The Raja Saab Reaction : ప్రభాస్ ఓల్డ్ లుక్ మిస్సింగ్ - 'ది రాజా సాబ్'లో 8 నిమిషాల సీన్స్ యాడ్... రివ్యూస్‌పై మారుతి రియాక్షన్

The Raja Saab Review : డార్లింగ్ ఫ్యాన్స్‌కు డైరెక్టర్ మారుతి గుడ్ న్యూస్ చెప్పారు. 'ది రాజా సాబ్' మూవీలో తాజాగా 8 నిమిషాల సీన్స్ యాడ్ చేస్తున్నట్లు చెప్పారు.

ది రాజా సాబ్‌లో ఆ సీన్స్ యాడ్

Source : https://www.youtube.com/watch?v=wT4HcYAeV5U

Director Maruthi Reaction On Prabhas The Raja Saab Review : పాన్ ఇండియా స్టార్ ప్రభాస్ 'ది రాజా సాబ్' మూవీలో ఓల్డ్ గెటప్ మిస్ కావడంపై ఫ్యాన్స్ సోషల్ మీడియా వేదికగా ట్రోల్ చేసిన సంగతి తెలిసిందే. ట్రైలర్, టీజర్లలో చూపించిన ఈ సీన్స్ మూవీకే హైలెట్ అని అవి మూవీలో ఎక్కడా లేవంటూ అసహనం వ్యక్తం చేశారు. దీనిపై తాజాగా బ్లాక్ బస్టర్ మీట్‌లో డైరెక్టర్ మారుతి రియాక్ట్ అయ్యారు.

8 నిమిషాల సీన్స్ యాడ్

కొన్ని సాంకేతిక కారణాలతో ఆ సీన్స్ సినిమాలో యాడ్ చేయలేదని డైరెక్టర్ మారుతి తెలిపారు. డార్లింగ్ ఫ్యాన్స్‌ను మరింత ఉత్సాహపరిచేలా అవి తాజాగా యాడ్ చేస్తున్నట్లు చెప్పారు. కొత్తగా 8 నిమిషాల సీన్స్ యాడ్ చేస్తున్నామని... ఎంతోమంది ఆసక్తిగా ఎదురుచూసిన ఓల్డ్ గెటప్ అందులో ఉంటుందని వెల్లడించారు. ఈ మీట్‌లో హీరోయిన్స్ నిధి అగర్వాల్, రిద్ధి కుమార్, ప్రొడ్యూసర్ విశ్వప్రసాద్ పాల్గొన్నారు.

'ఒక్క షోతోనే తెలీదు'

మూవీ రిజల్ట్ ఒక్క షో, ఒక్క రోజులోనే నిర్ణయించకూడదని... పది రోజులు ఆగితే 'ది రాజా సాబ్' అంటే ఏంటో తెలుస్తుందని మారుతి అన్నారు. 'మూవీలో కొత్త పాయింట్ గురించే అందరూ మాట్లాడుకుంటున్నారు. అర్థమైన వారు బాగుందంటున్నారు. అర్థం కాని వారు తిడుతున్నారు. దయచేసి అప్పుడే ఫలితం నిర్ణయించొద్దు. టీజర్, పోస్టర్స్‌లో ఓల్డ్ లుక్‌లో ఉన్న ప్రభాస్‌ను చూపించాం. అయితే, సినిమాలో ఆ లుక్ లేకపోవడంతో ఫ్యాన్స్ ఎంజాయ్ చేయలేదు.

ఈ రోజు సాయంత్రం నుంచీ ఆ సీన్స్ మూవీలో యాడ్ చేస్తున్నాం. సెకండాఫ్‌లో కొన్ని సీన్స్ కట్ చేసి 8 నిమిషాల ఈ సీన్స్ యాడ్ చేస్తున్నాం. సెన్సార్ కూడా పూర్తైంది. ఆ సీన్స్ కోసం ప్రభాస్ చాలా కష్టపడ్డారు. ఆయన్ను ఫ్యాన్స్ ఎలా చూడాలని అనుకున్నారో అలానే చూపించాను.' అని అన్నారు.

సోమవారం నుంచి నార్మల్ రేట్స్

కామన్ ఆడియన్స్ చాలా మందికి 'ది రాజా సాబ్' రీచ్ అయ్యిందని మారుతి తెలిపారు. 'ప్రభాస్‌ను కాస్త కొత్తగా చూపించాలనుకున్నా. మైండ్ గేమ్‌గా సాగే క్లైమాక్స్ ఇప్పటివరకూ రాలేదని అందరూ అంటున్నారు. సినిమా లాస్ట్ 40 మినిట్స్ అందరికీ నచ్చింది. కొత్త కథలను పెద్ద హీరోలు చేయాలని ప్రభాస్ ప్రయత్నించారు. ఓ మిడ్ రేంజ్ దర్శకుడు ప్రభాస్ సినిమా తీశాడనిపించేలా ఆయన చేశారు. సినిమా రిజల్ట్ గురించి బాధ పడుతున్నానని చాలా మంది ఫోన్ చేశారు.

కానీ నేను చాలా హ్యాపీగా ఉన్నా. కొత్త పాయింట్ చెప్పినప్పుడు ఆడియన్స్ స్వీకరించడానికి కాస్త టైం పడుతుంది. మీరు కూడా సంతోషంగా ఉండండి. ఈ సంక్రాంతికి అన్నీ సినిమాలు చాలా హిట్ కావాలని కోరుకుంటున్నా. నాకు ధైర్యం చెప్పిన ప్రతీ ఫ్రెండ్‌కు థాంక్స్. సోమవారం నుంచి నార్మల్ టికెట్ రేట్స్ అందుబాటులో ఉంటాయి.' అని చెప్పారు. 

ఫస్ట్ డే కలెక్షన్స్ ఎంతంటే?

ఈ మూవీకి ఫస్ట్ డే వరల్డ్ వైడ్‌గా రూ.112 కోట్ల కలెక్షన్స్ వచ్చినట్లు ప్రొడ్యూసర్ విశ్వప్రసాద్ తెలిపారు. ఈ మేరకు సోషల్ మీడియా వేదికగా పోస్టర్ రిలీజ్ చేశారు. తొలి రోజు 100 కోట్ల కలెక్షన్స్ దాటుతాయని ముందే అనుకున్నామని... చాలామంది కుటుంబ సమేతంగా మూవీని ఎంజాయ్ చేస్తున్నట్లు విశ్వప్రసాద్ చెప్పారు. కొంతమంది కొన్ని కామెంట్స్ చేసినప్పటికీ సంక్రాంతి బరిలో నిలిచి సినిమా హిట్ కొట్టిందని అన్నారు.

మరిన్ని చదవండి

ఓటీటీలోకి 'దండోరా' - తెలుగుతో పాటు ఎన్ని భాషల్లో స్ట్రీమింగ్ అంటే?