Mission Impossible: ‘మిషన్‌ ఇంపాజిబుల్‌: ది ఫైనల్‌ రెకనింగ్‌’- దుమ్మురేపుతున్న టామ్‌ క్రూజ్‌ టీజర్‌ ట్రైలర్‌!

టామ్‌ క్రూజ్‌ నటిస్తున్న చిత్రం ‘మిషన్‌ ఇంపాజిబుల్‌: ది ఫైనల్‌ రెకనింగ్‌’. తాజాగా ఈ సినిమా రిలీజ్ డేట్ ను ప్రకటించారు. ఈ సందర్భంగా విడుదల చేసిన టీజర్‌ ట్రైలర్‌ ప్రేక్షకులను మెస్మరైజ్ చేస్తోంది.

‘మిషన్‌ ఇంపాజిబుల్‌: ది ఫైనల్‌ రెకనింగ్‌’ టీజర్‌ ట్రైలర్‌

Source : Tom Cruise/Instagram

Mission Impossible The Final Reckoning Teaser Trailer: హాలీవుడ్ ప్రతిష్టాత్మ ప్రాంచైజీలలో ‘మిషన్‌ ఇంపాజిబుల్‌’కు ఓ ప్రత్యేక గుర్తింపు ఉంది. ఈ సిరీస్ లో ఇప్పటి వరకు వచ్చిన 7 సినిమాలు ప్రపంచ వ్యాప్తంగా బ్లాక్ బస్టర్ హిట్ అందుకున్నాయి. ఈ ప్రాంచైజీలో చివరి చిత్రంగా ‘మిషన్‌ ఇంపాజిబుల్‌: ది ఫైనల్‌ రెకనింగ్‌’ తెరకెక్కుతోంది. టామ్‌ క్రూజ్‌ నటిస్తున్న ఈ సినిమా వచ్చే ఏడాది (2025) మే 23న ప్రేక్షకుల ముందుకు రానుంది.  తాజాగా ఈ  సినిమాకు సంబంధించిన టీజర్ ట్రైలన్ ను పారామౌంట్ పిక్చర్స్ రిలీజ్ చేసింది. ఈ చిత్రంలో ఐఎంఎఫ్ ఏజెంట్‌ ఎథాన్ హంట్‌ గా టామ్ క్రూజర్ కనిపించి ఆకట్టుకున్నారు.

కళ్లు చెదిరే యాక్షన్ సన్నివేశాల్లో దుమ్మురేపిన టామ్

’మిషన్ ఇంపాజిబుల్’ ప్రాంచైజీ ముగింపు చిత్రంగా వస్తున్న ‘ది ఫైనల్ రెకనింగ్’ క్రూజ్.. ఏఐ విలన్‌ ఎంటీటీకి వ్యతిరేకంగా పోరాడుతాడు. 2022లో వచ్చిన ‘డెడ్ రెకనింగ్’ ఎక్కడైతే ఆగిపోతుందో, అక్కడి నుంచి చివరి చిత్రం మొదలవుతుంది. రెండు నిమిషాల వ్యవధి ఉన్న ఈ టీజర్ ట్రైలర్ లో టామ్ క్రూజ్ సాహసాలు సినీ అభిమానులను ఆశ్చర్యపరుస్తున్నాయి. 62 ఏళ్ళ క్రూజ్ విమానాన్ని చేజ్ చేస్తున్న సీన్ ట్రైలర్ కే హైలెట్ గా నిలిచింది. టన్నెల్‌ లో భారీ పేలుడు, కత్తి యుద్ధాలు మెస్మరైజ్ చేస్తున్నాయి. ప్రస్తుతం ‘ది ఫైనల్ రెకనింగ్’ టీజర్ ట్రైలర్ సోషల్ మీడియాలో టాప్ ట్రెండింగ్ లో ఉంది. యూట్యూబ్ లో కేవలం 10 గంటల్లోనే 10 మిలియన్లకు పైగా వ్యూస్ సాధించింది.   

 

 

 

 

 

View this post on Instagram

 

 

 

 

 

 

 

 

 

 

 

A post shared by Tom Cruise (@tomcruise)

మిషన్ ఇంపాజిబుల్ ఫ్రాంచైజీ గురించి..

హాలీవుడ్ సినిమాను చూసే ప్రేక్షకులకు  ‘మిషన్ ఇంపాజిబుల్’ గురించి పెద్దగా పరిచయం అవసరం లేదు. ఈ ప్రాంచైజీలోని మొదటి భాగం 1996లో వచ్చింది. మూడు దశాబ్దాలుగా వరుస సినిమాలు వస్తూనే ఉన్నాయి. తొలి సినిమాలో టామ్ క్రూజ్ ఎంత ఎనర్జీగా కనిపించారో.. ఇప్పటికీ అదే జోష్ లో ప్రేక్షకులను అలరిస్తున్నారు. టామ్ క్రూజ్ ఫ్యాన్స్‌ కు ఈ సినిమా మర్చిపోలేని అనుభూతిని పంచుతుందని పారామౌంట్ సంస్థ వెల్లడించింది. ‘మనం ఎంచుకునే వాటి కలయికే మన జీవితం’ అంటూ టామ్  క్రూజ్ ఈ ట్రైలర్ తన ఇన్ స్టాగ్రామ్ అకౌంట్లో షేర్ చేశారు. ఈ హై స్టేక్స్ థ్రిల్లర్‌ కు మెక్‌క్వారీ దర్శకత్వం వహించారు. క్రిస్టోఫర్ మెక్‌క్వారీ, టామ్ క్రూజ్ సంయుక్తంగా ఈ సినిమాను నిర్మిస్తున్నారు. ఈ చిత్రంలో హేలీ అట్‌వెల్, వింగ్ రేమ్స్, సైమన్ పెగ్, వెనెస్సా కిర్బీ, ఎసై మోరల్స్, పోమ్ క్లెమెంటీఫ్, మరిలా గారిగా, హెన్రీ సెర్నీ, హోల్ట్ మెక్‌కాలనీ, జానెట్ మెక్‌టీర్, నిక్ ఆఫర్‌మాన్, హన్నా వాలాడింగ్, హన్నా వాలాడింగ్ కీలక పాత్రలు పోషిస్తున్నారు.

వచ్చే ఏడాది మే 23న విడుదల

ఈ యాక్షన్ థ్రిల్లర్ 2025, మే 23న విడుదలవుతుంది. ఇంగ్లీష్, హిందీ, తమిళం, తెలుగులో విడుదల అవుతుంది. 4DX, IMAX ఫార్మాట్లలో అందుబాటులో ఉంటుందని మేకర్స్ వెల్లడించారు.