Rana - Suriya: రానాకు క్లాస్ పీకిన సూర్య

పాన్ ఇండియా యాక్టర్ రానా దగ్గుబాటికి హీరో సూర్య క్లాస్ పీకారు. ఎందుకు? ఏమిటి? వివరాలకు వార్త చదవండి. 

రానా, సూర్య

తెలుగు సినిమా ప్రేక్షకుల్లో సూర్యకు చాలా మంది అభిమానులు ఉన్నారు. వారిలో హీరోలు కూడా ఉన్నారు. ఆ హీరోల్లో పాన్ ఇండియా యాక్టర్ రానా దగ్గుబాటి ఒకరు. సూర్య నటించిన తాజా సినిమా 'ఇటి' ప్రీ రిలీజ్ ఫంక్ష‌న్‌కు అతిథిగా విచ్చేసిన రానా ఈ విషయం చెప్పారు.

'పితామహగన్' సినిమా చూసినప్పటి తనకు సూర్య పేరు కూడా తెలియదని, అప్పటి నుంచి ఆయనకు ఫ్యాన్ అని రానా దగ్గుబాటి తెలిపారు. అయితే... ఆయనకు సూర్య ఎందుకు క్లాస్ పీకారు? అంటే, ప్రేమతోనే అని చెప్పాలి. 'పితామహగన్' విడుదలైన ఎన్నో సంవత్సరాల తర్వాత సూర్యకు పరిచయం అయ్యానని, తామిద్దరం కలిశానని రానా చెప్పుకొచ్చారు. సూర్య తనకు వెరీ క్లోజ్ అని తెలిపారు.

"సూర్య గారు నాకు ఎంత క్లోజ్ అంటే... పదేళ్ళ క్రితం అనుకుంట! నా సినిమా ఒకటి ఎడిటింగ్ రూమ్ లో చూశారు. నన్ను ఒక కారులో ఎక్కించుకుని, మూడు నాలుగు గంటలు హైదరాబాద్ మొత్తం తిప్పి 'ఒరేయ్! నువ్ చేసేది యాక్టింగ్ కాదు. ఏదో సర్దేస్తున్నావ్' అని చెప్పారు. ఆ నాలుగు గంటలు సూర్య పీకిన క్లాస్ నన్ను భల్లాలదేవుడిని చేసింది. డేనియల్ శేఖర్ చేసింది. ఆయన మాటలు ఎప్పుడూ విలువైనవి" అని రానా తెలిపారు. రానాను చూస్తే తనకు గర్వంగా ఉందని సూర్య తెలిపారు.

'ఇటి' ఒక యాక్షన్ థ్రిల్లర్. ఎవ‌రికీ త‌ల‌వంచ‌డు... అనేది కాప్షన్. పాండిరాజ్ దర్శకత్వంలో సన్ పిక్చర్స్ పతాకంపై కళానిధి మారన్ నిర్మించారు. తెలుగులో  ఏషియన్ మల్టీప్లెక్స్ ప్రై.లి. విడుదల చేస్తోంది. తెలుగు, తమిళ భాషల్లో మార్చి 10న సినిమా ప్రేక్షకుల ముందుకు వస్తోంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Suriya Sivakumar (@actorsuriya)