Thangalaan: 'తంగలాన్'కు పార్ట్ 2 కూడా ఉంది - కన్‌ఫాం చేసిన హీరో విక్రమ్
Chiyaan Vikram: ఆగస్టు 15న ప్రేక్షకుల ముందుకు వచ్చిన తంగలాన్ మూవీ హిట్‌ టాక్ తెచ్చుకుంది. తెలుగులోనూ ఈ సినిమా మంచి రెస్పాన్స్, కలెక్షన్స్ వస్తున్నాయి. ఈ నేపథ్యంలో మూవీ టీం క్రేజీ అప్‌డేట్‌ ఇచ్చింది.
Thangalaan Part 2 Confirmed by Movie Team: చియాన్ విక్రమ్ నటించని లేటెస్ట్‌ మూవీ 'తంగలాన్'. పా రంజిత్ దర్శకత్వంలో పీరియాడిక్ యాక్షన్‌ తెరకెక్కిన ఈ సినిమా నిన్న ఆగస్టు 15న థియేటర్లోకి వచ్చింది. అన్ని దక్షిణాది భాషల్లో విడుదలైన ఈ సినిమా అన్ని చోట్ల బ్లాక్ బస్టర్ టాక్ తెచ్చుకుంది. నీలమ్ ప్రొడక్షన్స్ తో కలిసి స్టూడియో గ్రీన్ ఫిలింస్ బ్యానర్ పై ప్రముఖ నిర్మాత కేఈ జ్ఞానవేల్ రాజా నిర్మించిన ఈ సినిమా పార్వతీ తిరువోతు, మాళవిక మోహనన్ హీరోయిన్లుగా నటించారు.
అన్ని భాషల్లోనూ తంగలాన్ మూవీ ఆడియన్స్ నుంచి పాజిటివ్‌ రివ్యూస్‌ తెచ్చుకుంది. ముఖ్యంగా విక్రమ్ లుక్‌, నటనపై ప్రశంసలు వెల్లువెత్తున్నాయి. ప్రాణం పెట్టి నటించాడంటూ విక్రమ్ నటనని కొనియాడుతున్నారు. ఇక తంగలాన్ సినిమాకు వస్తున్న రెస్పాన్స్ పట్ల చిత్ర బృందం సంతోషంగా ఉంది. మూవీ మెగా హిట్‌ అందుకున్న నేపథ్యంలో శుక్రవారం చిత్ర బృందం హైదరాబాద్‌లో థ్యాంక్స్‌ మీట్‌ నిర్వహించింది. ఈ వెంట్‌కి తంగలాన్ డైరెక్టర్, నిర్మాత, విక్రమ్‌తో పాటు పలువుకు పాల్గొన్నారు.
తెలుగు ఆడియన్స్ పై నమ్మకం ఉంది..
ఈ సందర్భంగా హీరో విక్రమ్ తంగలాన్ చిత్రంపై అదిరిపోయే అప్‌డేట్‌ ఇచ్చాడు. దీంతో ఫ్యాన్స్‌ అంతా ఫుల్‌ ఖుష్ అవుతున్నారు. ఈ సందర్బంగా అనంతరం హీరో విక్రమ్ మాట్లాడుతూ.. తెలుగులో తంగలాన్ సినిమాను వస్తున్న రెస్పాన్స్ చూస్తుంటే సర్‌ప్రైజింగ్‌గా ఉంది.. మా సినిమాని ఆదరిస్తున్న తీరు చూస్తుంటే చాలా సంతోషంగా ఉందన్నారు. ఇది మట్టి కథ అని, తెలుగు ఆడియన్స్‌కి ఇది తప్పక నచ్చుతుందనే నమ్మకంతో ఉన్నామన్నారు. అదే ఇప్పుడు ప్రూవ్‌ అయ్యిందన్నారు. ఇదంతా డైరెక్టర్ రంజిత్ వల్లే సాధ్యమైందన్నారు.
తంగలాన్ పార్ట్ 2 కూడా వస్తుంది
జీవీ ప్రకాశ్‌ తన సంగీతంతో సినిమాని మరో స్థాయికి తీసుకెళ్లాడని, మాళవిక, పార్వతి తిరువోతు, పశుపతి.. అందరూ తమ తమ పాత్రకు న్యాయం చేశారన్నారు. ఆ తర్వాత ఆయన మాట్లాడుతూ.. మీ అందరి ప్రేమతో ఈ తంగలాన్ సెకండ్ పార్ట్ వస్తుందంటూ విక్రమ్ క్రేజీ అప్‌డేట్‌ ఇచ్చారు. జ్ఞానవేల్ రాజా, రంజిత్, నేను కలిసి సెకండ్ పార్ట్ గురించి చర్చించామని, త్వరలో పార్ట్ 2పై ప్రకటన ఉండబోతుందని హీరో విక్రమ్ వెల్లడించారు. తంగలాన్‌కు పార్ట్ 2 కూడా ఉంటుందని స్వయంగా విక్రమ్ చెప్పడంతో ఆయన అభిమానులు ఫుల్‌ ఖుష్ అవుతున్నారు.
ఈ చిత్రానికి జీవి ప్రకాష్ కుమార్ అధ్బుతమైన సంగీతం అందించారు. అనంతరం నిర్మాత కేఈ జ్ఞానవేల్ రాజా మాట్లాడుతూ.. ఒక మంచి సినిమాను ప్రేక్షకులు తప్పకుండా ఆదరిస్తారనే నమ్మకాన్ని 'తంగలాన్' నిలబెట్టిందని, ఈ స్థాయిలో భారీ ఒపెనింగ్స్‌ని తెలుగులో ఊహించలేదన్నారు. మేము అనుకున్న దానికంటే రెట్టింపు కలెక్షన్స్ వస్తున్నాయని, అన్ని సెంటర్స్‌లోనూ తంగలాన్ మంచి వసూళ్లు రాబడుతోందని ఆనందం వ్యక్తం చేశారు. అంతేకాదు ఫస్ట్‌డే కలెక్షన్స్ చూసి తాము ఆశ్చర్యపోయామని అన్నారు.
టాప్ హెడ్ లైన్స్
ట్రెండింగ్ వార్తలు
