Allu Arjun Pushpa 2 Records : రికార్డు క్రియేట్ చేసిన 'పుష్ప 2' ఫస్ట్ లుక్ - అది ఏమిటో తెలుసా?

ఐకాన్ స్టార్ అల్లు అర్జున్ హీరోగా సుకుమార్ దర్శకత్వం వహిస్తున్న సినిమా 'పుష్ప 2'. హీరో పుట్టినరోజు సందర్భంగా ఫస్ట్ లుక్ విడుదల చేశారు. ఇప్పుడీ లుక్ ఓ అరుదైన రికార్డు క్రియేట్ చేసింది. 

'పుష్ప 2'లో అల్లు అర్జున్

Source : Instagram/@alluarjunonline

ఐకాన్ స్టార్ అల్లు అర్జున్ (Allu Arjun) కథానాయకుడిగా నటిస్తున్న పాన్ ఇండియా సినిమా 'పుష్ప 2' (Pushpa 2 Movie). క్రియేటివ్ జీనియస్ సుకుమార్ (Sukumar) దర్శకత్వం వహిస్తున్నారు. వీళ్ళిద్దరి కలయికలో వచ్చిన పాన్ ఇండియా హిట్ 'పుష్ప'కు సీక్వెల్ ఇది. ఆల్రెడీ ఫస్ట్ లుక్ విడుదల చేశారు. ఆ లుక్ ఇప్పుడు ఓ అరుదైన రికార్డ్ క్రియేట్ చేసింది. 

ఇన్‌స్టాగ్రామ్‌లో 7 మిలియన్ లైక్స్
తిరుపతి, ఆ పరిసర ప్రాంతాల్లో ప్రజలు ఆచరించే సంప్రదాయం ప్రకారం గంగమ్మ జాతరలో మహిళల తరహాలో పురుషులు ముస్తాబు కావడం ఆనవాయితీ. చిత్తూరు నేపథ్యంలో ఎర్ర చందనం స్మగ్లింగ్ నేపథ్యంలో 'పుష్ప' తెరకెక్కింది. 'పుష్ప 2'లో ఆ గంగమ్మ జాతర నేపథ్యంలో సన్నివేశాలు ఉన్నాయి. ఆ జాతరలో ఆడ వేషం వేసిన అల్లు అర్జున్ ఆహార్యాన్ని ఫస్ట్ లుక్ గా విడుదల చేశారు. ఇన్‌స్టాగ్రామ్‌లో ఆ పోస్టర్ ఆయన పోస్ట్ చేశారు. దానికి 7 మిలియన్ లైక్స్ వచ్చాయి. 

ఇన్‌స్టాగ్రామ్‌లో ఓ ఇండియన్ మూవీ పోస్టర్ అన్ని లైక్స్ అందుకోవడం ఇదే తొలిసారి. అల్లు అర్జున్ పోస్టర్ అరుదైన రికార్డ్ క్రియేట్ చేయడం పట్ల అభిమానులు సంతోషం వ్యక్తం చేస్తున్నారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Mythri Movie Makers (@mythriofficial)

2024 వేసవిలో 'పుష్ప 2' విడుదల డౌటే! 
Pushpa 2 Release Date : తొలుత 2024 సమ్మర్ సీజన్ టార్గెట్ చేస్తూ 'పుష్ప 2'ను విడుదల చేయాలని ప్లాన్ చేశారు. అయితే... ప్రస్తుతం జరుగుతున్న చిత్రీకరణ స్పీడ్ చూస్తే... వేసవికి సినిమా రావడం కష్టం అని వినపడుతోంది. ఇప్పటి వరకు 40 శాతం చిత్రీకరణ మాత్రమే పూర్తి అయ్యిందని గుసగుస. ముందుగా అనుకున్న విధంగా కాకుండా కథలో సుకుమార్ కాస్త మార్పులు, చేర్పులు చేశారట. యాక్షన్ డోస్ పెంచారట. త్వరలో థాయ్‌లాండ్ షెడ్యూల్ స్టార్ట్ అవుతుందని సమాచారం. 

షూటింగ్ అంతా పూర్తి అయిన తర్వాత అల్లు అర్జున్ & సుకుమార్ విడుదలపై ఓ నిర్ణయం తీసుకుంటారట. ఇటీవల జరిగిన 'ఖుషి' ట్రైలర్ విడుదల కార్యక్రమంలో వచ్చే ఏడాది 'పుష్ప 2' విడుదల అవుతుందని నిర్మాత నవీన్ ఎర్నేని చెప్పారు. అయితే... ఎప్పుడు విడుదల చేస్తామనేది చెప్పలేదు.  

డిసెంబర్ 17, 2021న 'పుష్ప' విడుదల అయింది. ఆ తర్వాత అల్లు అర్జున్ మరో సినిమా చేయలేదు. అప్పటి నుంచి 'పుష్ప 2' మీద మాత్రమే ఉన్నారు. సుమారు ఏడాదిన్నరగా ఈ సినిమా చేస్తున్నారు. మరి, 'పుష్ప 2' ప్రోగ్రెస్ ఏమిటి? అనేది చిత్ర బృందానికి మాత్రమే తెలుసు. అప్డేట్ కోసం అల్లు అర్జున్ అభిమానులు నిరసనలు, సోషల్ మీడియాలో నేషనల్ ట్రెండ్స్ చేసే వరకు వెళ్ళారు.
  
'పుష్ప 2'లో శ్రీవల్లిగా మరోసారి రష్మిక మందన్నా, భన్వర్ సింగ్ షెకావత్ పాత్రలో ఫహాద్ ఫాజిల్ సందడి చేయనున్నారు. 'పుష్ప'లో కీలక పాత్రలు చేసిన జగదీశ్, సునీల్, అనసూయ సైతం 'పుష్ప 2'లో నటిస్తున్నారు. దేవి శ్రీ ప్రసాద్ సంగీతం అందిస్తున్నారు. 'పుష్ప 2'లో ఐటమ్ సాంగ్ సూపర్ సక్సెస్ కావడంతో 'పుష్ప 2' పాటలపై భారీ అంచనాలు ఉన్నాయి.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial