మెగా బ్లాక్ బస్టర్ 'శంకర్ దాదా MBBS' రీ రిలీజ్ - ఫ్యాన్స్ రెడీనా?

మెగాస్టార్ చిరంజీవి నటించిన 'శంకర్ దాదా ఎంబిబిఎస్' చిత్రాన్ని రీరిలీజ్ చేయబోతున్నారు. నవంబర్ 4న ఈ చిత్రం రీరిలీజ్ కానున్నట్లు మేకర్స్ తాజాగా అధికారికంగా ప్రకటించారు.

Photo Credit : Chiranjeevi

టాలీవుడ్​లో కొనసాగుతున్న రీ రిలీజ్ ట్రెండ్స్ లిస్టులో మెగాస్టార్ చిరంజీవి కూడా చేరిపోయారు. మెగాస్టార్ నటించిన ఓ బ్లాక్ బస్టర్ మూవీ ఇప్పుడు రిలీజ్​కు రెడీ అయింది. ఇప్పటివరకు మెగా ఫ్యామిలీ నుంచి పవన్ కళ్యాణ్, రామ్ చరణ్ చిత్రాలు రీ రిలీజ్ అయి సెన్సేషన్ క్రియేట్ చేసిన విషయం తెలిసిందే. ఇక ఈ ట్రెండ్ లో మెగాస్టార్ కూడా జాయిన్ అవుతున్నారు. ఇంతకీ రీ రిలీజ్ కాబోతున్న మెగాస్టార్ బ్లాక్ బస్టర్ మూవీ ఏంటి? డీటెయిల్స్​లోకి వెళ్తే.. ఈమధ్య థియేటర్స్​లో స్ట్రైట్ సినిమాల కంటే రీ రిలీజ్ సినిమాలకే ఎక్కువ ఆదరణ దక్కుతోంది. మన టాలీవుడ్​లో రీరిలీజ్ ట్రెండ్ పీక్స్​కి చేరింది. ఇప్పుడు ఇదే ట్రెండ్​ని ఇతర ఇండస్ట్రీ వాళ్ళు కూడా స్టార్ట్ చేయబోతున్నారు.

ఇప్పటికే టాలీవుడ్ నుంచి రీరిలీజ్ అయిన చాలా సినిమాలు మంచి కలెక్షన్స్​ని అందుకున్నాయి. వాటిలో కొన్ని మూవీస్ అయితే ఒరిజినల్ రిలీజ్ టైం లో వచ్చిన కలెక్షన్స్ కంటే ఇప్పుడు రాబట్టిన కలెక్షన్స్ ఎక్కువగా ఉండటం విశేషం. ఇదిలా ఉంటే మెగాస్టార్ చిరంజీవి నటించిన 'శంకర్ దాదా ఎంబిబిఎస్' చిత్రాన్ని మళ్లీ రీరిలీజ్ చేసేందుకు మేకర్స్ సిద్దమయ్యారు. జయంత్ సి పరాంజీ డైరెక్ట్ చేసిన ఈ మూవీ అప్పట్లో ఎంత పెద్ద హిట్ అయిందో అందరికీ తెలిసిందే. 2004 అక్టోబర్ 15న విడుదలైన ఈ చిత్రం ఏకంగా వంద రోజులు ఆడింది. ఇందులో మెగాస్టార్ సరసన సోనాలి బింద్రే కథానాయికగా నటించగా శ్రీకాంత్, పరేశ్ రావల్ ముఖ్య పాత్రలు పోషించారు.

హిందీలో వచ్చిన 'మున్నాభాయ్ ఎంబిబిఎస్' చిత్రానికి ఈ మూవీ రీమేక్​గా తెరకెక్కగా సెన్సేషనల్ ఫిలిం మేకర్ రాజ్ కుమార్ హిరాని ఈ చిత్రాన్ని రూపొందించారు. హిందీతో పాటు తెలుగులోనూ భారీ సక్సెస్ అందుకున్న 'శంకర్ దాదా ఎంబిబిఎస్' మూవీని దాదాపు 19 ఏళ్ల తర్వాత రీ రిలీజ్ చేయడం విశేషం. నవంబర్ 4వ తేదీన ఈ చిత్రాన్ని రీరిలీజ్ చేయబోతున్నట్లు మేకర్స్ అధికారికంగా ప్రకటించారు. జెమిని ఫిలిం సర్క్యూట్ సంస్థ ఈ చిత్రాన్ని రీరిలీజ్ చేస్తున్నారు. ఈ న్యూస్​తో మెగా ఫ్యాన్స్ ఫుల్ ఖుషి అవుతున్నారు.

ఇక చిరంజీవి సినిమాల విషయానికొస్తే.. రీసెంట్​గా 'బోలాశంకర్' తో బాక్సాఫీస్ వద్ద డిజాస్టర్ అందుకున్నారు. ప్రస్తుతం 'బింబిసారా' మూవీ ఫేమ్ వశిష్ట దర్శకత్వంలో ఓ చిత్రం చేస్తున్నారు. సోషియో ఫాంటసీ బ్యాక్ డ్రాప్ లో ఈ మూవీ తెరకెక్కుతోంది. UV క్రియేషన్స్ భారీ బడ్జెట్ తో నిర్మిస్తున్న ఈ చిత్రంలో ఐశ్వర్య రాయ్, అనుష్క కథానాయికలుగా నటిస్తున్నట్లు వార్తలు వినిపిస్తున్నాయి. అయితే హీరోయిన్ విషయంలో ఇంకా క్లారిటీ రావాల్సి ఉంది. ప్రస్తుతం ప్రీ ప్రొడక్షన్ పనులు జరుపుకుంటున్న ఈ చిత్ర రెగ్యులర్ షూటింగ్ త్వరలోనే మొదలు కానుంది. ఎం. ఎం కీరవాణి సంగీతం అందిస్తున్న ఈ చిత్రానికి 'ముల్లోకాల వీరుడు' అనే టైటిల్ ని చిత్ర యూనిట్ పరిశీలిస్తున్నట్లు తెలుస్తోంది.

Join Us on Telegram: https://t.me/abpdesamofficial