. పోస్టర్లో మంటలు చెలరేగుతున్నట్టుగా చూపించి స్టోరీపై ఆసక్తిని క్రియేట్ చేశారు. ఇది 1960 లలో తెరకెక్కనున్న పీరియాడిక్ యాక్షన్ డ్రామా అని సమాచారం. అప్పట్లో ఉత్తర తెలంగాణ - మహారాష్ట్ర సరిహద్దులో ఉన్న కొన్ని గ్రామాల్లో ప్రతి సమస్యకు రక్తం సమాధానంగా ఉండేదట. అలాంటి సమయంలో ఆ భయంతో కూడిన ప్రపంచం ఎలా ఉండేది ? అనే విషయాన్ని చూపించబోతున్నారు. ఇక ఈ సినిమా కోసం టాప్ టెక్నీషియన్స్ పని చేయబోతున్నారు. సెన్సేషనల్ మ్యూజిక్ డైరెక్టర్ బీన్స్ సిసిరోలియో సంగీతం అందిస్తున్నారు. ఇక ఈ మూవీని తెలుగుతో పాటు హిందీ, తమిళ, కన్నడ, మలయాళ భాషల్లో కూడా రిలీజ్ చేయబోతున్నారు. శర్వా 38 మూవీలో హీరోయిన్ ఎవరు అన్న విషయాన్ని త్వరలోనే అనౌన్స్ చేయనున్నారు.
టాప్ హెడ్ లైన్స్
ట్రెండింగ్ వార్తలు
