Nag Ashwin On Arshad Warsi: ప్రభాస్ బెస్ట్ అని అర్షద్ ఫస్ట్ డే ట్వీట్ చేసేలా 'కల్కి 2' తీస్తా - లేటెస్ట్ కాంట్రవర్సీపై నాగ్ అశ్విన్ రియాక్షన్
Arshad Warsi Comments On Prabhas: 'కల్కి 2898 ఏడీ'లో ప్రభాస్ మీద అర్షద్ చేసిన 'జోకర్' కామెంట్ మీద ఫ్యాన్స్, టాలీవుడ్ సెలబ్రిటీలు ఆగ్రహం వ్యక్తం చేశారు. ఆ ఇష్యూ మీద నాగ్ అశ్విన్ రియాక్ట్ అయ్యారు.
బాలీవుడ్ నటుడు అర్షద్ వార్సీ పేరు చెబితే రెబల్ స్టార్ ప్రభాస్ అభిమానులు, తెలుగు సినిమా ఇండస్ట్రీ ప్రముఖులు మండి పడుతున్నారు. బాక్సాఫీస్ బరిలో సుమారు 1200 కోట్ల రూపాయలు కలెక్ట్ చేసిన, భాషలకు అతీతంగా ఎంతో మంది ప్రేక్షకుల అభిమానం పొందిన 'కల్కి 2898 ఏడీ'లో ప్రభాస్ పోషించిన భైరవ రోల్ 'జోకర్ టైపులో ఉంది' అని అర్షద్ వార్సీ కామెంట్ చేశారు. తెలుగు జనాలకు అది ఆగ్రహం తెప్పించింది. ఇప్పుడీ ఇష్యూ మీద 'కల్కి 2898 ఏడీ' దర్శకుడు నాగ్ అశ్విన్ రియాక్ట్ అయ్యారు.
నార్త్ - సౌత్, బాలీవుడ్ - టాలీవుడ్ లేదు... నాగ్ అశ్విన్
'కల్కి 2898 ఏడీ'లో కర్ణుడి సీన్ సోషల్ మీడియాలో షేర్ చేసిన ఓ నెటిజన్ 'ఈ ఒక్క సీన్ బాలీవుడ్ కంటే చాలా పెద్దది' అని పేర్కొన్నాడు. సోషల్ మీడియా నెట్వర్కింగ్ సైట్ 'ఎక్స్' వేదికగా దానికి నాగ్ అశ్విన్ రిప్లై ఇచ్చారు. ''మనం వెనక్కి వెళ్లొద్దు. నార్త్ వర్సెస్ సౌత్, బాలీవుడ్ - టాలీవుడ్ అనేవి లేవు. పెద్ద పిక్చర్ మీద దృష్టి పెడదాం... అదీ యునైటెడ్ ఇండియన్ ఫిల్మ్ ఇండస్ట్రీ. అర్షద్ వార్సీ గారు ఆయన మాట్లాడిన మాటల విషయంలో కొంచెం ఆలోచించి ఉండాల్సింది. అయినా సరే ఓకే. ఆయన పిల్లలకు బుజ్జి టాయ్స్ పంపిస్తా ఆడుకోవడానికి. 'కల్కి 2898 ఏడీ 2'లో ప్రభాస్ బెస్ట్ అని ఫస్ట్ డే ఫస్ట్ షో ఆయన ట్వీట్ చేసేలా కష్టపడతా'' అని నాగ్ అశ్విన్ పేర్కొన్నారు.
Also Read: 'గేమ్ ఛేంజర్'కు రిపేర్లు... రామ్ చరణ్ కావాలంటున్న శంకర్?
Let's not go backwards..no more north-south or bolly vs tolly..eyes on the bigger picture.. United Indian Film Industry..Arshad saab should have chosen his words better..but it's ok..sending buji toys 4 his kids..il work hard so tweets fdfs that prabhas was the best ever in k2💪
— Nag Ashwin (@nagashwin7) August 24, 2024
ప్రపంచంలో ద్వేషం ఎక్కువైంది... మనమూ ఎందుకు?
నాగ్ అశ్విన్ ఇచ్చిన రిప్లై ఓ అభిమానికి నచ్చలేదు. ''వీళ్లంతా ద్వేషాన్ని వెళ్లగక్కుతుంటే చూస్తూ ఊరుకోవాలా?'' అని ప్రశ్నిస్తే... ''ఆల్రెడీ ప్రపంచంలో చాలా ద్వేషం ఉంది బ్రో! మనం దాన్ని పెంచే ప్రయత్నం చేయవద్దు. ప్రభాస్ గారు సైతం ఇదే విధంగా ఆలోచిస్తారని నాకు తెలుసు'' అని చెప్పారు నాగ్ అశ్విన్.
Also Read: గుప్పెడంత మనసు సీరియల్ జగతి మేడమ్ అంతే... అందాల జాతరలో అస్సలు తగ్గదు, ఈసారి అక్కడ టాటూ చూపిస్తూ...
Too much hate in the world already bro...we can try not to add to it..I know prabhas garu will also feel the same...❤️
— Nag Ashwin (@nagashwin7) August 24, 2024
అర్షద్ వార్సీ కామెంట్స్ మీద సౌత్ ఆడియన్స్ అందరూ ఆగ్రహం వ్యక్తం చేస్తుంటే... అతనికి మద్దతుగా కొందరు బాలీవుడ్ జనాలు నిలబడ్డారు. 'రియల్ బాక్స్ ఆఫీస్' పేరుతో ఉన్న ఓ ట్విట్టర్ హ్యాండిల్ ''సౌత్ ఇండస్ట్రీ నుంచి అర్షద్ వార్సీ కంటే బెట్టర్ యాక్టర్ ని చూపిస్తే... నేను నా అకౌంట్ డీయాక్టివేట్ చేస్తా'' అని పేర్కొన్నారు. నువ్వు ఎవరయ్యా? ఎందుకు అంత ద్వేషం? ఎందుకు వేరు చేస్తున్నావ్. మనమంతా ఒక్కటే. నీకు కూడా బుజ్జి టాయ్ సెండ్ చేయాలా?'' అని నాగ్ అశ్విన్ రిప్లై ఇచ్చారు.
Also Read: విడుదలకు ముందే శాటిలైట్ డీల్ క్లోజ్... మారుతి నగర్ సుబ్రమణ్యం ఏ టీవీలో వస్తుందంటే?
Who are you man? Why so much hate? And spreading division? We are all in this together...Chill... Can I send u a bujji toy?
— Nag Ashwin (@nagashwin7) August 24, 2024
నాగ్ అశ్విన్ రిప్లైలతో ఇక్కడితో ఈ కాంట్రవర్సీకి ప్రభాస్ అభిమానులు, టాలీవుడ్ సెలబ్రిటీలు ఫుల్ స్టాప్ పెట్టే అవకాశాలు ఉన్నాయి. ఆయన హుందాగా, అర్షద్ వార్సీకి మద్దతు పలికే జనాలు సైతం నోరు మెదపని విధంగా రిప్లై ఇచ్చారు మరి.
టాప్ హెడ్ లైన్స్
ట్రెండింగ్ వార్తలు
