Shakira: లైవ్‌లో షకీరాకు చేదు అనుభవం - షార్ట్ డ్రస్ వేయడంతో అసభ్యంగా వీడియోలు తీస్తున్నారని...

క్వీన్ ఆఫ్ లాటిన్ మ్యూజిక్ షకీరాకు చేదు అనుభవం ఎదురైంది. లైఫ్ పెర్ఫార్మన్స్ ఇస్తున్న సమయంలో వేదిక ముందు ఉన్న క్రౌడ్ అసభ్యంగా ప్రవర్తించడంతో ఆమె స్టేజి దిగి వెళ్లారు.

షకీరా

Source : https://x.com/FeimM_

పాప్ సింగర్, 'క్వీన్ ఆఫ్ లాటిన్ మ్యూజిక్'గా పేరు పొందిన షకీరా (Pop Singer Shakira) తెలుగు రాష్ట్రాల ప్రేక్షకులకు కూడా తెలుసు. పాప్ సాంగ్స్, ఆవిడ పాటలను రెగ్యులర్‌గా వినని వారు సైతం 'వాకా వాకా' సాంగ్ ఒక్కసారి అయినా తప్పకుండా విని ఉంటారు. ఫుట్ బాల్ వరల్డ్ కప్ కోసం ఆవిడ కంపోజ్ చేసిన ఆ సాంగ్ అంత పాపులర్ అయ్యింది. షకీరా పాటలు, ఆవిడ లైవ్ పెర్ఫార్మన్స్ కోసం ఎదురు చూసే ప్రేక్షకులు ఎంతో మంది ఉంటారు. అందుకే, షకీరా షోలకు క్రేజ్ నెలకొంది. అయితే... ఓ షోలో పెర్ఫార్మన్స్ ఇస్తున్న షకీరాకు చేదు అనుభవం ఎదురు అయ్యింది. పూర్తి వివరాల్లోకి వెళితే... 

షకీరాను అసభ్యంగా వీడియోలు తీయడంతో...
షకీరా వీడియో క్లిప్ ఒకటి సోషల్ మీడియాలో చక్కర్లు కొడుతోంది. స్టేజి కింద ఏం జరిగింది? అనేది అందులో క్లారిటీగా తెలియడం లేదు. కానీ, ఆడియన్స్ ప్రవర్తన వల్ల షకీరా ఇబ్బంది పడినట్లు స్పష్టంగా అర్థం అవుతోంది. 

షార్ట్ మినీ డ్రస్‌లో పెర్ఫార్మన్స్ ఇవ్వడనికి షకీరా స్టేజి మీదకు వెళ్లారు. డ్యాన్స్ చేస్తున్న సమయంలో కింద నుంచి ఎవరో ఏదో చేశారని తెలుస్తుంది. దాంతో 'వద్దు' అని చేతితో షకీరా సైగలు చేయడం కనిపించింది. తర్వాత మళ్ళీ పెర్ఫార్మన్స్ ఇవ్వడం మొదలు పెట్టారు. రౌండ్ తిరిగి వచ్చేసరికి స్టేజి కింద ఉన్న వ్యక్తి తాను చేసే పని ఆపలేదు. దాంతో మరోసారి వద్దని చెప్పిన షకీరా స్టేజి దిగి వెళ్లిపోయారు. 

@shakira 👍 pic.twitter.com/TbmdgwVI8c

— ADALBERTO LLINAS ®️ (@AdalbertoLlinas) September 15, 2024

Shakira leaves the stage after people were filming under her dress whilst she was dancing to her new single. People are GROSS. pic.twitter.com/AxlBw6yFZL

— FEIM (@FeimM_) September 15, 2024

షకీరా షార్ట్ డ్రస్ వేయడంతో ఆవిడ ఇన్నర్స్ కనిపించేలా అసభ్యంగా వీడియోలు తీయడం మొదలు పెట్టారని, అందువల్ల షకీరా పెర్ఫార్మన్స్ మధ్యలో ఆపేసి స్టేజి దిగారని తెలుస్తోంది. అక్కడికీ డ్రస్ అడ్జస్ట్ చేసుకోవడానికి ఆవిడ ట్రై చేశారు. కానీ, అసభ్య ప్రవర్తనకు అడ్డుకట్ట పడలేదు. దాంతో కిందకు దిగారు.

సోషల్ మీడియాలో చక్కర్లు కొడుతున్న వీడియో చూస్తే... షకీరా పెర్ఫార్మన్స్ మియామీలో జరిగినట్టు అర్థం అవుతోంది. ఆమెతో పాటు మరొక లాటిన్ సింగర్ అనిట్ఠా కూడా పెర్ఫార్మన్స్ దగ్గర ఉన్నారు. షకీరా స్టేజి దిగిన తర్వాత 'అంతా ఓకే నా' అని ఆమెను అనిట్ఠా అడగటం కనిపించింది. 

షకీరా తప్పేం లేదు... ఆవిడ చేసింది కరెక్టే!
షకీరాకు మద్దతుగా సోషల్ మీడియాలో చాలా మంది పోస్టులు చేస్తున్నారు. ఆవిడ చేసింది తప్పేం కాదని, క్రౌడ్ అసభ్యంగా ప్రవర్తించినప్పుడు స్టేజి దిగి వెళ్లే రైట్ ఆమెకు ఉందని ఓ నెటిజన్ వ్యాఖ్యానించారు. ఆ విధంగా కొన్ని పోస్టులు ఉంటే... కొందరు స్టేజి దగ్గర ఉన్న వ్యక్తులకు మద్దతుగా పోస్టులు చేశారు. షకీరా షార్ట్ డ్రస్ వేసుకోవడం వల్ల వాళ్ళు వీడియోలు తీయలేదని, స్పేస్ సూట్ వేసినా సరే వీడియోలు తీస్తారని, ఆమె పెర్ఫార్మన్స్ రికార్డు చేసుకుంటున్నారని చెబుతున్నారు. మొత్తం మీద నెట్టింట షకీరా మరోసారి వైరల్ అయ్యింది.