Dhandoraa OTT : ఓటీటీలోకి 'దండోరా' - తెలుగుతో పాటు ఎన్ని భాషల్లో స్ట్రీమింగ్ అంటే?

Dhandoraa OTT Platform : రీసెంట్ విలేజ్ సోషల్ డ్రామా 'దండోరా' ఓటీటీ రిలీజ్ డేట్ ఫిక్స్ అయ్యింది. సంక్రాంతి సందర్భంగా మూవీ ఓటీటీలో స్ట్రీమింగ్ కానుంది.

దండోరా ఓటీటీ రిలీజ్ డేట్ ఫిక్స్

Source : https://x.com/pnavdeep26/status/2009863597472858491/photo/1

Sivaji's Dhandoraa OTT Release Date Locked : సీనియర్ హీరో శివాజీ, బిందు మాధవి, నవదీప్ ప్రధాన పాత్రల్లో నటించిన రీసెంట్ సోషల్ డ్రామా 'దండోరా'. గతేడాది డిసెంబర్ 25న ప్రేక్షకుల ముందుకు వచ్చిన ఈ పల్లె కథ మంచి టాక్ సొంతం చేసుకుంది. సెన్సిటివ్ కథాంశంతో రూపొందిన మూవీ ప్రశంసలు దక్కించుకుంది. సంక్రాంతి సందర్భంగా ఓటీటీలోకి వచ్చేందుకు రెడీ అవుతోంది.

ఎప్పటి నుంచి స్ట్రీమింగ్ అంటే?

ఈ మూవీ డిజిటల్ స్ట్రీమింగ్ హక్కులను ప్రముఖ ఓటీటీ 'అమెజాన్ ప్రైమ్ వీడియో' సొంతం చేసుకోగా ఈ నెల 14 నుంచి స్ట్రీమింగ్ కానుంది. మూవీ తెలుగులో రిలీజ్ అయినా ఓటీటీలో మాత్రం హిందీ, మలయాళం, కన్నడ, తమిళ భాషల్లోనూ అందుబాటులోకి రానుంది. ఈ మూవీకి మురళీకాంత్ దర్శకత్వం వహించగా... శివాజీ, నవదీప్, బిందు మాధవిలతో పాటు రవికృష్ణ, నందు, మౌనికా రెడ్డి, మాణికా శ్రీ, అదితి భావరాజు కీలకపాత్రలు పోషించారు. లౌక్య ఎంటర్టైన్మెంట్స్ బ్యానర్‌పై రవీంద్ర రెడ్డి నిర్మించారు. కుల వివక్ష, గ్రామీణ నేపథ్యం ప్రధానాంశాలుగా 'దండోరా'ను తెరకెక్కించారు.

The noise, the emotion, the impact — all over again ❤️‍🔥#Dhandoraa premieres on @PrimeVideoIN from Jan 14 💥

Streaming in Telugu, Kannada, Hindi, Malayalam & Tamil 🔥#DhandoraaOnPrimeVideo@Afilmby_Murali@Benny_Muppaneni #RaviKrishna @itsmaniika #Shivaji @pnavdeep26 #Nandu pic.twitter.com/btjU6P0m19

— Navdeep (@pnavdeep26) January 10, 2026

స్టోరీ ఏంటంటే?

తెలంగాణలో మారుమూల పల్లెటూరు తుళ్లూరు. ఆ గ్రామంలో కుల వివక్ష పాతుకుపోయి ఉంటుంది. గ్రామంలో తక్కువ కులానికి చెందిన వారు ఎవరైనా మరణిస్తే వారి మృతదేహాన్ని ఊరి చివర బ్రిడ్జ్ వద్దకు తీసుకెళ్లి అక్కడి నుంచి కిందకు దించి దహన సంస్కారాలు చేస్తారు. అదే ఊరిలో అగ్ర కులానికి చెందిన ఓ మోతుబరి శివాజీ (శివాజీ) కూడా వివక్షకు గురవుతాడు. కన్న కొడుకు విష్ణు (నందు)తోనూ అతనికి మాటలుండవు. చివరకు ఆయన చనిపోయినా కూడా తన కుల సంఘం శ్మశాన వాటికలో అంతిమ సంస్కారాలు చేయడానికి వీల్లేదని పెద్దలు తీర్మానిస్తారు.

అసలు అగ్ర కులానికి చెందిన శివాజీని పెద్దలు ఎందుకు బహిష్కరించారు? గ్రామంలో తక్కువ కులానికి చెందిన రవి (రవికృష్ణ) హత్యకు గురైన తర్వాత ఎలాంటి పరిణామాలు ఎదురయ్యాయి? వేశ్య శ్రీలత (బిందు మాధవి)తో శివాజీకి ఉన్న సంబంధం ఏంటి? శివాజీకి అంతిమ సంస్కారాల నిర్వహణ విషయంలో తలెత్తిన వివాదం ఏంటి? అనేది తెలియాలంటే మూవీ చూడాల్సిందే.

 

మరిన్ని చదవండి

చిరు 'మన శంకర వరప్రసాద్ గారు' టికెట్ ధరల పెంపు - తెలుగు రాష్ట్రాల్లో రేట్స్ ఇలా...