Bigg Boss 8 Telugu Day 17 Promo 2 : బిగ్ బాస్ గా అమ్మాయి, గుడ్ల కోసం హౌజ్ మేట్స్ ఫైట్... ఫిజికల్ అయిన పృథ్వీ, ఆదిత్య  

బిగ్ బాస్ తెలుగు 8 డే 17లోని రెండవ ప్రోమో తాజాగా రిలీజ్ అయ్యింది. అందులో ప్రభావతి 2.0 ఈజ్ హియర్ అంటూ ఓ లేడి వాయిస్ విన్పించగా, గుడ్ల కోసం కంటెస్టెంట్స్ మధ్య స్ట్రాంగ్ ఫైట్ జరిగింది.

Bigg Boss 8 Telugu

Source : https://x.com/StarMaa/status/1836335373548453953

బిగ్ బాస్ తెలుగు 8 డే 17 కు సంబంధించిన రెండవ ప్రోమో తాజాగా రిలీజ్ అయింది. ఇందులో హౌస్ మేట్స్ మధ్య గుడ్ల కోసం పోటీ జరిగింది. ఎవరైతే ఎక్కువ గుడ్లను తిరిగి ఇస్తారో వాళ్లకు మంచి బెనిఫిట్స్ ఉంటాయని ప్రకటించారు. అయితే ఈసారి కొత్త వ్యక్తి బిగ్ బాస్ వాయిస్ తో విన్పించింది. మరి ఆ కొత్త వ్యక్తి ఎవరు? ప్రోమోలో చూపించిన టాస్క్ ఏంటి? అనే విషయాలను ఇప్పుడు తెలుసుకుందాం. 

ప్రభావతి 2.0 ఈజ్ హియర్ 
సాధారణంగా బిగ్ బాస్ అంటే ఒక గంభీరమైన వాయిస్ విన్పిస్తుంది. సీజన్ 8 లో కూడా అదే వాయిస్ ను కంటిన్యూ చేశారు బిగ్ బాస్ మేకర్స్. కానీ తాజాగా రిలీజ్ అయిన రెండవ ప్రోమోలో ప్రభావతి 2.0 అంటూ ఒక ఫిమేల్ వాయిస్ వినిపించింది. అయితే మొత్తానికే బిగ్ బాస్ ను మార్చారా? లేకపోతే ఈ ఒక్క టాస్క్ కే ఆ లేడి వాయిస్ విన్పించిందా? అనేది తెలియాల్సి ఉంది. కానీ ప్రోమోను గమనిస్తే ఆ వాయిస్ ఈ ఒక్క ప్రోమోకే పరిమితం అన్పిస్తోంది. ఇదిలా ఉండగా, ఒక పెద్ద కోడి సెట్ ను యాక్షన్ ఏరియాలో పెట్టి, హౌస్ లో ఉన్న కంటెస్టెంట్స్ అందులో నుంచి ఎగ్స్ తీసుకోవాలని, తీసుకున్నాక బజర్ మోగేదాకా వాటిని ఎవరికి వారే కాపాడుకోవాల్సి ఉంటుందని ప్రకటించినట్టుగా ప్రోమోను చూస్తుంటే అర్థమవుతుంది. అయితే ఎగ్స్ తీసుకున్నాక హౌస్ మేట్స్ మధ్య పెద్ద యుద్ధమే జరిగింది. వాటిని కాపాడుకోవడానికి ఏకంగా ఫిజికల్ అయ్యేదాకా వెళ్ళినట్టుగా ప్రోమోలో చూపించారు. 

పృథ్వీ బలానికి ఆదిత్య ఓం బలి 
అమ్మాయిలు, అబ్బాయిలు అని తేడా లేకుండా గట్టిగానే ఆ ఎగ్స్ ను కాపాడుకోవడానికి పోరాడుతున్నారు కంటెస్టెంట్స్. ఇక టాస్క్ లో భాగంగా ల్ ఆదిత్య ఓం పృథ్వీ గట్టి ఫైట్ జరిగింది. ఆదిత్య నిఖిల్ క్లాన్ కు సంబంధించిన ఎగ్స్ ను తీసుకొనే ప్రయత్నం చేయగా, పృథ్వీ వచ్చి అతన్ని లేపి పక్కకు పారేశాడు. ఆ టైంలో ఆల్మోస్ట్ ఆదిత్య మెడను పృథ్వి తన మోచేతితో గట్టిగా పట్టేశాడు. దీంతో ఆ తర్వాత ఇద్దరి మధ్య దీని గురించి డిస్కషన్ నడిచినట్టుగా ప్రోమోలో చూపించారు. ఆదిత్య కనీసం ఊపిరి పీల్చుకోలేకపోతున్నాడు. అయితే ఇలా పట్టుకున్నావ్ అంటూ ఆదిత్య చూపిస్తే, కనీసం పృథ్వి దాన్ని పట్టించుకోకుండా కోపంగా సమాధానం చెప్పాడు. "నన్ను ఇద్దరు పట్టుకున్నారు" అంటూ సీరియస్ అయ్యాడు. ఇక ఆ తర్వాత విష్ణు ప్రియ, నైనిక, సోనియా, నిఖిల్ కలిసి అలా అనుకుంటే అసలు ఇక్కడికి రావద్దు అని ఆదిత్యకు చెప్పారు. యష్మి వచ్చేసి "ఇక ఇలాగైతే టాస్కులు పెట్టొద్దని బిగ్ బాస్ కి చెప్పండి. అక్కడ తగులుతది, ఇక్కడ తగులుతది అంటే నేను అమ్మాయినైనా ఆడుతున్నాను కదా" అని చేసిన కామెంట్ తో ప్రోమో ఎండ్ అయ్యింది. మరి టాస్క్ లో ఎవరికైనా గాయాలు అయ్యాయా అనేది ఏరోజు ఎపిసోడ్ లో చూడాలి.