Shakira Gerard Pique Separation: మరో మహిళతో దొరికిన గెరార్డ్ - 12 ఏళ్ళ బంధానికి ముగింపు పలికిన పాప్ స్టార్ షకీరా
ప్రముఖ గాయని షకీరా, ఫుట్‌బాల్‌ క్రీడాకారుడు గెరార్డ్ విడిపోయారు. వాళ్ళిద్దరూ విడుదల చేసిన ఒక ప్రకటనలో ఈ విషయం స్పష్టం చేశారు.
ఫేమస్ పాప్ సింగర్ షకీరా (Shakira), బార్సిలోనా ఫుట్‌బాల్‌ ప్లేయర్ గెరార్డ్ (Gerard Pique) పన్నెండేళ్ల బంధానికి ముగింపు పలికారు. నేడు విడుదల చేసిన ఒక సంయుక్త ప్రకటనలో ఈ విషయాన్ని వాళ్ళిద్దరూ కన్ఫర్మ్ చేశారు.
''మేం విడిపోతున్నామని చెప్పడానికి చింతిస్తున్నాం. మా పిల్లల కోసం మా వ్యక్తిగత గోప్యతను గౌరవిస్తారని ఆశిస్తున్నాం'' అని షకీరా, గెరార్డ్ పేర్కొన్నారు. సాషా (7 ఏళ్ళు), మిలన్ (9 ఏళ్ళు) - వీళ్ళిద్దరికీ ఇద్దరు పిల్లలు ఉన్నారు.
షకీరా వయసు 45 ఏళ్ళు. గెరార్డ్ వయసు 35 ఏళ్ళు. వీళ్ళిద్దరూ సౌత్ ఆఫ్రికాలో జరిగిన 2010 ఫుట్‌బాల్‌ వరల్డ్ కప్‌కు కొన్ని రోజుల ముందు కలిశారు. ఆ తర్వాత 2011లో వాళ్ళిద్దరి మధ్య ప్రేమ చిగురించింది. ఆ వరల్డ్ కప్ కోసం షకీరా రూపొందించిన 'వాకా వాకా' సాంగ్ చాలా పాపులర్ అయ్యింది.
Also Read: ఇక్కడ అంత సీన్ లేదండీ - సాయి పల్లవి అంత మాట అనేశారేంటి?
ఇటీవల మరో మహిళతో గెరార్డ్ ఉండగా... షకీరా రెడ్ హ్యాండెడ్‌గా పట్టుకున్నారని స్పెయిన్ మీడియాలో వార్తలు వచ్చాయి. లేట్ నైట్ వరకూ గెరార్డ్ పార్టీలు చేసుకుంటూ, వేరే మహిళలతో చనువుగా ఉంటున్నారని పేర్కొన్నాయి. ఈ వార్తలు వచ్చిన తర్వాత విడిపోతున్నట్టు ప్రకటన రావడం గమనార్హం. మరోవైపు షకీరా మీద ట్యాక్స్ ఎగ్గొట్టిన కేసు ఒకటి ఉంది. స్పెయిన్ కోర్టులో ఆమెపై ఫ్రాడ్ కేసు ఉంది.
Also Read: తలలు తెగాయ్, రక్తాలు చిందాయ్ - కాసుల కోసం 'రెక్కీ'
View this post on Instagram
టాప్ హెడ్ లైన్స్
ట్రెండింగ్ వార్తలు
