Entertainment Top Stories Today: సిద్ధూ, అదితిల పెళ్లి to జానీ మాస్టర్‌పై కేసు, నటి హేమ వీడియో వరకు - నేటి సినీ టాప్ న్యూస్
Entertainment News Today In Telugu: తెలుగు చిత్రసీమలో ఈ రోజు ఓ పెళ్లి జరిగింది. ఇద్దరు సెలబ్రిటీలు వివాదాస్పద విషయాలతో వార్తల్లో నిలిచారు. మరి, ఇవాళ్టి టాప్ ఎంటర్‌టైన్‌మెంట్‌ న్యూస్ ఏమిటో చూడండి.
తెలుగు సినిమా ఇండస్ట్రీకి ఇవాళ ఓ గుడ్ న్యూస్, రెండు బ్యాడ్ న్యూస్ అన్నట్టు ఉంది పరిస్థితి. సిద్ధూ, అతిథిల పెళ్లి పలువురికి సంతోషాన్ని ఇస్తే... జానీ మాస్టర్ మీద కేసు షాక్ ఇచ్చింది. ఈ రెండు కాకుండా ఇవాళ జరిగిన టాప్ ఎంటర్‌టైన్‌మెంట్‌ న్యూస్ ఏమిటో చూడండి.
వనపర్తి సంస్థానానికి చెందిన గుడిలో సిద్ధు అదితిల పెళ్లి
తెలుగుతో పాటు హిందీ ప్రేక్షకులకు సైతం సుపరిచితుడైన తమిళ హీరో సిద్ధార్థ్, బాలీవుడ్ భామ & హైదరాబాది అమ్మాయి అదితి రావు హైదరి పెళ్లి చేసుకున్నారు. కొన్నాళ్లగా ప్రేమలో ఉన్న ఈ జంట తెలంగాణలోని వనపర్తి సంస్థానానికి చెందిన శ్రీ రంగనాయక స్వామి ఆలయంలో హిందూ సంప్రదాయ ప్రకారం ఏడుడుగులు నడిచారు.
(సిద్ధార్థ్, అదితిల పెళ్లి వార్తతో పాటు ఫోటోలు చూడడానికి ఈ లింక్ క్లిక్ చేయండి)
ప్రముఖ కొరియోగ్రాఫర్ జానీ మాస్టర్ మీద రేప్ కేసు
పలు పాన్ ఇండియా హిట్ సాంగ్స్ కొరియోగ్రఫీ చేసిన డాన్స్ మాస్టర్, జనసేన నాయకుడు జానీ మీద లైంగిక వేధింపుల కేసు నమోదు అయింది. తనపై పలుమార్లు అత్యాచారం చేశారని 21 సంవత్సరాల గల లేడీ కొరియోగ్రాఫర్ ఇచ్చిన ఫిర్యాదు మేరకు నార్సింగి పోలీసులు ఆయన మీద కేసు నమోదు చేశారు. దీంతో జనసేన పార్టీ ఆయనను ప్రచార కార్యక్రమాలకు దూరంగా ఉంచింది.
(జానీ మాస్టర్ మీద నమోదైన కేసు వివరాలు తెలుసుకోవడం కోసం ఈ లింక్ క్లిక్ చేయండి)
తన ఎలిమినేషన్ వెనుక కారణాలు చెప్పేసిన శేఖర్ బాషా
బిగ్ బాస్ ఇంటిలో అడుగు పెట్టడానికి ముందు వివాదాలతో శేఖర్ బాషా వార్తల్లో నిలిచారు. రాజ్ తరుణ్, లావణ్య కేసులో ఆయన పలు టీవీ ఛానళ్లు నిర్వహించిన డిబేట్లలో పాల్గొన్నారు. ఒకసారి శేఖర్ బాషా మీద లావణ్య చెప్పుతో కొట్టడం కూడా వైరల్ అయింది. ఆ వెంటనే ఆయన బిగ్ బాస్ 8లో ఎంటర్ అయ్యారు. అయితే రెండు వారాలు తిరగక ముందు ఎలిమినేట్ అయ్యారు. తన ఎలిమినేషన్ వెనుక అసలు కారణం ఏమిటో బయటకు వచ్చిన తర్వాత శేఖర్ బాషా చెప్పారు.
(ఎలిమినేషన్ గురించి శేఖర్ భాష ఏం చెప్పారు తెలుసుకోవడం కోసం ఈ లింక్ క్లిక్ చేయండి)
కావాలంటే టెస్టులు చేయించుకోండి... హేమ సవాల్
బెంగళూరు పోలీసులు ఫామ్ హౌస్ మీద దాడి చేసి అక్కడ రేవ్ పార్టీ బరస్ట్ చేశారు. అందులో తెలుగు నటి హేమ పేరు వచ్చింది. తొలుత తాను అక్కడ లేనని హేమ వీడియో విడుదల చేస్తే... ఆ వీడియో రేవ్ పార్టీ జరిగిన ప్రదేశంలో షూట్ చేశారని బెంగళూరు పోలీసులు విజువల్స్ విడుదల చేశారు. అప్పటి నుంచి హేమ వర్సెస్ పోలీసులు, హేమ వర్సెస్ మీడియా అన్నట్టు సాగింది. ఒకానొక సందర్భంలో డ్రక్ టెస్టులు చేయగా హేమ పాజిటివ్ అని వచ్చినట్లు వార్తలు వచ్చాయి. వాటిని ఆవిడ ఖండించారు. ఇప్పుడు మరోసారి హేమ ట్రక్ కేసు తెరపై రావడంతో ఎటువంటి టెస్టులు చేయించుకోవడానికి అయినా సరే సిద్ధంగా ఉన్నానని హేమ ఒక వీడియో విడుదల చేశారు.
(డ్రగ్స్ కేసు మీద హేమ తాజాగా ఏమన్నారో తెలుసుకోవడం కోసం ఈ లింక్ క్లిక్ చేయండి)
పాప్ సింగర్ షకీరాకు చేదు అనుభవం... స్టేజి నుంచి వాక్ అవుట్
పాప్ సింగర్ షకీరా వీడియో ఒకటి సోషల్ మీడియాలో చక్కర్లు కొడుతోంది. లైవ్ పర్ఫామెన్స్ ఇవ్వడానికి స్టేజ్ మీదకు వెళ్ళిన ఆవిడ కొద్ది క్షణాలలో కిందకు రావడం వైరల్ అయ్యింది. స్టేజ్ కింద నుంచి కొందరు అసభ్యంగా వీడియోలు తీస్తున్నారని అనుమానంతో ఆవిడ కిందకు దిగినట్లు తెలుస్తోంది.
(నెట్టింట చెక్కర్లు కొడుతున్న షకీరా వీడియో త పాటు వార్త చదవడం కోసం ఈ లింక్ క్లిక్ చేయండి)
టాప్ హెడ్ లైన్స్
ట్రెండింగ్ వార్తలు
